بخصوص الماستر للأجانب وشرط اللغة والدورة البديلة

فتاة العصر · 31-12-2010, 12:31 PM

مرة مرة اشكركم على تفاعلكم مع الموضوع وعلى هذا النقاش الحضاري
والشكر لأخ عماد لتفهمه الموضوع ومبادرته في حل المشكلة

بالنسبة للأخت طموح لو روحتي الجامعة بتروحين عند عمادة الدراسات العليا في المبنى 3 عند الطالبات الدور الثاني

وبالنسبة للأخت ريهام الإعتراض ياقمر على طريقة التعامل نفسها والاخت طموح قربتلي النقطة اللي ابغى اقولها احنا اتعلمنا من نفس المدارس وبالعكس احنا تفوقنا وانا جبت الدرجات العالية ونفس المرتبة والإمتياز للأخت طموح جايبتها والحمد لله املك اللغة الإنجليزية والفرنسية كمان

لكن تدري وانا بمتحن التوفل كانت بتراقب علينا معلمة لغة انجليزية يعني المفروض لو اختبترت تجيب الدرجة الكاملة قالتلنا بعد الاختبار انا ماابغى اخوفكم بس انا اهو استاذة انجليزي وماعرفت اعدي منه

واللي يقهركي انو مابنستخدمها في شيء ،،، دراستنا بالعربي حتى الترجمة بالانجليزي اللي مفروض تصير لما تسوي رسالتك ماهي موجودة ،،، صدقيني الجامعة فيها دكاترة بمختلف الجنسيات زي السكررر وخبرة ماشاء الله لكن في بعض الناس ماادري ليه تعاملهم وكاننا من كوكب اخر

فهمتني ياعسل

ويارييييييييييت من جد ياجماعة اللي عنده اي خبر عن الدورة البديلة للأجانب يخبرنا رجاااااااااااااء ،، ونداء للأخ عماد لو طرا اي جديد ياريت تخبرنا ...

تحياتي

فتاة العصر · 31-12-2010, 11:55 PM

للرفع

طموح حالمة · 02-01-2011, 02:29 PM

بناات
كلموني الجامعه قالولي قدمي شهر 3 زي السعديين بس لازم تكوني محققه شرط اللغه المطلوب 52
بس نسسسسسسسيت اسألها على القدرات
بس هيا ابد ماجابتلي سيرة
قالتلي قدمي شهر 3 بس لازم تكوني محققة شرط اللغة
اش رايكم

فتاة العصر · 02-01-2011, 06:22 PM

ياااريت نتاكد من النسبة هاذي لأنو لوكده يصير الحمد لله والشكر انا معديتها

والله والله والله جاني احباط وكسرة نفس ابغى اكمل ومااحد مدي فرصة

من جد والله انا بكتب كلامي وانا جالسة ابكي

طموح حالمة · 02-01-2011, 08:26 PM

فتاة العصر
الله يوفقك يارب ويحقق مرادك ومرادنا جميعا ونتقبل كلنا

تفاءلو بالخير تجدوه
روحي أسألي بعمادة الدراسات العليا وقوليلها على الشروط

وكمان الله يسعدك اسأليها على القدرات عشان انا مش من جده انا كليه علوم وانتي؟؟؟؟
كلية العلوم مش طالبين قدرات!!
بس في اللائحة حق المنح كاتبين قدرات!
والموظفة ابد ماجابتلي سيرة وانا نسسسيت اسألها بس اكدت على اللغه

بانتظارك غدا

reham ahmad · 03-01-2011, 02:15 AM

اختي انا ارسلت اميل استفسر من العمادة وردولي انو شرط اللغة للماجستير للاجانب 60 بس !!

reham ahmad · 03-01-2011, 02:16 AM

المشاركة الأصلية كتبت بواسطة طموح حالمة

فتاة العصر
الله يوفقك يارب ويحقق مرادك ومرادنا جميعا ونتقبل كلنا

تفاءلو بالخير تجدوه
روحي أسألي بعمادة الدراسات العليا وقوليلها على الشروط

وكمان الله يسعدك اسأليها على القدرات عشان انا مش من جده انا كليه علوم وانتي؟؟؟؟
كلية العلوم مش طالبين قدرات!!
بس في اللائحة حق المنح كاتبين قدرات!
والموظفة ابد ماجابتلي سيرة وانا نسسسيت اسألها بس اكدت على اللغه

بانتظارك غدا

اخت طموح انتي باي قسم ناوية تسجلي

؟