استفسار بخصوص Tofel _ iBT

[كلي سنع]

وين المعهد الثقافي السعودي بالضبط وهل الاختبار يكون بالمعهد نفسه
وكمان انا ما عندي فيزا كارد وش اسوي الحقوني

[candy roza]

بالنسبة للـ IBT

هوا اختبار مدته 4 ساعات يتكون من 4 اقسام
القسم الاول Reading وفي هذا القسم راح يجيبولك 6 براجرافات وعليها اسئلة اختيار من متعدد لازم تحليها الستة كلها خلال 30 دقيقه او على حسب ما يقدرولك زمن لحلها ولو ما قدرتي تخلصيها خلاص يروح عليكي هادا القسم .. وفي هذا القسم تقدري تراجعي اجوبتك وترجعي للسؤال وتغيري الاجابة بعد ما تخلصيها كلها .. بالنسبالي كان صعب لانو مو بس يعتمد عالقراءة يعتمد عالاستيعاب لانه المواضيع علميه وفي اشياء عميقة جدا وتفاصيل كثير في البرجراف

القسم التاني .. Listening وفي هذا القسم حتستمعي الى حوارات بين اشخاص وبعد ما تنتهي من الاستماع تجاوبي على اسئلة اختيار من متعدد بناء على اللي سمعتيه .. عادة يكون الحوار بين صديقين او بين طالب والبروفيسور .. وبعد كدا حتسمعي محاضرة كاملة في مادة من المواد سواء لغويات او احياء او كيميا او حاسب او ادب وتجاوبي عالاسئلة تبعها وبرضو الاسئلة اختيار من متعدد .. يمكن في هادا القسم 4 محاضارات تقريبا

في دا القسم الوقت يوقف اثناء الاستماع ويبدا يمشي وانتي بتجاوبي عالاسئلة .. بالنسبالي كان سهل بس تعبت في محاضرة جاتني عن الانزيمات في الحشرات وانواعها وفوائدها وكانت الاسئلة صعبة حبتين

القسم الثالث Speaking وفي دا القسم اول شي يطلبو منك تتكلمي عن اي توبيك او اي شي .. مثلا تتكلمي عن الاحتفال بعيد الميلاد في بلدك .. وحيحددولك الوقت اللي تتكلمي فيه ولازم تكوني سريعه وتختاري كلمات بسيطة وواضحة وتختمي كلامك قبل ما ينتهي الوقت .. بعدين حتقراي برقراف صغير وتسمعي محاضرة عن نفس البرجراف .. وحيقولولك كيف يلقي الضوء البروفيسور في المحاضرة على البرجراف ويخلوكي تتكلمي عن الموضوع في حدود 30 ثانية ... هادا كان ابسط واحلى قسم مواضيعو خفيفة وسهلة مره

القسم الرابع Writing وهادا يتكون من جزئين الجزء الاول حتقرأي برجراف صغير وتسمعي محاضرة ويجيكي سؤال تجاوبي عليه بالكتابة .. طبعا لازم تكوني سريعه في الكتابة عالكيبورد وحيحددولك عدد الكلمات المطلوبة
الجزء التاني .. عادي يطلبوا منك تكتبي حوالي 300 كلمة عن موضوع معين ..
وبرضو القسم هذا كان سهل جدا

وبين القسمين التاني والثالث فيه بريك حوالي ربع ساعه


بالنسبة للكتاب .. في في المكتبات كتب توفل قديمة فيها غير هذي الاقسام انتبهي لا تشتري منها لانه فيها قسم قرمر وهما دحين شالو القرمر من التوفل احسن كتاب ممكن تحضري منو التوفل IBT - barrons
لونو اخضر فاتح راح انزلك في المرفقات صورة الكتاب ومعاه سي دي وموجودة فيه كل الاجوبة في لكل الاقسام

انا اختبرت التوفل قبل شهرين يعني قريب مرره .. اتمنى تكوني استفدتي من المعلومات واي سؤال انا حاضرة

[كلي سنع]

المشاركة الأصلية كتبت بواسطة ام دالين انا مافهمت كيف ادفع وماعندي فيزا ومافي طريقه اسهل من كذا ولاماقدر اروح لهم واسجل

صحيح كيف ندفع وارجوكم وين المعهد السعودي الثقافي بالطائف ولا جده ويعطيكم العافيه اخواتي على الافاده وجعله في ميزان حسناتكم جميعا

[ماربيا]

candy roza
كم الدرجه اللي اخذتيها واستفدتي من الكتاب

يابنات فين مكان دار الفكر اختباري فيها طبعا ف جده
انا من مكه
ابغى اعرف المكان بالتحديد

[لـــولو]

يا حلوين انا باخذها في الثقافي السعودي اللي بجدة

بس ابي اعرف كم تكلفتها ..

بليز خبروني حتى اعمل حسابي

[Programmer Girl]

candy rosa
مررررة شكرا و جزاك الله خير على المعلومات

كلي سنع و ام دالين
والله ما اعرف ممكن تروحو للمعهد و تقولولهم الكلام دا يمكن يسجلوكم من عندهم

ماربيا
اتصلي على 905 و خدي رقم دار الفكر و اتصلي عليهم و اساليهم فين مكانهم بالزبط
انا الي اعرفو انها في حي الفيحاء جنب حي الجامعة

لولو
انا دفعت بالفيزا ع الموقع و كانت التكلفة 250 دولا على ما اعتقد فالبزبط ما اعرف كم بالسعودي
انتي احتياط خدي معاكي 1000 ريال اتوقع يطلع اقل من 1000 بس يعني الاحتياط واجب

الله يسهلنا امورنا يا رب و ييسرها لينا

[Programmer Girl]

candy rosa
حابة اسالك من فين تعدلي او تسجلي صندوق البريد في الموقع ؟

[لـــولو]

طيب يعني لآزم اختبر التوفل هذا اول قبل التقديم ع الماستر ولآ بإمكاني يعطوني قبول مشروط

الغاليه شواطئ قالت ممكن اسوي تأجيل قبول بحيث لو انقبلت ادرس السنة الجايه اكون جبت شهادة اجتياز التوفل هذي

لأني مابي استعجل اصلآ بس ماودي انتظر التقديم حق السنة الجايه

[لـــولو]

بالمناسبة

حصلت لكم الكتاب نسخه الكترونيه



Barron's TOEFL iBT Internet-Based Test 2006-2007 12th Edition CD-ROM iso
Password:Ban LTTE
download :
http://ifile.it/nzv4wab
http://ifile.it/jt0wc7n
http://ifile.it/r8hldub



الجزء الثالث في حال ماتحمل معاكم :

http://rapidshare.com/files/15172934...oply.part3.rar

[ماربيا]

205 دولار اتوقع 768 ريال بس اذا احد سجلك ياخو بالعاده 850 انا سجلت ب850 في مركز