وبعدين يعني مع الشي دا اللي اسمو احياء افهم انا

[Y-NOT]

المشاركة الأصلية كتبت بواسطة beeshoob مررره كويس ماشاء الله انا عندي مترجم بس برضو معصلك معايا على كل حال ان شاء الله راح ابدا ازاكر السلايدات الله يوفقك

يابنت الحلال تمتعي بالإجازة وقل الدراسة ب5 أيام ذاكري الأحياء وبالتوفيق وإن شاء الله باقي الاختبارات الدرجة الكاملة

[Y-NOT]

عفواً قبل و ليس قل

[PuRpLe_BoXeR]

انا عن نفسي افك السلايدات والخصها
زي شابتر 4 و 21 و 30 كان تقريبن 140 سلايد
سويتهم 12 سلايد بس اخدت البيسك منهم
وفهمتها مرة مزبوط ولمن جيت فكيت التست بانك لقيت نفسي بحل حمدلله مرة مزبوط
لاني حمدلله فاهم الشباتر خلاص
صح شابتر 4 و 21 و 30 تقريبن اخدو مني 9 ساعات بس شي في منو فايدة
حمدلله و ف الاختبار مرة مزبط بس لخبطت ف واحد سؤال لانو مدري من فين جابوه
واتفزلكت فيلو زيادة مع اني اخترت الجواب الصح بس الفزلكة وما تسوي
المهم انو ازا تبغي تزاكري شي فاهمتو ارجعي للسلايدات وحتاخد وقت بس الصبر كويس
وعندك اجازة استغليها

[*شموع*]

انا عن نفسي التست بانك الاول ماكان مترجم عندي بس حسيت بصعوبه في المذاكره ...
بس بالنسبة للاختبار الثاني ...محتاجه للتست بانك المترجم فياليت اللي عندو هو مترجم يديني الرابط بأسرع وقت لاني بأطبعه...
وشكرًا مقدماً

[Beeshoob]

صدفه

يب كلامك صح يااخويا بس شكلو كدا مافهمت مشكلتي الاحياء حتى لو كان قصيده

راح اقدر احفظها ادا كنت فاهمه معاااني الابيات اما كدا حفظ بدون فهم معليه بس احس نفسي ....... كمل الفراغ انت عاد هع


مستر A7maad

اهم ما في الموووضووع غيابك مره حيااااتك سعيده وانت ساااحب على ابو المحاااضرات هيا الناس كدا

مو زي ادا فكرت بس فكرت اغيب بطني عورتني

على كل ان شاء الله تااخد الفل مارك ويااارب انا افلفلها في الدوري التاني

بالنسبه لنصيحتك والله يا بابا انا حكاية الربط سويتها في الدوري الاول ومره خبصت جبت العيد

لانو كانت في البدايه ماشيه كويس بعدين كترت الاسئله وكترت الاجابات اللي زي بعض وانا ضعت في دي المتاهه
بس قررت خلاص انو من السلايدات اقرا السؤال فهمتو كان بيها مافهمتو ارجع لها ايش رايك

مستر Y-NOT

ما اقدر انبسط بالاجازه وانا مخبصه انا اصلا اعطيت نفسي عقااااب انو ازاكر في دي الاجازه كلها وترى هيا يومين بس وتروح في غمضة عين

مستر P B
<< سامحني اختصرت اسمك مره طويل

امااا الفزلكه دي اسالني عنها في اختباااارتي مره ماااساه

ويب انا قولت راح اسوي كدا

شموع

والله ياااحلوه اناا رجعت للمواااضيع القديمه في المنتدى ولقيتو والله مش فاااكره اي موضوع بس عندي لو تبيغيه

بعدين تعالي يابت انتي معايا في كل الشعب وكنا متفقين نتقابل

بعدها ايش صااار ؟؟؟؟؟؟؟؟



مرررررررررره يسلمووووو لكل اللي عبروني وردو على موضوعي من جد يعطيكم العافيه وانبسطت بوجودكم << تحب الافلام بس ترى من جد تتكلم

[a7la_bint]

