تم قبولي في برنامج الملك للابتعاث واه اه من الحيرة

[معلمة مكه]

المشاركة الأصلية كتبت بواسطة moooj السلام عليكم ورحمة الله وبركاته شهركم مُبارك في البدء نقول مُبارك عليك القبول .. ولن نستطيع الشور عليك ونحن لا نعرف تفاصيل ما هي وظيفتك ؟ وكم الراتب ؟ اقصد هل هو قليل أم لا ؟ كم لك سنة في الوظيفة ؟ وكم لك سنة من تخرجك ؟ ما هو التخصص المبتعث عليه ؟ وأين البعثة ؟ وهل انت متزوجة ؟ وهل لديك أولاد ؟ وهكذا ........... التفاصيل توضح للشخص الموضوع وبالتالي يستطيع ان يشير عليك وفقكم الله تعالى

حسب مافهمت من احد ردودها انها معلمة ولها 4 سنوات ،، الله يكتب لها الخير ..

[معلمة مكه]

المشاركة الأصلية كتبت بواسطة حلم وطموح لكن في بعثة الملك العام الماضي الموظفين صار لهم زي كذه انقبلوا مبدئي ثم بعد المطابقة والتواصل مع الخدمة المدنية واكتشفوا انهم موظفين خيروهم بين الفصل او البعثة وبعضهم اختار البعثة والبعض الوظيفة هذا حسب كلامهم في منتدى مبتعث والله اني محتارة

بصراحه الفصل صعب ويعتبر قرار متهور خصوصا ان وظيفتك جيده .. الله يعينك ولكن واصلي مشوارك الى النهايه يمكن مايخيروك وتقدري وقتها تقدمي استثنائي او رعاية طفل ...

الله يسهل لك الاختيار ..

[unlucky]

اذا ودك بنصيحتي دامك موظفة والراتب زين شيلي فكرة انك تفصلي وتبتعثي
لان بصراحة فرص العمل للمبتعثين والبالغ عددهم قرابة 80000 الف ثماااااانين الف مبتعث راح تكون ضئيلة والله العالم
مع العلم ان وضع المبتعثين غامض من ناحية الوظائف اعرف مبتعثين كملوا ورجعوا والى الان مافي وظيفة .... والخيرة فيما اختاره الله

[حلم وطموح]

مشكورين..
moooj
انا معلمة متخرجة من اربع سنوات وموظفة (معلمة)من اربع سنوات الراتب 8600
متزوجة ولدي طفلة واحدة
تخصص علوم حاسب
البلد امريكا
معلمة مكة مشكورة ياقلبي على وقفاتك معي والله صايرة مثل اختي الله يسعدك
unluky كلامك صحيح وانا سمعت كذه بعد بس الطموح يذبح
سمايل والله اني محتارة من كثر السلبيات والايجابيات
مهند مشكور عالنصيحة

[خديجة حافظ]

المشاركة الأصلية كتبت بواسطة unlucky اذا ودك بنصيحتي دامك موظفة والراتب زين شيلي فكرة انك تفصلي وتبتعثي لان بصراحة فرص العمل للمبتعثين والبالغ عددهم قرابة 80000 الف ثماااااانين الف مبتعث راح تكون ضئيلة والله العالم مع العلم ان وضع المبتعثين غامض من ناحية الوظائف اعرف مبتعثين كملوا ورجعوا والى الان مافي وظيفة خليك على قردك لايجيك اقرد منه .... والخيرة فيما اختاره الله

اوفقك الرأي

الا اذ منتي حابه مهنة التدريس

وودك تغير المجال (ارامكو _ مباحث-بنك-صحة...............)
تري فعلا كل الي رجعو من البعثات مو لاقين وضائف الا اذا ناوية تهاجري وممكن تلاقي حسب الاحتياج
وخلي في بالك ان الكثير من المصاعب قد تواجهك واذاكان الوازع الديني عند زوجك نص نص ونفسو ضعيفة يعني المشكلة ما حتكون في الوضيفة وبس ما تقري في المنتديات ومشاكلهم مع ازواجهم وفي بعض الرجال من جد ما يجملو
واذا امك عايشة الله يطول في عمرها استشيريها فقلب الام دليلها ومافي زي دعوة الام واحساسها

وسامحيني اذا تطرقت لمواضيع قد تكون خاصة

[وحيدو]

المشاركة الأصلية كتبت بواسطة معلمة مكه الف مبرووووووك ، وليش تفصلي من عملك تقدري تاخذي اجازة استثنائيه او اجازة رعاية مولود وبعد الحصول على المؤهل لك الخيار برجوع الى وظيفتك السابقه او بنقل خدماتك الى التعليم العالي ووقتها بيكون عندك شهادة علمية عاليه أضافه الى خبرة في التدريس 4 سنوات كما فهمت من موضوعك السابقه .. مع الملاحظه ان وزارة الخدمة المدنية ماراح تعتمد المؤهل لأنك درستي بطريقه غير نظامية بعد رجوعك وزارة التربية والتعليم ولكن لوقدمت على التعليم العالي راح تحسب لك .. وادعي الله انه يختار لك الخير ان شاالله ..

كلام سليم 200% تشكرين وانا اوفقك الرأي

[الفـيـصـل]

مبروك اولا على البعثه ...
ثانيا نصيحة اطلعي بعثه .. لو انا مكانك باطلع بعثه وانا احاول اني ادرس حاليا برا على حسابي...

والله يرشدك لما فيه الخير

[KING ABDULLAH]

انا اقول فرصة قد لا تتكرر لك مرة اخرى فنتهزيها

وبعدين متزوجه و بيبي واحد

و زوجك يستفيد اذا كان يبغى يكمل برضو و البيبي يكسب لغتين

هي مغامرة لكن حلوة

و على فكرة عند المطابقة بيطلبون انك تقدمي اجازة على مدة الدراسة و اجازة الامومة في ايدك

و الله يكتب الخير وين ماكان

[لُؤلؤٌ مكنون]

انصحك ماتتركين الوظيفة
وطموحك ممكن تحققينه وانت بالسعودية وعلى رأس العمل أو بالتفرغ
وبكذا ماتكونين تنازلتي عن شي

والله يختار لك الخيرة المباركة

[Brainiac]

هلا بك أختي حلم وطموح... ومبروك عليك الشهر وعلى باقي الاعضاء والعضوات.

أنا ما راح اقول رأيي في الموضوع... لانك عارفه رأيي من الموضوع الاول... وانا لا زلت عند نفس الرأي اذا انتي مصممة تكملي للاخر وتتوجي المسيرة بالدكتوراه :)


بالتوفيق ان شاء الله