الرجاء الدخول ضروري جداا للمساعدة

[nice cool]

وعليكم السلام اخوي الخلوق تيب مافي مافي مشكلة تحطها في مكتبة بس ماادري عنك متى بتحطها لأنه انا الحين مريضة انفلونزا شديدة مرررة ويعني على الأحد كده اخف..
يعني انت لو بكره تروح تحطهال مدري عنك..؟؟
الله يجزيك كل خير....
ياليت ايوا تعطيني كل شي عندك بس بأي اسم حتطوه؟؟؟
الشقري مااعتقد مفتوحة ولا تيب يعني هيا ملخصات واشياء كده بس انتبه يأخدوها منك ويصورها ويخلولهم نسخة للبيع وانا لمن اجي يخلوني اشتريها؟؟
تيب كيف الحل؟؟؟

[الخلوق]

السلام عليكم ورحمة الله وبركاته
أنا بكره ما عندي دوام ،يوم الأحد بداوم إن شاء الله ، أنا بحطها بكيس او ظرف بإسم الخلوق ، ولا تخافين أنا بقوله بتجي وحده وتأخذها منك ،ولكن ما قلتي لي في أي مكتبة أحطها لكي .....الشقري اللي عند بوابة 6 على ما أعتقد إنها فاتحة ، وهي الفرع الرئيسي في الجامعة.
خلاص أنا إن شاء الله يوم الأحد بعد بكرة على الساعة 10ص بحطها عند مكتبة الشقري اللي عند بوابة 6 (اللي عند كلية الهندسة) ، لكن لا سمح الله ما لقيتها فاتحة وين أحطها بأي مكتبة ....مكتبة القلم اللي في السليمانية اللي مقابل مستوصف سابا مناسبة لو لقيت الشقري مقفلة أحطه فيها؟ ،أو حددي لي المكتبة المناسبة لو لقيت الشقري مقفلة أحطها فيها.

[nice cool]

تيب اخوي مشكور وما قصرت بس مدري كنت ابى اقولك ع دار الهدى شو رأيك فيها؟؟؟؟
ولا انت اذا ضامن القلم هذه بس المشكلة انا مااعرف طريقها وين تقع بالضبط وجزاك الله خير...
صح نسيت اقولك (((لأحلى بشر عطر وزهر مع كرت يقولك كل عام وانت بخير ورمضان كريم))

[الخلوق]

وأنتي بخير

أنا الحين بحطها في الشقري ، لكن دار الهدى هذي وين؟
مكتبة القلم قدام مستوصف ساب اللي على نفس الطريق اللي فيه سوق السليمانية والمؤدي إلى الجامعة وأنتي نازلة من كبري الملك عبدالله على السليمانية بتجيكي إشارة لفي يسار وأمشي على طول يجيكي المستوصف على يمينكي ومكتبة القلم على يساركي ..وتراها مكتبة صغيرة ، لكن أنتي حطي في بالكي إني بحطها في الشقري ، لكن إذا كانت مقفلة .....أنتي قولي لي وين موقع دار الهدى إذا كان مناسب مافي مشكلة ،وإلا أحطها في القلم.
لكن زي ما قلت حطي في بالكي إني بحطها في الشقري.

[nice cool]

السلام اخوي الخلوق..
مكتبة دار الهدى امام كلية الهندسة بجوار خوارزم العلمية طبعا عشان تروحلها هيا حتكون في السكة التانية للكلية تعرف ليتل سيزر تعدي وتجيك فتحة اظن الأولى تعديها الفتحة التانية تدخل منها تمشي ع طول تجيكي مجموعات مكتبات ع يدك اليمين سيبها بعدين اجباري يمين او يسار تاخد يسار وتلاقيها ع يدك اليمين ومحطة ع اليسار يارب تكون فهمت..

[الخلوق]

لا والله ما عليش ما فهمت ، هي في المكاتب اللي مقابل كلية الهندسة باينة لو طلعت على الشارع العام ؟ ، الشقري اللي عند بوابة 6 إن شاء الله فاتحة (لأن قبل الاختبار الدوري الأول واحد من الطلاب اللي معنا يسأل طالب ..من وين أخذ الأوراق اللي معاه ،فقال:من الشقري اللي عند بوابة 6) ، فإن شاء الله تكون فاتحة ، أنتي وضحيلي وصف مكتبة الهدى زين وإن شاء الله ما يحصل إلا خير ، وهي مقابل كلية الهندسة من خارج الجامعه صح؟...............لأني إن شاء الله بوديها بكرة فأرجو الرد بسرعه.

[nice cool]

ايو صح وصفك حتلاقي دار الهدى امام الهنددسة وسوري ع7 التاخير والله انا اخذت الأدوية وادروخت ونمت بس انت بشرني حطيت الأشياء في الشقري فاتحة لقيتها؟؟؟؟ولك تحياتي..

[الخلوق]

السلام عليكم ورحمة الله وبركاته

أنا رحت الشقري اليوم قالوا لي: ممنوع تحط أوراق أو أي أمانه في المكتبة ، ومكتبة دار الهدى ما لقيتها ، الأوراق كلها جاهزة عندي ، إذا كان عندكي أحد يجي يأخذها مني يوم الثلاثاء من العمادة ، وأنا ما أبي أقول لكي أحطها في مكتبة الفلانية وألقاها نفس الحالة ممنوع ،وتروح الأيام وأنا ما عطيتكي الأوراق ، لأن أنا أداوم من مكة وصعب إني أروح مكتبة خارج الجامعة ...ما يمديني الوقت ما يساعد وإذا طلعت الظهر أطلع في حر ،والمكتبات مقفلة ،ويالله يمديني ألحق على مكة ،فسامحيني أنا ودي أساعدكي ،بس زي ما قلت إذا كان عندكي أحد يأخذها مني يوم الثلاثاء الصبح في العمادة قولي لي .

وشكرا...................

[nice cool]

وعليكم السلام...........
اللله احلى حاجة انك مكاوي والنعم والله...
اجل اتفقنا انا كمان .......
ياربي تيب العمل المشكلة مرررررررررة ماعندي احد تيب اسمع تعرف خورازم تقر تحطها هناك؟؟؟؟
معليش تعبتك معايا بس يالله تكسب في اجر

[الخلوق]

أي خوارزم ؟.............اللي في الجامعة .............يقول العامل اللي في مكتبة الشقري هذا الشي الأمانات ممنوعة عند كل مكتبات الجامعة .......يقول:-هذا قرار من الجامعة بسبب المشاكل اللي حصلت من هذا الشي.

وقلت لكي أنا ودي أساعدكي .......بس قلت لكي الوضع ما يسمح إني أطلع خارج الجامعة.. بتأخر على المحاضرة.

لكن في طريقة حلوه :-أروح عند مكتبة الشقري اللي عند بوابة 6 ،وبحيث إنه ما عندها زحمة أقول لكي مثلا على الساعة 11ص أنا بحط الكيس جنب باب المكتبة على اليمين أدسه تحت وأنتي تجين الساعة 11ص ،أو11:30ص وتأخذين الكيس وأنا بكون حاط عليه اسمي وبتلقين الكيس فيه أوراق ونماذج كثيرة ........إذا أحببتي هذي الطريقة أنا ما عندي مشكلة ............................................عطيني رد .

وشكرا