و للمسلسل بقية .. صح لسانِك

[عاشق الفهد]

بالله يانضال اذا تقدر توصل الرسالة لريم بنت الصالح تقولها من الغباء ان تقومي بعمل مقارنة بين بيت الله التي تاتيه الناس للعبادة وبين الاسواق شغل ( هشك بشك ) اسف على اخر كلمتين ولكن احس انها تناسب الحقوق المزعومة

بعدين قيادة المراة لسيارة ياخوي ترى الاسطوانة هذي تذكرني بـ ( ياريم وادي ثقيف )

نضال متها الحلقة الاخيرة للمسلسل تبعك واتمنى ان يكون هناك مسلسل يتكلم عن الانحلالات اللاخلاقية التي بدأت تظهر في مجتمعنا والتساهل في اداة الصلاة والاهم من ذلك الغيبة المبطنة والتي هدفها الاضرار اكثر من الاصلاح

تقبل مروري وهذه وجهة نظر يوجد الكثير من التقصير في مجتمعنا اما من رجال هئية او مفكرين او اسرة او افراد لكن بهذه الطريقة ( غني ياليل مطولك ) عشان نصلح الحال

[رويده عباس]

اقتباس

كفايه انو تكوني مثل الملكة سواق يسوق لكِ

فيه كثير ما عندهم سواقين وتكون تحت مزاج ابوها او اخوها او زوجهاوتجلس تتشحت وتذل نفسها عشان تقضي لها حاجة

[الراقي]

المشاركة الأصلية كتبت بواسطة رويده عباس اقتباس كفايه انو تكوني مثل الملكة سواق يسوق لكِ فيه كثير ما عندهم سواقين وتكون تحت مزاج ابوها او اخوها او زوجهاوتجلس تتشحت وتذل نفسها عشان تقضي لها حاجة

القيادة في نظري حق للمرأة

لكن بالعقل مافيه قانون يردع المراهقين و الا اخلاقيين من تصرفاتهم ضد اي امرأة ..في الشارع

حتى ولو كان هناك قوانين تجاربنا مع في تطبيق القانون توضح لنا بما لا يدع مجالاً للشك ..أننا جداً حضاريين و ايجابيين و مثاليين لحد الكمال في تطبيق القوانين والأنظمة ..

رأي شخصي ما كتب في الأعلى ...
دمتم بود

الراقي

[noo0oona]

قرات الموضوع وقرات الردود واستغربت من بعضها صراحه او الاغلبيه منها
انا اتقبل اختلاف الاراء بكل رحابه صدر بس احيان في كلام احسه مو فمكانه
اول شي بالنسبه للاولاد ومنعهم من دخول السوق اتذكر زمان كان الكل يدخل واتوقع انهم مااوجدو هالنظام الا صارت فيه مشاكل بهالشي
اللي يبي يقضي فيه مراكز للرجال في سوق اعتقد بس والله مو فاكرة اسمه مرة راح عن بالي بس ان شالله اجيبه لكم واعتقد الشباب يعرفوه طبعا
واللي يبي يقضي مثلا مو مشكله ياخذ اخته او احد محارمه معاه وطبعا هوا ماراح يقضي كل يوم على مااعتقد
هذا شي وشي ثاني والله بعض الشباب صارت عيونهم زايغه بشكل فظيع والله
بيوم رحت مع قريباتي السوق وحده منهم الله يعلم بحالها عبايتها كبيرة وطويله وطرحتها اطول منها يعني مو مهتمه بنفسها ابد حتى انها متينه وتخيلو شفت واحد قاعد يطالع فيها ويغمزلها
ومواقف كثير بصراحه يعني انا احس بالسعوديه عايلات كثير اتفتحت وصار عندها ايزي وعادي اي شي يمكن تكون من الطبقة الغنيه اللي تسافر كل سنه لدوله اوروبيه بالمقابل في عايلات مازالت بتشددها اعرف عوائل مايخلو بناتهم ينزلو السوق يقضو ملابسهم اخوها او ابوها يشتريلها تخيلو ؟؟
انا اتكلم لاني الحمدلله من العايلات المتوسطه عادي اطلع واروح اي مكان مع اهلي بس بحجابي وباحترامي صح احيان ودي مثلا اطلع بوقت اهلي مايقدرو يطلعو فيه بس انا عارفه اني انا بمجتمع له عاداته وتقاليده
واللي يقولو ان المراه لابد انها تسوق السيارة اوك انا مع سواقة السيارة واايدها بس لها مضار اكثر من منافع مثلا اضطريتي تطلعي بالليل تقضي حاجه وانتي بالطريق بنشر الكفر اش تسوي ؟؟تخيلي لو في مجموعه شباب مراهقين يفحطومثلا او اي شي اش تتوقعي منهم مثلا؟؟
واللي يقولو لاتضغطو عالشباب بكذا راح ينحرفو ومدري ايش طيب هما اللي اجبرو الحكومه يتخذو هذا القرار من تصرفاتهم اللي تشيب الراس
وبعدين احنا ببلد اسلامي اوجب الحجاب تتوقعو اللي حتسوق السياره حتحفظ بحجابها مثلا؟؟هما دحين واحسهم شوي شوي ترى راح يستغنو عن الحجاب حاليا طالعه العبابات اللي من تحت الوان صارخه ومن فوقها بس شيفون اسود خفيف يعني من جد تلفت اللي ماينتبه حتى لو كانت ماشيه باحترامها بس بتصرفها هذا جابت كل شي سيء لنفسها
لو كل الشعب السعودي التزم بتعاليم الاسلام الاساسيه عالاقل الصلاه والحجاب كان شعبنا بخير
واللي تقول الملك مو بالقوة اتذكر وحده من صديقاتي كان عندها نفس الراي طبعا سافرت لدراسه لدوله من الدول الغربيه اضطر ولي امرها انها تبقى لحالها هناك
طبعا كانت عادي تطلع تروح تجي تلبس طرحه وعبايه بس طبعا ماتغطي وجهها
كرهت نفسها كل ماتجي تقعد تبكي ماتبغى ترجع هناك شافت كيف انه كل شي هي تسويه بنفسها كانت تقول مااحس في احد يحميني ويخاف علي ومن جد قدرت العيشه اللي هنا لنت رجعت قالت والله انتو عايشين بنعمه والشهاده اللي اخذها من هناك اخذها هنا بس اقلها احس بالامن وانا بين اهلي يخدموني ويقدمو لي كل شي وهذا واجب عليهم بدون تكرم ولامذله
ادري كثرت بالكلام بس كان شي فبالي ابي اوصله اتمنى انه وصل زي ماانا حابه انه يوصل لاي احد يقرا ردي
والله يهدي الجميع ان شالله

