[( ّ*فلانه محجوزه لفلان* ّ)]

[Anastasia]

مرحبا لميـاء

اشكرك على الموضوع المهم

رغم اني ما واجهت هالشي الا اني اشوفه حولي

ورغم ان الدنيا تغيرت والمباني طالت الا ان عقول بعضهم مازالت مثل الصخر

هي لا عادات وتقاليد ... ويمكن ما للاثنين دخل فيها ... انا اعتقد ان المسبب هم الأهل

ويمكن يكون الولد بس برضه هذا ما يجعل طريقه الحجز أفضل !

تبيها .. تقدم لها اذا كنت مستعد تتحمل مسؤوليتها ومسؤولية الي بيجونك منها

بالنسبه لتساؤلاتك ::

من المذنب .في هذا كله. الشاب , الشابه , الأهل , العادات والتقاليد ؟؟

15% الشاب و 85% الأهل .. المفروض الشاب لما يسمع من اهله انهم بيحجزوا له يتصرف بالموضوع

لأن البنت ما تقدر تسوي شي الا القليل ..

ومين اللي يحدد ويقرر ان فلان لفلانة وفلانة لفلان .. الاهل ام الشاب ام النسب ؟؟

الاهل وممكن يسووها علشان النسب او خايفين على مستقبل ولدهم

اذا تقدم لكي ايتها الفتاة شاب للآن يدرس وقالوا لك أهلك انه يبي يحجزك وش بيكون موقفك ؟

اذا خلص دراسته يتقدم لي ومو معنى هذا اني راح انتظره

وهل هذا الشي موجود في عائلتكم ؟؟ وماموقفكم منه ؟؟

موجود بس الحمد لله ما واجهته

تسلمين أختي على الموضوع .. أشكرك من الأعماق

تحيــاتي

[مجبور اوادعها]

احياناً تكون العادات والتقاليد منتازة

واحياناً ما لها داعي

وبالفعل الضرر الأكبر على البنت

لو فات القطار، مشكلة

والأخ الي كان حاجز تلقيهـ متزوج، ولا جاب طلبيهـ من الخارج

:::::::::

على العموووم يا ريت انهم حاجزيني

والله ما افكها هي وخشمها، حتى لو تقول اننا غير متوافقين

خلاص نتوافق بعد الزواج،

اجل من فين نجيب عروسة، والراتب يا دوب يبقى منهـ 300 بداية الشهر

مالنا غير المحجوووزهـ {}

:::::::::

المسأله اعتقد يبغى لها تثقيف عبر وسائل الإعلام

يعطيكـ العافية (لميـــا)

الا كيف فركتيها من الحجز

[مجبور اوادعها]

15% الشاب و 85% الأهل .. المفروض الشاب لما يسمع من اهله انهم بيحجزوا له يتصرف بالموضوع لأن البنت ما تقدر تسوي شي الا القليل ..

حتى الشاب ربما يكون مغصوب

يعني ابوهـ مهددهـ ، بالغضب عليهـ الي يوم الدين

فصعبهـ انه يسوي شي

[LAMYA]

المشاركة الأصلية كتبت بواسطة مسحه كحوليه فعلا العادات والتقاليد هي السبب ولو انه في الاونه الاخيره خفت هذه الظاهره ولكن لاتزال مشكله قائمه ولاتنسون ان زواج الاقارب تكثر فيه الامراض الوراثيه بشكل اكبر والعجيب الغريب ان هناك فخذ من قبيله في المملكه حتى الان لايزوجون بناتهم الا من نفس العائله حتى لو ادى ذالك ان بناتهم تعنس شكرا لكى على الطرح الاكثر من رائع

شكراً على مرورك الرائع اخوي
صادق الاهم والاساس مشكله هالامراض الوراثيه الله يكفينا ويكفيكم شرها ويمكن بعدالفحص اللي قبل الزواج تقلل من هالماساه
وبالنسبه للعائله هذه الله يكون في عون عيالهم بنات وشباب

[خوخة]

الحمد لله لك ياارب ما عندنا دا الشيء
يعني اذا جاني واحد محافظ على صلاته و اخلاقه طيبة ووظيقتو طيبة
بابا ماراح يتردد

وشكرا لك على طرح المووضوع

[LAMYA]

Anastasia
مشكووووره على مرورك حياتي
انا اقول حجز عن حجز يفرق .. يعني مثلاً اذا هو خايف انها تنخطب لواحد غيره ويكون الولد والبنت راضين تمام الرضى يعني يحبون بعض عادي مافيها شيء.
اما بعض الاهالي يعني من غير ما يدرون الطرفين بالموضوع قالوا خلاص الموضوع منتهي مالكم غير بعض ولازم البنت تستنى هذا هو اللي حرام.
وانا اقول الاهالي نسبه 99% هم السبب

[northstar]

وجع الحمد ماعندنا كذا

[الشــامخ]

بصراحه انا من أشد المعارضين لكلمة ( هذي محجوزة لفلان )

رغم ان سالفة الحجز منتشرة عندنا وكذلك منتشره في كل مكان واغلب شي بين الاهل او القبائل

عموما الموضوع متشعب وحساس جدا .. ولا استطيع الخوض فيه


بارك الله فيك لميا

دائما مبدعه

كوني كما انتي

[Under The Sea]

حنا صحيح تجي الصدف ان عائلتنا مترابطة وياخدون من بعض كثيرررر
وأغلبهم يمكن 4 او 5 الي مأخدين من برى العائلة <<كلها
بس كلها صدف
وكلها برغبة الطرفين وبدون اي خطط سابقة
ومرة صادفنا ان وحده قالت لأمي...أنتوا ماتعطوا لأحدمن برى كل من العائلة امي سكتت ماعرفت وش تقول لأن الأمر ابدا مو مقصود\



وأنا أأيد كلام الأخت لمياء ان حجز عن حجز يفرق فيه حجز برضى الطرفين وهذا أأيده وشي طبيعي
وحجز حتى بدون علم الطرفين وهذا لا أييده وشيء لا اعترف فيه أبداً

ويكون من الأهل دائما والبنت هي الضحية ....


شكرا اختي على الموضوع
يعطيكِ العافية

[!!توصي شيء!!]

موضوع روعه وفعلاً موجود ..

وسبق وأن تكلمنا فيه في منتدى لها ..

سالفة الحجز هذه مو حلوة أبد ..

ينظلم فيها الشاب والبنت ..

وفي وجهة نظري البنت تنظلم أكثر ..

لأنها حســاسـه أكثر من الولد ..
\
/
\