افضل مــــــــواد للترم الصيفي

[khaled_2010]

انا افكر اسجل مبادئ تسويق و سلوك انساني وش رايكم؟؟؟

[m7md_riyadh]

انا مع العكرش ومشاكس في اداره موارد بشريه لانها متطلب لمواد من السادس الى الثامن

بس المادتين الباقي ماادري محتار مازال البحث جاري عن اسهل ماده اختياريه واعتقد انها على كلام الشباب اخلاقيات العمل

والماده الثالثه يمكن تخطيط ويمكن نظم ماادري !

[m7md_riyadh]

المشاركة الأصلية كتبت بواسطة العكرش انا راح انزل ان شاء الله اللغه العربيه 102 ادارة العمليات لانها متطلب لمواد اخرى ادارة الموارد البشريه لانها متطلب ايضا لمعظم مواد الترم السادس ولا زال فيها مداولات

معليش اخوي بس اداره العمليات مو ماده علميه وليست نظريه؟
ياليت توضحلي مدى صعوبتها هل هي اسهل من محاسبه 1 و ماليه شركات ولا اصعب ولا وش وضعها؟ اذا كانت علميه

[rahal500]

ادارة العمليات
فيها جزء عملي 40%
وجزء نظري 60%

وأسهل من المحاسبة ومالية الشركات بكثير

[m7md_riyadh]

المشاركة الأصلية كتبت بواسطة rahal500 ادارة العمليات فيها جزء عملي 40% وجزء نظري 60% وأسهل من المحاسبة ومالية الشركات بكثير

شكرا يعطيك الف عافيه

طيب بغثك بالاساله شوي
ماده استثمار كم بالميه عملي؟

وكذلك بحوث العمليات؟

وبالنسبه لماده نظم المعلومات الاداريه هل تصنف من المواد السهله او المتوسطه او الصعبه وبايش تقارنها

معليش ثقلت عليك بالاساله
الله يوفقك دنيا واخره

[mare5421]

مساء الخير ياشباب كيفكم إن شاء الله تكونون في احسن حال,,,,,,,,

بصراحة انا من أشد المتابعين لمواضيعكم اللي الواحد بس مجرد يفكر فيها يلقها بأول صفحة مشاءلله اللهم لاحسد من جد عيني بارده عليكم ,,,,,,,,,,,,,

بس يمكن لو تلاحظون مشاركاتي قليله لأنو بصراحة ما أحب اسوي زحمه وتكون الردود كثيره
الله يكتب لكم الأجر على كل شي تفيدون فيه اخوانكم وأخواتكم الطلبه,,,,,,, انا داري اني طولت عليكم بس لقيتها فرصه أعبر عن ما بداخلي من شعور ,,,,,,

ندخل في صلب الموضوع أنا ياشباب مسار اعمال دوليه ولله الحمد للحين مخلص 60 ساعه ونفس الوقت كنت حاذف مادتين المفروض اني اكون مخلصها في الترميين اللي راحو وهي اقصاد كلي و محاسبه 102 مشكلتي اني ما احب اضغط نفسي كثير في المواد العلميه اكثر من مادتين في الترم
والسؤال هنا هل اقدر اخذ ها لمادتين في الترم الصيفي مع ماده نظري عشان تكون الساعات 9 طبعا اكيد في احد صار معاه نفس ما صار معاي ياليت احد يفيدني وأكون له ممنون كثير وهل تكون مفردات المواد نفس الترم اللي راح.....
وجزاكم الله عنى خير الجزاااااء

[عبدالعزيز177]

ننتظر اجابة على اسئلة الاخوان

و كذالك ننتظر مزيد من الاراء

تحياتي

[دفانه الركب]

المشاركة الأصلية كتبت بواسطة m7md_riyadh شكرا يعطيك الف عافيه طيب بغثك بالاساله شوي ماده استثمار كم بالميه عملي؟ وكذلك بحوث العمليات؟ وبالنسبه لماده نظم المعلومات الاداريه هل تصنف من المواد السهله او المتوسطه او الصعبه وبايش تقارنها معليش ثقلت عليك بالاساله الله يوفقك دنيا واخره

استثمار مادة علمية 75% ونظري 25%..اذا كانت عند احمد زينه بتظمن درجة حلوة
(جاب الترم هذا 6 مسائل وكل مسئلة عليها 7 درجات _المسائل تطبيق على القانون فقط مع كتابة خطوات الحل)

بحوث عمليات الترم الجاي ان شاء الله

نظم معلومات مادة غثيثة خاصة الترم هذا ماكان فيه اي حذف والكتاب 600 صفحة والاسئلة من بين الاسطر... اذا كانت عند متعب المرزوقي ما انصحك.. والامر راجع لك

هذا ما لدي اتمنى لك التوفيق

[m-a-h2003]

البنات لهم ترم صيفى بليزززززززززززززززززززز ردو عليه بسرعه

[m7md_riyadh]

المشاركة الأصلية كتبت بواسطة دفانه الركب استثمار مادة علمية 75% ونظري 25%..اذا كانت عند احمد زينه بتظمن درجة حلوة (جاب الترم هذا 6 مسائل وكل مسئلة عليها 7 درجات _المسائل تطبيق على القانون فقط مع كتابة خطوات الحل) بحوث عمليات الترم الجاي ان شاء الله نظم معلومات مادة غثيثة خاصة الترم هذا ماكان فيه اي حذف والكتاب 600 صفحة والاسئلة من بين الاسطر... اذا كانت عند متعب المرزوقي ما انصحك.. والامر راجع لك هذا ما لدي اتمنى لك التوفيق

تسلم ياغالي على هالمعلومات الله يجزاك الف خير

انا شكلي بخلي المواد العلميه فالاترام العاديه

قررت انزل فالصيف زي ماقلت اداره موارد بشريه بحكم انها متطلب لمواد كثير
وماده اختياريه واتوقع انها اخلاقيات العمل الا اذا عندك استشاره في ماده اسهل
خصوصا انه يهمني ان الماده ماتكون دسمه وعدد صفحات قليل :d
والماده الثالثه يبدو انها تخطيط وتنميه موارد بشريه ,, وش رايك فيها ومدى صعوبتها؟ وعند اي دكتور تنصح
شاااكر ومقدرر