الى متى الظلم .. موقف من 1000 موقف .. لكم التعليق

[.. Shosho A ..]

السلام عليكم ..
بختصر كلامي .. انا طالبة انتظام بس دخلت قسم الانتساب بالصدفه وعجبني الموضوع الاخت ( بنت الحربي ) بخصوص برنامج 99 وقريت كم رد .. وانا أأيد رأي الاخ اللي يقول البرنامج ماراح يناقشون موضوع الانتساب في جامعة الملك عبدالعزيز فقط .. بس حابه اقولكم على شغله ياريت بنت الحربي تضيفينها لاهنتي .. النقطه هي الظلم في التصحيح واستغلال البنات .. بقولكم على موقف اختي وانتوا احكموا .. اختي تدرس انتساب .. المهم اختبرت بمادة العربي وهي شاطرة فيها .. كانت خارجه من الاختبار وواثقه انها بتجيب الفل مارك باذن الله .. ولكن كانت المافجأه او الصاعقه بالأحرى لمن نزلها f !! كيف مدري .. المهم هي طبعا قالت اكيد فيه لبس بالموضوع مستحييل f مره وحده .. وراحت وقدمت طلب انهم يراجعون ورقتها وانتظرت اسبوعين ورجعت لهم قالولها خلي ابوك يقدم طلب اعادة مراجعة الورقه في العمادة من قسم الرجال .. وش دخل الاب بالسالفة عجزت استوعب .. ماعلينا وروها نجوم الظهر وبالصدفه شافت استاذة الماده وقالتها اللي صار .. فراحت الاستاذه وفتحت الظرف وطلعت الورقه وبعد المراجعه وكانت اختي معها اكتشفت انهم مضيعين عليها 22 درجه !! وبكل بروود تقول الاستاذه ( معليش اصلي ماكنتش واخده بالي ) لا ياشيخه احلفي عاد مو مشكلتي اخذتيه ولا ما اخذتيه بس وش هالظلم .. ونفس الموقف صار لصديقتها وقدامها طارت عليها 11 درجه في ماده .. لكن تدرون وش ردة فعل الاستاذه ؟ قالتلها جيبيلي تذكرة سفر لمصر وانا اعطيك a+ !!
ما اقول الا حسبي الله ونعم الوكيل .. واترك لكم التعليق
واعذروني عالاطاله ..