إحصاء - أحد يشرح لي السؤال هذا ضروري بيجي منه في الاختبار

[لنبضي حكاية]

اخوي هذا المثال مهم جدا جدا جدا
واحتمال نسبة 90% بيجينا في الاختبار

طبعا لازم تعرف تطلع النواتج من جدول التوزيع الطبيعي القياسي ص 275 و ص 276

وقبل كل شي في قوانين مهمه لازم تكون حافظها وبتلاقيها ص 222
اخر مربع في الصفحه وهي اشكال الاحتمالات

النقطه الاولى اذا كانت الـ Z اصغر من او يساوي الـ a << يعني في السؤال تجيك كلمه (أقل أو اصغر) على طول تطلع من جدول التوزيع الطبيعي القياسي للرقم المحدد عندك

النقطه الثانيه اذا كانت الـ Z محصورة بين قيمتين a و b < برضو يجيك في السؤال كلمه ( محصورة بين ) تطلع كل من a و b من جدول التوزيع الطبيعي القياسي
وتستخدم القانون هذا
ناتج b من جدول التوزيع تطرحه من ناتج a من جدول التوزيع

النقطه الثالثة اذا كانت الـ Z اكبر من او يساوي الـ a << بيجيك في السؤال ( أكثر أو اكبر ) تستخدم هالقانون
تطرح 1 من الناتج اللي طلعته من جدول التوزيع الطبيعي القياسي اللي هو الـ a


نجي للمثال (7-3)

المعطيات من السؤال
عدد الأسر الكلي = 1000
M=1800 , Q=300

نفرض أن X هو دخل الاسره في كل فقره من الفقرات الـ 6 الموجوده في السؤال
يعني فقرة 1 x = 2400
فقرة 2 x = 1500
وعلى هذا السياق في بقية الامثله ..

ملاحظه : لازم الـ x نحولها إلـى z
باستخدام هالقانون :

z = x-m/Q

الحل :-

1- طبعا في السؤال معطيك الـ x = 2400 وقايل لك ( اكبر )
اذا راح نستخدم القانون z>أو=a

نرجع لبداية الحل
z= 2400-1800/300
z=600/300
z=2

اذا بما انها اكبر راح نستخدم القانون ( 1 ناقص 0.9772 ) = 0.0228
العدد ( 0.9772) طلعناه من جدول التوزيع

وطريقة انو كيف تطلع من الجدول لازم تقسم الرقم الى قسمين
بما انه رقم 2 بدون فواصل ولا شي

فلازم انت تضيف له الفاصله عشان تقدر تطلعه من الجدول وطبعا العدد موجب اذا راح تطلعه من ص 276
يعني بيصير القسم الاول كذا 2.0 والقسم الثاني بيكون 0.0 << طبعا حطيت بعد الفاصله صفر لانه مافي رقم
ورقم 2 لازم في القسم الثاني ( اي رقم قبل الفاصله في القسم الثاني يكون صفر )
وتطلع 2.0 من العامود العامودي جهة اليسار وتطلع 0.0 من العامود الافقي اللي فوق
بكذا يطلع الناتج 0.9772


اتمنى كلامي يكون مرتب ومفهوم
واعذرني ماعندي وقت اكثر اشرح لك الباقي
بس انت سيقه على نفس الفقره الأولــــــــى

انا طالعه الجامعه بعد شوي اذا مداني اشرح الباقي بشرحه
بس الاغلب ماراح يمديني
ومثل ماقلت لك ركز على القوانين اللي كتبتها في البدايه ولازم تنحفظ


:) بالتوفيق

[خضر الغامدي]

الجدول صفحة 269 وتاكد انه راح يجيك سؤال بهذا الشكل تراه مهم ويمكن يجيك عليه اقلل شي 10 درجات

[عبدالاله الفقيه]

لنبضي حكاية أقسم بالله انك خطيرة
اقوول البسي ثوب وغترة وتعالي اختبري جنبي (=
والله العظيم سويتي فيا خير بشرحك وعسى الله يوفقك دنيا وآخرة
كفيتي ووفيتي

[عبدالاله الفقيه]

أميرة النرجس
تاكسية
خضر الغامدي
bisan
قطوة
ركود

الله يعطيكم العافية وربي ماراح أنسى لكم هذا الجميل
جعل ربي ينجحكم بأعلى المعدلات يارب (=

[KING99]

الحل ال في الكتاب فيه خطاء مطبعي وبكذا صار فيه خطاء في المسئله
الصح انها خذها قاعد اذا كانت اكبر من او اكبر من او يساوي الاكس اتصير < وبرضو <من او يساى نطرح يعني 1-الرقم الي طلعناه من الجدول
اما اذا العكس > او اصغر من او يساوي نحط الناتج نفس الي طاعناه من الجدول

[لنبضي حكاية]

ههههههههههههه
طيب كويس
وربي اني بالعبايه وابوي تحت
بس قلت لازم امر

واقول للكل بالتوفيق يااااااااااااااااااااارب
دعواتكم :)

[عبدالاله الفقيه]

شكراً ع التنبيه

الله يوفقك يارب دنيا وآخره

[عبدالاله الفقيه]

المشاركة الأصلية كتبت بواسطة لنبضي حكاية ههههههههههههه طيب كويس وربي اني بالعبايه وابوي تحت بس قلت لازم امر واقول للكل بالتوفيق يااااااااااااااااااااارب دعواتكم :)

الله يوفقك ويسهل لك الاختبار ويرزقك بالاسئلة السهلة يارب

شكرا قد السما وتسلمين ع الاهتمام (=

[عبدالاله الفقيه]

اليوم في الاختبار جانا سؤال واحد عن هذا الدرس ، ياليت تحلونه عشان أتأكد من حلي

إذا كان الأجر اليومي لعينة من العمال يتبع توزيع طبيعي بمتوسط 115 ريال وانحراف معياري 20 ريال فإن احتمال الحصول على أجر أقل من 117 ريال : أ) 0,1218 ب) 0,5398 ج) 0,4602 د) 0,9722

كنت محتار بين إجابتين
في البداية حليتها ج وبعدين راجعت وعصرت مخي وحطيت ب
طمنوني الله يطمن قلووبكم (=