سؤال بالنسبة للجــــــــدول

[ملكة الورود]

ايوا لو رحتي حسب موعد محاضراتك بتلاقي
لا تخافي امشي على جدولك احنا الانتساب تقريبا نبدأ من 3 الظهر لغاية 9 المساء
بس حتحضري حسب الموعد اللي منزلينها في جدول مواعيد الانتساب ، مثلا خطة ب حيداومو تاريخ 10 -11
لو كنت خطة ب حتبدأ تداومي من تاريخ 10 - 11 ولمدة 3 اسابيع وبعدها ينتهي الدورة
وحتمشي حسب جدولك خلال الدورة ..
لو برضوا ما فهمتي قليلي عشان اشرح لك اكتر ...

[rara]

مشكورة حبيبتي تعبتك معاي

أن بس بأسأل يعني هل نقدر نحضر محاضرات عادية غير الدورة--يعني في الايام العادية غير التأهيلي؟؟
يعني مثلا بجدولي اليوم الاثنين عندي
مهارات اتصال>>>19,30---20,40
تحليل احصائي>>>18,10---19,00
ولغة انجليزية>>>16,30---17,45
لو رحت اليوم بنفس الساعات هل بالاقي محاضرات؟؟

[سوسا]

لا ما بتلاقيهم


شوفيلك وحده انتظام و شوفي المواعيد و احضري معاها ازا تبغي تحضري طول الترم بس تستأذني الاستاذه افضل و منع للاحراج

و ازا عندك اي استفسار اتفضلي يا عسل

[ملكة الورود]

زي ما قالتلك اختنا سوسا
ما حتلاقيهم.

[روحـ زايـد]

نحنا الانتساب تبدا دواماتنا من الساعه 3 العصر

ومن تاريخ 10/11

[rara]

مشكورات حبيباتي
ماتقصروا
والله يوفقنا جميعاً
يسلمووووا

[ملكة الورود]

اختي فاطمة
ما قصروا البنات وافادوك
بس بالنسبة لدخولك لخدمة اوديوس نفس المشكلة مع صحبتي وهي زيك الى الان ما انفتح معها انا الاثنين اللي فات رحت الجامعه وسألتهم بخصوص دا الموضوع قالوا لي استني حيحتاج فتره عشان ينفتح الصفحه معاك
والى الان ما صار شي نزلت الجداول وما انفتحت الصفحه ،،
انصحك تروحي الجامعه وخذي معاك بطاقتك روحي عمادة القبول والتسجيل روحي غرفه رقم 2 او المركز الشامل الغرفه الي بجنب غرفه رقم 2 غرفة مره كبيرة وفيها شبابيك ، اسألي عندهم وان شاء الله يفتوحها لك ..