د/ بسام ابو رميلة

[زقره صمصومه]

ينااااااااااااات بليييييييييييييز لاتخوفوني
ماااافي غيرررررره
الشعب قفلت
اصلا باين عليه مرررررره شديد

[أبو عامر]

أنا ذاكرت وأخذت 65 في الترم اللي فات
ترا هوا ممل والبونس حقته ما تعدي الدرجتين
يعني الله يعينك عليه وأنا لو بدالك أحذفها

[عاطل بس دافور في القانون]

يا شباب خوفتوا البنت من المادة
شوفي يا أختي إذا ما قدرتي تحذفيها خليها بس إذا تبغي علامه
كويسه لازم تجتهدي وتذاكري أول بأول وبإذن الله بتاخذي حقك
ونصيحة حاولي تكتبي اللي يقوله في الشرح
وأنا أعرف شباب أخذوا عنده إمتياز ودرجات حلوة
مع التحـــــــــــــــيه

[Lawmaker]

مرحباً..
في الواقع دكتور بسام أبو رميلة جيد جداً..من وجهة نظري..
درست لديه مادة القانون الدستوري..وحصلت على درجة الإمتياز..
كما أن زميلاتي في الشعبة حصلن على درجات جيدة على ما أذكر..
مادة القانون الإداري لاتعد من المواد الصعبة لكنها مملة نوعاً ما وتحتاج للمذاكرة أولاً بأول..
لذا لاتقلقي وتوكلي على الله..
..
دمت بتفوق..

[لمعة الألماسة]

شكرا للجميع

[معقوله!!]

صراحة الدكتور بسام في ناحية الشرح شرحه شرح مفصل ولكن

من ناحية وضع الأسئلة فهو للآسف سيء جدا لأنه يريد إجابة قانونية

بحته يعني يبغى الطالب أحسن منه هو الي عنده دكتوراه أما من ناحية

درجات فهو لا يعطي الا حقك او اقل وهذي عن تجربة لم اسمعه من احد

نصيحة خذي المادة عند الدكتور حسين الشريف او الدكور القحطاني الجديد

لأن الطلاب الي عنده الآن كلهم يمدحون طريقة شرحه .. مع تمنياتنا لك بالتوفيق

[Do0o0Di]

بالعكس الدكتور بسام دكتور ممتاز واقولك هادا الكلام عن تجربة انا اخدت معاه مادتين الاولى قانون دستوري وجبت 92

وبعدها اخدت اداري وجبت 90 ولسه اليوم اضفت معاه قواعد ادارية وانا مبسووطة اني لقيت مكان وبعدين انا لما كنت

قانون دستوري عند بسام صحبتي كانت تاخده عند صباح اول حاجة بسام يحدف لك نص المنهج بينما صباح تزود لك

فوق الكتاب ملزمة وتكوني مطالبة بيها وكمان دكتورة صباح ازا حطت لك اربعه سطور للاجابة مفروض تلتزمي بيها

ولو زودتي سطر خلاص ماتحسب حتى لو كان السؤال فيه نقاط وشرح انا اقولك على اللي اعرفهم يدوا اداري في قسم

القانون بالعكس انا نصحت صحباتي كلهم انهم ياخدوا مع بسام وكتيريين اضافوها مع بسام والبنات جابوا درجات حلوة

85 82 وكدا وفي بنت رسبت بس صراحة ماكانت بتزاكر انا قلت لك على اللي اعرفو وربنا يوفقك انتي اهم حاجة

اتوكلي على ربنا

[Do0o0Di]

وعليكم السلام

يابت تعبك راحة وبالعكس احنا لبعض شوفي انا لما اخدت معاه المادة ماكان معايا ولاواحدة من صحباتي تيب وكنا شعبة

صغيرة 9 بنات وكلنا قانون صراحة جاب الدوري الاول كلو مقالي بس بعدين في الدوري التاني جاب اسئلة فظيعة مرة

صح وخطا واختياري وعرفي ومقارنات والنهائي الصراحة جاء نص نص وبعدين لما مدحتو لصحباتي وربي 7 منهم

سجلوا معاه وقولهم عشان معاكم بنات ادارة الاسئلة صح واختياري والصراحة كانت في اسئلة سهلة وكان ازا ماكنت

فيه مثلا 3 او 4 صح وخطا من النوع اللي تلخبط والدوري التاني نفس الحاجة والنهائي كان حلو

بس انا ابغى اقولك على حاجة هوه يقولكم اختاروا تبغوا الاختبار من 30 ولا تبغوا كل اختبار من 25 واديكم بحث

عليه 10 وانتوا لو قلتوا للدكتور احنا بنات ادارة راعينا وكدا حيساعدكم وشوفي انا في الاداري كان اختبارنا من 30

بينما لما اخدت معاه دستوري كان من 25 وكان معانا بنات ماخدين المادة حرة وقلنا عشانهم راح اراعيكم

عالاخير جيبوا اي بحث والشعبة كلها حديها العشرة كاملة قال اهم حاجة اني اشوف اسم البنت ويكون قدامي بحث

يعني ماراح اقراه اوكى

اما النسبة للاداري في بنت ماشالله عليها شاطرة وكانت تكتب مع الدكتور كل كلمة وبعدين لما جاء موعد الاختبار كلمت

الدكتور وقالت له انا اكتب معاك كل كلمة يادكتور قلها خلاص زاكري من المحاضرات والبنت جابت حاجة وتسعين

وصحباتي صوروا من عندها المحاضرة وربي كلهم نجحوا بمعدلات حلوة اللي 82 و91

فلو تبغي المحاضرات راح اطلبها منها ويصير بعد كدا المحاضرات مكتوبة عندك ولو قال حاجة زيادة اكتبيها يعني

والله لاتخافي ولو تحتاجي اي حاجة تانية لاتنكسفي وعلى فكرة هوه يركز على حاجات معينة في المحاضرة فانتي

اكتبي جنبها مهمة ويجيبها في الاختبار

انا كتبت لك الرد هنا لانو مااقدر ارسل رسايل خاصة

وانشالله تكون سهلة عليكِ

[لمعة الألماسة]

دوودي الله يوفقك ويطمنك ويبلغك التخرج ــــــــــــــــــ(قولي امين)
الله يسعدك انا ابغى محاظرات القانون الاداري
بس كيف اخذها وفين وكيف اتواصل معاك

بصراحة ودي اتعرف عليك

شكرا شكرا
الله يوفقك


ارجوووووووووووووووووووووك ردي

[Do0o0Di]

دوودي الله يوفقك ويطمنك ويبلغك التخرج ــــــــــــــــــ(قولي امين)

آمييين يسمع من بوئك ربنا

الله يسعدك انا ابغى محاظرات القانون الاداري بس كيف اخذها وفين وكيف اتواصل معاك

خلاص من عيوني انا اجيبها من البنت واصورها واجيبها الاحد بس صراحة الاحد مرة ماعندي بريك

عندي محاضرات من 8 الى 1 مافي حتى 10 دقايق بريك عشان كدا خليها الاتنين لانو عندي ساعتين بريك

وعالتواصل انا لما اجيب المحاضرة نتفق يوم الاحد كيف اديكِ هيه

اوكى ياستي

بصراحة ودي اتعرف عليك

ليا الشرف حبيبتي

والعفو ماعملت حاجة الاخوات لبعضهم

وإن شاء الله ربنا يوفقك في دي المادة وتجيبي الدرجة اللي نفسك فيها