[stan]

مهزله ما بعدها مهزله

نفسي أعرف هذا النظام ليش ما يتطبق في المدينه مادام شايفين إنه صح و لا هما مسلمين غير شكل !!!!

كان عندنا مدرب أردني في العمل قلنا بيروح السوق قلنا له على الاسواق الموجوده

واحد من الشباب قله ممكن ما يدخلوك لحالك المهم شوفوا الجواب

المدرب قاله انتوا سعوديين ممنوع أنا أجنبي محد يكلمني<<لا تعليق

[نووونه]

اختلاط المفاهيم هي اللي متسببه بكل هذه القوانين ... يعني تتوقعون عشان ممنوع الشباب يدخلو الاسواق ماحيكون فيه معاكسات انا اعرف انه كل ممنوع مرغوب ,, فمادام الفصل القسري حتى بين ابناء وبنات العايله الواحده سيظل الشغف موجود وستظل صوره الذئب والنعجه

بانتظار الحلقه القادمه من المسلسل

[dre]

المشاركة الأصلية كتبت بواسطة .,.نيــــــــــــــــــــران.,. الحل بنظري انهم يسوون ملاهي وأسواق خاصة بالرجال فقط

لا ... وكمان مستشفى خاصة للشباب ومستشفى خاصه للبنات
و سوبر ماركت خاص للبنات والتاني خاص للشباب
ولما يسمحو السواقه للحريم تكون فيه شوارع خاصه
للبنات , وشوارع خاصه للشباب
ونقسم البحر قسمين .. قسم شمالي خاص للبنات
وقسم جنوبي خاص للشباب فقط
ومره وحده نسوي منتدى خاص للبنات هنا

يا مثبت العقول

[الراقي]

ولو استطاعوا الي ذلك سبيلاً لفعلوه يا دري

مع احترامي المطلق للمتمردة طبعاً

[banoota mnkoosha]

المشاركة الأصلية كتبت بواسطة stan المدرب قاله انتوا سعوديين ممنوع أنا أجنبي محد يكلمني<<لا تعليق

لها فترة طويلة بتسير دي الحركة !!!

وايش يعني سعودي ولا اجنبي ؟؟؟؟؟

من جد وضع لاتعليييييييييييييييييييييييييييييييييييق ....

ولو نتكلم من اليوم لين مانموت الوضع هوا هوا لا حيروح يمين ولا يسار ....

و الله يهدي الجميع .... تســــــــــــــلم ؛؛

[نضال]

والله الردود تفتح النفس ...

حياكم الله فردا فردا .. و فردة فردة

من فترة اصدر الشيخ زايد قرار بجلد اي شخص يعاكس بنت .. و التشهير بيه في الجرائد

بصراحة ما شفت كيف صار الوضع عندهم بعدها .. لكن في اي مكان لو انوجد القانون اللي يطبق على الجميع و بصرامه راح يكون الرادع موجود ..

كانت بلدنا فيها نسبة حوادث جدا مرتفعة .. و نسبة الوفيات في الحوادث كانت الأعلى في بلدنا ..

بعد قانون الحجز اللي تم تطبيقه على جميع تطبقات المجتمع نزلت النسبة الى حد جدا كبير ..

حزام الامان .. ما كان فيه احد يعترف بيه ابدا عندنا .. و الان اتعودنا على ربطه اول ما نركب السيارة ..
السبب هو القوانين يا سادة ..

-= فاصلة =-
" إن الله يحب أن تؤتى رخصه كما يحب أن تؤتى عزائمه "