صيفي ياعالم!!

[lushi]

الله يعينك يـ عسسل ..
لكن إن شاء الله تعديها , وبالصيف مرره حلوووه الدرااسه : )
لا تتعبي نفسسسسك بالتفكيرر , وإن شاء الله خيررره

[Dina-s-b]

شوفي انا افهمك الشغلة..
كل ترم تاخديه فالجامعه يتحطلك فجدول..زي الجدول الحلو اللي عندك دحين
لمن تاخدي الصيفي حيصير عندك 3 جداول
الجدول الاول وحيكون فيه الf اللي اخدتيها دحين
الجدول التاني ان شاء الله تاخدي 5 من 5 بس شدي حيلك :)
الجدول التالت حيكون جدول الصيفي..فيه المادة اللي انتي سجلتيها من الحذف والاضافة..والدكاترة حسب الدكتورة اللي تقدم انها تبغى تدرس صيفي..الشعب حسب الشعب اللي هما حاطينا انتي اختاري الموعد اللي تبغيه لو في اكتر من موعد..بس تقدري تاخدي 3 مواد ممكن تكون من خطة أ او ب بس بشرط مايتعارض وقت المحاضرات..الدراسة طبيعية جدا..المدة حقت المحاضرة اكتر من مدتها فالايام العادية يعني بدل ساعه ساعتين وكدا..
المنهج انا اخدت ماث وحاسب مع اني ماكنت راسبة فيهم بس لاني دخلت ع الترم التاني..
الحاسب كان اسهل لان الدكتورة مهوية وماتشرح بالتفصيل =)
الماث كان كااااااامل
اخدنا اون لاين
واعطونا سكاشن احنا نحلها مو زي الايام العادية بس ضروري تتحل
المنهج كان كامل
ومستوى الاسئلة البنات قالولي انو نفس المستوى بس انا عني ماشفت اسئلة الترم العادي عشان احكم
الاختبارات 3 اختبارات..

بالنسبة للرسوب ان كان يتشال ولالا
اكيد لا..
الرسوب راح يجلس فالجدول الاول والمعدل ما يتغير..
لكن حيكون لكي معدل جديد اللي هوا معدل الترم الصيفي..
في شي اسمو المعدل التراكمي حق كل ترم اخدتيه فالجامعة كلها مو بس التحضيري..:)
حق الصيفي ينجمع مع حق الترم العادي وطبعا حيكون متأثر من الرسوب بس ولا يهمك..تتعوض فالسنين الجاية :)
بالتوفيق..

[حشاش ماسك رشاش]

الله يعطيكي العافية دينا ... من جد الشباب والبنات في سن السنة التحضيرية يحتاجو اللي يدلهم ويفهمهم من ذوي الخبرات والتجارب السابقة ...
بارك الله فيكي وما ننحرمش ..

[Dina-s-b]

^^
الله يكتر من امسالي برضو؟؟ :p

[BoOoDi =D]

ترى يقلك الصيفي يتضاربو عليه الدكاتره لأن فيه نص راتب زياده هههههه

[حشاش ماسك رشاش]

يب يب الله يكتر من امسالك كتير وكتير وكتيرة

[dewdrops]

المشاركة الأصلية كتبت بواسطة sammorato وعليكم السلام ورحمة الله وبركاته الصيفي فترتو تكون من شهر ونص لشهرين تقريبا وتحضري محاضرات وتختبري دوري اول وتاني ونهائي وجدولك انتي تحطيه من خانة جديدة تنضاف في الاودس ( الحذف والاضافة ) وتسجلي المادة بالشعبة الي تبغيها بشرط انو مايزيد عدد ساعات المواد الي سجلتيها في الصيفي عن 9 ساعات يعني 3 مواد او اقل الترم الجاي تاخدي خطة أ عادي من غير اي اضافات لانك حملتي مواد يعني المواد الي حملتيها يا انك تاخديها صيفي او السنة الجاية واذا نجحتي ماتنشال ال f تفضل في كشف الدرجات حقك يعني من الاخر ال f تبقى نقطة سوداء في جدولك ومستحيل تتساوي مع الي اخدوها من اول مرة مشكلة الصيفي انو الفترة قصيرة وضغط عالااااخر لاتزعلي نفسك ولا تنقهري والحالة الي انتي فيها طبيعية ومريت فيها قبلك انا وبنات كتيييييييييييير قولي الحمد لله على كل حال وربي ان شاء الله حيسهلها بالتوفيق حبيبتي واذا عندك اي استفسار انا موجودة

لالالالالا بالعكس

أحلى شي فيها إنو الفترة قصيرة

من جد لأول مره أحس إني مستمتعة بالمحاضرات والدراسة في الجامعة في الترم الصيفي

وفكرت إني آخد صيفي مرة تانية متى ماسنحت ليا الفرصة

[Eng.SouL]

المشاركة الأصلية كتبت بواسطة ~ll نوّارة ll~ والله ما اعرف ايش هيا حالتي بالضبط !! نفسي ابكي بس جالسه اضحك ..يمكن من القهر او اني لسى مو مستوعبه .. بس الحمد لله على كل حال ..

كما قيل: شر البلية ما يضحك ..

إبقيّ على الحلم الذي أردتيه قبل دخولك الجامعة
واكتبيه في ورقة وعلقيها هنا وهناك لكي لا تنسيه مع هذه الضغوطات السيئة
وأرجو لكِ النجاح في جميع موادك الأخرى والأهم من ذلك: النجاح في آخرتك ..

تحياتي إليكِ ~ المهندس سول

[mahhh]

طب انا عندي سؤال يمكنو غبي شوية بس والله ابا اعرف
دحين انا لما اخلص السنة دي حروح السنة الجية واكمل على نفس المعدل ولا هوا معدلها بس عشان التخصص والتسكين

[د. أسامة]

الله يوفقك لا تتحطمي و أسمعي كلام الأخت لمى علي لإنه هو عين الصواب ..

و بالتوفيق .

المشاركة الأصلية كتبت بواسطة حشاش ماسك رشاش يب يب الله يكتر من امسالك كتير وكتير وكتيرة

الله يشفيك متخلــف عقلياً ،

كويس إنهم أعطوك باند :@ ..