اهلن يا قمر صباحك ورد
اول شي بعيد عنك اي شي يجيب لك السمرقع ههههه حبيت الكلمه مرره
حووبي انتي انا بصراحه ما درست الاحياء لسه فما ادري ادا اقدر افيدك
بس اخويه درسها قبل سنتين نفسها بالتحضيري
ويقولي مره سهله نفس اسئلة التيست بانك تجي نفسها بالضبط ونفس الاجوبة كمانه
وانتي طبعا اكيد جربتي بالاختبارات الاخيرة قبل اسبوع
يقولي ما كان يحفظ الترجمه بالعربي ولا شي مو داري مره
بس يحفظ السؤال والاجابه حقو بس بكل سؤال في اليست بانك
بدون ترجمه ولا شي ما يلخبط نفسه
ويبدأ فيها من فتره طويله قبل الاختبارات
والحمدلله كانت درجاته دايما ما تنزل عن 27 بالاحياء
انا يا قلبي انصحك بهيك لا تصدعي راسك بالترجمه الاحياء مليان مصطلحات ملياااان وغريبه مره
لكن ازا مره ما تقدري الا لازم تفهمي الكلام
خلاص مادام الترجمه عندك دحين يبقى مره كويس
اشتغلي عليها من دحين حفظ وفهم للكلام وكمان معاها التيست بانك الانقليش
لانو وربي وربي الاختبار كلو من التيست بانك نفس الاسئلة ونفس الاجوبة !!!
وانتي يا قمر اسألي نفسك ليش ادارة مادة الاحياء بكلية العلوم يجيبو 95% من التيست بانك الماده الوحيده اللي هيك
لانو عارفين انها مليانه مصطلحات ودوخه وممكن ترمي الاجوبه من التيست بانك بدون ما تعرف شو المقصد !!!
انتي بس اعطيها وقتها وراح يمشي الحال بإذن الله لا تخافي يا عسل
وازا عندك ماشاءالله طاقه للحفظ خلاص احفظي بالترجمه ترجمي كل كلمه واعطي المنهج حقوو
وللامانه انو مصطلحات الاحياء اكيد راح تفيدك بأي مجال صحي تدخليه من الطب لاًصغر شي لانو مصطلحات مجالك ,,



بالتوفيق حبيبة آلبي
ويارب اكون افدتك بشي ولو بسيط
ربنا يوفقك ويحقق لك مرادك قمري

[مَـزٍآج ..}..]

من الأخر تبغي الـ +a في المآدهـ ..

دإأكري التست بنك فقط لآ غيـر . . إأسال مجرب ولآ تسأل طبيب !!

معروف في السنـه التحضيريه تحتآج النص درجـه .. والتست بنكـ هديه من القسم

الي عآرف نفسـه فآششل بجميـع المقآييس .. الدكتور همـه يخلص المنهج الطويل جداً ..

والمطلوب منكـ كطالبة تحضيريـة .. والي متضرر في النهايه الي راح يدخل كليآت طبيه . .

صحيح التست طويل لكن وقت الأختبآر مآ بأخد منكـ اكثر من ربع سأعه ..

طريقه المدإأكره الي اشوفها منآسبه وجبت في البآيو فل مآرك ولو تسألني إأيش فهمت

من المنهج اقول صفر ع الششمآل !!

ترجمي السؤال والأجآبـة الصحيحه فقط .. اقري واحفظي السؤال .. واي ثنك ادآ مآ

خآنتني الدإأكره كل خمس كوشن في ون بيج .. كل مآ تخلصي ورقـه ارجعي للي قبلها وراجعيها ..

يعني خلصي وحدهـ .. وبعديـن الثآنيه .. ادآ خلصتي الثآنيه راجعي الأولى والثآنيه مع بعـض ..

وخلصي الثآلثه وارجعي للأولى والثآنيه .. الخ !!

بعدهآ والله مآ راح تنقص درجه وحدهـ والميـه في جيبك .. خصوصاً لو انت تبغى كليه صحيه

لآآزم و ضروري الأحيآء تكون درجتـه عاليه !!

[Beeshoob]

اهلللللللين باحلى بنوووته في الدووونيا

مرررررره يسلمو على كلامك بس صراحه انا مشكلتي ما اعرف احفظ بدون فهم

ويبغالي ابدا في الماده من بدري وان شاء الله افلفلها والله يعينك عليها الترم الجاي


د/ مزاج

مره يسلمو على تواجدك دا اول شي << دكتور عندها في الصفحه مره انبسطت هع

تاني شي للاسف انا في الدوري الاول استحقرت المراااجعه وماشيه كدا ماني مراااجعه ولا شي

بس انا الله راح اسوي اللي قلت واراجع وانا لازم افهم لانو كمان بدي طب

الله يوفقك ويوفقنا كلنا يااارب

[ShiQ]

واللهي الحال من بعضوو :)

اذا كنتي ماتبي تدخلي طب اخفظي فقط اما زيي وزيك مااينفع لااازم نفهم عشااان بعديين مانكوون ابيض ياقشطه xD

المهم حاااولي تمسكييها اول باول اذا ماظبط احفظي وجيب الدرجه اهم شئ وبعديين عندك الصيفيه امسكي السلايداات

واقري الكتااااب ومزمي علييهم مزبووط لانو دحينن ماافي وقت :]

بالتوفييييق إن شاء الله

[xo7]

شوفي دكتورنا على نفس النظام يدخل الفصل بدون ما يقول السلام عليكم يجي يجلس على الماصة ويفتح الشنطة ويشغل الابتوب و يسألنا احنى وين وقفنا المحاضرة الي فاتت ويبدأ يقرى
انتي عندك واحد من حلين اما انك تمسيكي التست بانك وتحفظينة او انك تدورين السيلادات بس تكون مطبوعة على ورق وانا عن نفسي اخترت الطريقة الثانية لاني انا استمتع بهذي المادة في الحقيقة عشين كذا ابغى اقرى واستفيد وكل دكاترة الاحياء على نفس هذا المنوال لان الاحياء مادة يبغالة حفظ ليس فهم

والله يوفقك لما يحبة ويرضاه