منتديات (( طالبات)) جامعة الملك عبدالعزيز فقط!!!

[m....m]

المنتدى مفتوح للجميع وهوا للالستفاده لااكثر

[عاشقة المستحيل]

البنات كفوا و وفوا في الردود

بس تدري انتي مضايقك المواضيع و الاستفسارات

على الاقل يستفيدوا منها

مو مثل هذا الموضوع الي ما لوه داعي

ينكتب اصلا<< يبي يعمل اكشن ^_^

عجيب !!

؟؟؟؟؟؟؟؟؟؟؟؟؟

[H@nEEn]

ووي

اشبكم اتهجمتو ع الرجاااال ؟؟

احسنوو النيه فيه

يمكن هوا قصده يقوول

انو ماشاء الله تبارك الله المنتدى شاااااادد حيله من البنات ,,ومستغرب غياب الطلاب

لكن مو هرجة انو يحسدددنااا ولا شي
ولا هوا هاادا الا خ ابو دانااا اش له علااقه معاااااااناا ؟؟

Nothing

عشان كدااا,,,,
ومن وجههههة نظري بدي ارد عليه

انو يمكن بس منتدى الادارة والاقتصاد ماشاء الله البنات فيه كتير

بس اتوقع باقي الاقسام مليانه شباااااااب

يعني مثلا انا لما اروح قسم|(لـــــــــه) القى اسماء اووووووول مرة اشوفها ولما انتبه لعدد المشاراكات القيه وصل 200


موووووووفقين كلنا يارررب

[المحاسب]

الاخ يبغى يشد من همة الطلاب فقط لاغير
والله ياحض البنات الردود عندهم كثيره
اما نحن الطلاب ماعندنا ماعند جدتي
والله انزل استفسار وما أحد حولك

[سوشيت]

أصلا ياحبايبي أفهموها عالطاير الأولاد هما مع بعضهم أصلا مشكلين منتدى خاص
لــــــــــــــــــــــــــــــــــــــــهــــــــ ــــــــــــــــــــــــــــــــم
وهو في الشارع و في المقاهي وفي السيارة وعالبحر يعني مع بعض على طول وكل واحد جالس مع التاني يهرج في مواضيع الجامعة على مدار24000ساعة
وجها لوجه وعلى الهواء مباشرة والرد يجيهم على طول وهم جالسين في السهرة حقتهم وبدليل أخويا من أول مادخل الجامعة وهو شغال سهرات مع أصحابو مايرجع إلا في نص الليل واحيانا في الثلث الأخير من الليل
والبنات ياعيني جالسين في البيت وخرجاتهم محددودة نسبيا مفرصعين عيونهم قدام النت
وأعتقد من وجهة نظري زيادة نسبة إهتمام الطالبات بالدراسة أكثر من الطلاب وهادي فطرة
في بنات حواء وآدم أي تحملهم المسؤلية من الصغر........................
لأنهن مربوا الأجيال وصااااااااااااااااانعوا الرجال.....................

[kikiwiwi]

غريبة ليه الموضوع وضع في هذا القسم؟!!!!!!!! << يعني احنا ممنوع نشارك فيه!!

شي طبيعي البنات أكتر لأنه الأولاد الحياة تحملهم مسؤولايات أكتر من تلبيت مهام المنزل غير عن البنات اللي أكثر شي يلزموا البيت ^^

و بس

[QREEEEEED]

المشاركة الأصلية كتبت بواسطة أبودانا السلام عليكم ورحمة الله وبركاته منتديات (( طالبات)) جامعة الملك عبدالعزيز فقط هذا الأسم الحقيقي المفترض لهذه المنتديات غياب كامل للطلاب وسيطرة تامه للفتيات مادري ليش عموماً موفقين بس بصراحة أنا مستغرب المواضيع والاستفسارات والطلات كلها للبنات أتمنى التوفيق للجميع

أغلب اللي ردو مع احترامي ( جهلة ) وعجبني رد كم وحدة منكم بس

الرجال ماقال ليش البنات يكتبون مواضيع الغو عضوايتهم ولا اطردوهم

قال انا ليش شايف بس بنات بطريقة غير مباشرة يقصد >>>> وين أخواني الطلاب

وقال موفقين عموما يقصد >>>> البنات يعني مو حاقد عليكم

وبالتوفيق للجميع ( يعني انا ماني شايف اي حسد بالكلام مجرد لوم للشباب انو مافي مواضيع ومشاركات لهم

والسبب معروف : البنات يحبون الدراسة أكثر من الشباب

بس هوا يبغى يشوف تفاعل من العنصر الذكوري بقدر العنصر الانثوي

وانا أويدك وأدعمك الدعم الكامل وأهنئك على شجاعتك لطرح الموضوع

وفق الله الجميع

[شموع32]

انا فهمتها زي قريد

بس مو مشكله اخوي ابو دانا انت اطرح موضوعك الي تبي تستفسر عنه وماهمك الرد يجي من مين من الطالبات وله الطلاب المهم تلقى الشي الي تدور عليه

وان شاءالله الطلاب يشوفوا موضوعك ويتحمسوا يدخلوا للمنتدى ويتفاعلوا

وموووفق

[الابتهالات]

موضوعه قابل للتأويل يا قريد
و هو لو يبغى يحدد قصد معين كان عرف يتكلم و يحدد اش يقصد و كل البنات اللي كتبوا هنا كلامهم صح

[QREEEEEED]

طيب نفرض انو كلامك صح موضوعو قابل للتاويل زي ماقلتي مع ان كل انسان يشوف الناس بعين طبعه ( ماقصدك )

ديننا حثنا على حسن الظن ولاننسى انو بعض الظن اثم ويكفي انو تكذيب المسلم للمسلم ذنب عظيم

كيف لو ماكذبناه لكن فسرنا كلامو على شيء هجومي وحسودي وماكان كذا صح ؟

بعدين اسمي مو قريد ههههههههههههههههه انا بس لاسم كتبتو اي كلام لانو كنت بسال قبل فترة عن شيء معين ومستعجل

سجلت واستفسرت ولمن شفت التفاعل بالمنتدى كملت

ووفق الله الجميع