من بنات الانتساب الى بنات الانتظام طلب مساعده

[همس الغلا]

ايه والله ياليت وحدة من بناات الانتظام تفيدنا....مشكورة عالموضوع نوونه ..

[بلاك روز]

بنااات انا بحاول افيدكم قد ما اقدر بس في حدود المواد الي اخذتها والي قاعده اخذها دحين اوكي؟ ^ ^
بسم الله
اول شي مادة ادارة الموارد البشريه انا اخدتها دا الترم وما اعتقد انو المنهج اتغير هوا نفسو كتاب الدكتور مدني علاقي..
وتاني شي مادة نظم المعلومات كمان انا اخدتها دا الترم مع الاستاذه سحر أمين ومعاها احنا بس نذاكر من ملزمه وسلايدات تشرح منها في المحاضره وما ادري اذا الاستاذات التانيين متفقين معاها على نفس الشي ولا يشرحوا من الكتاب ..
والثقافه انا اخده مستوى تالت وقالت لنا الاستاذه انو اتغير الكتاب فأكيد كل المستويات غيروها..
وادارة العمليات حضرت مع امل دمنهوري محاضرة وحده بداية دا الترم وقالت انو الكتاب اتغير.. بس انا حذفت الماده ^^
المحاسبه ما اعتقد اتغيرت لأنو أغلب الاستاذات يشرحوا من محاضرات ريم صقر فنزلوها وذاكروا منها..
ادارة اعمال بالانجليزي نزلوا السلايدات من موقع الدكنوره غاده نعمة الله وذاكروا منها..
والتحليل الكمي وقت ما اخدتو قالوا لنا انو الكتاب متغير بس دحين ما ادري عنو والله..

وباقي المواد والله ما اقدر افيدكم فيها لأني لسه ما اخدتها ..
اتمنى اكون فدتكم بشي
بالتوووووفيق ليا ولكم ياااااارب ...

[همس الغلا]

بلاك روووز مشكور والله يعطيك العافية بالنسبة لمادة نظم معلومات للدكتور هشام كتوعة بس ممكن تديني رقم الطبعة ولون الغلاف ..... ومشكورررة

[بلاك روز]

اختي همس الغلا اول شي انا بنت مو ولد :)
تاني شي والله احنا مكتفيين بشرحها والسلايدات والملزمه فما نحتاج الكتاب
ااسفه والله ما اقدر افيدك دحين بس لو تبغي ممكن اسأل لك البنات بكره واشوف...

[همس الغلا]

هلا حبيتبي انا عارفة انك بنت بس يمكن غلط بالاملاء... طيب الملزمة اللي عندك مو مكتوب عليها رقم طبعة او اي شئ لان انا شريت ملزمة برضوا بس مرررة كبيرة طبعة 1428هـ ...ممكن تقوليلي الملزمة من وين اخذتيها ... ومشكوورة اسفة علي الاطالة..

[نووونه]

مشكوره بلاك روز

وياليت بنات الانتظام ينورونا

يعني اللحين نظم وموارد بشريه واستثمار لم يتغير المنهج

الثقافه بشكل عام تغيرت

حلوو ياليت يفيدونا زياده بنات الانتظام

[رانا عمر]

اانا كمان اشتريت كتاب نظم معلومات ادارية تاليف هشام كتوعة طبعة 1428 بس هل المذاكرة من الكتاب؟؟؟؟لانة بصراحة مرة كبير وشكلة يسد النفس
وحبي اعرف بخصوص ادارة عمليات هل المذاكرة برضوة من الكتاب؟؟؟

[جوزائيه]

فووق

[b.os.a]

مشككوووووووره يا بلاك روز وياريت يفيدونا بنات الانتظام في باقي المواد

تطوير تنظيمي

مشاريع صغيره

ادارة اعمال دوليه

[نووونه]

للرفع