قصة معانة شاب سعودي مع مان ديفان

[فاقدة أبوها]

هذي مو قصته يااخوان

لكن القصة مؤثرة ومحزنة,

أعانهم الله وسدد دينهم وعوضهم خيراً مما لاقوه من هذه الشركة,

[ابوسعود 6]

المشاركة الأصلية كتبت بواسطة فاقدة أبوها هذي مو قصته يااخوان لكن القصة مؤثرة ومحزنة, أعانهم الله وسدد دينهم وعوضهم خيراً مما لاقوه من هذه الشركة,

شكرا اختي وبالفعل كما ذكرت لكم سابقا هذى قصة احد الشباب المتضرر واعرفه شخصيا واعرف معاناة شباب يمكن تكون اسواء من قصة خالد فصدقوني فيهم من ذوى الاحتياجات الخاصه وفيه من هو متزوج وبسبب هذا المشروع ارجع زوجته الا اهلها واصبح ساكن بالمحل هو وابنه وقصص مؤثره كثير ندعو لهم ونبي وقفه صادقه معهم على الاقل بنشر معاناتهم للاسف اكثر الصحف السعودية رفضت نقل معاناتهم بسبب خوفهم على اعلانات العجلان في صحفهم مثل عكاظ والجزيرة والرياض والوطن واليوم

ولم يقف معهم الا جريدة شمس والحياة وصحيفه سبق الالكترونيه ولجينيات والخرج وغيرهم من بعض المواقع فشكرا لهم واقول لصحف الباقيه حسبنا الله عليكم فينكم من معاناة ابناء الوطن

تحياتى لكم

[ستأتي أيامي]

الله يعينه ، ويفرج كربته.
كدر خاطري

[روووني]

حسبي الله ونعم الوكيل الله لايربحهم وياخد حقه منهم
ام شي الزم الاستغفار وربي يفرجها ويفتح عليك من اوسع ابوابه

[ابوسعود 6]

شكرا لتفاعلكم مع اخوانكم

[أبوايلان]

اللهم فرج كرب المظلومين وهم المهمومين وسدد دين المدينين
عليك بالأستغفار وبهذا الدعاء(اللهم أني أعوذ بك من الهم والحزن والعجز والكسل وأعوذ بك من الجبن والبخل وغلبة الدين وقهر الرجال)

[آووم كـــحه]

لا حول ولا قوة الا بالله والله مرآ حزني

يسلمو عَ آلموضوع

[خالد9921]

رديت رد وش طوله كنت احسب القصه عنك خخخخخخ
بس بما انها للشباب آخرين والبعض منهم تعرفه
خذ كلامي هذا ووصله لأي واحد تعرفه منهم واوضاعه مرره سيئه
بالنسبة لديوان المظالم
المشكله الديوان هذا ما يقدر يقول شي اذا اوراق التعاملات سليمه قانونيا ولا فيها اجبار او إكراه
ونشوف هالشي مع ناس كثير تضررت بالاسهم وبقروض البنك رغم فوايدها المخالفة للشريعة !
آخر المطاف تصير مطالبة عند الحقوق المدنيه والمحاكم ويا تدفع يا سجن .. هذا الواقع مو تشاؤوم !!
سواء الديانه افراد او شركه
بالاخير ما راح يصبروا خاصة الشركه وبيطالبو بالفلوس هاذي
اذا ما عندك احد يدفع عنك ولا انت قادر عن الدفع وش بتسوي ؟؟!!
انا اشوف مافي الا حل واحد
ان الواحد يوجد له مصدر رزق ولو بسيط ومن الموجود
القصه تقول انك مانت لاقي لا وظيفه عسكريه ولا وظيفه تأهل ومضمونه
مالك الا تشوف اي وظيفه في مول في ماركت ببنده اي مكان من وظايف 2700 و 3000 ريال
وهاذي بشهادة الثانويه سهل الحصول عليها ممكن تقدم بيوم نفس اليوم تشتغل ويا كثر اعلاناتهم بالجرايد
لانو وقت المطالبة ماحد راح يفيدك اذا ماحد حولك قادر ماديا ويغطي عنك
ووقتها راح يقولو ادفع والا سجن .. والسجن هنا نهاية الواحد شي مقرف للغاية وصعب وتتعطل حياتك !
فما راح يقتنعو بالصبر اصحاب المديونيه وتقنعهم الحقوق المدنيه
الا ذاا عندك دخل تثبته بورقة تعريف من الاعمال البسيطه هاذي وتوعدهم بدفعات شهريه حتى لو ما يبقى من راتبك الا 50 ريال مافي سواه غيرها !!
انا وضعت اسوأ الاحتمالات وللاسف ان اقربها .. علشان فعلا الواحد يلقى حل واقعي مو كلام وبس للمشكله هاذي !
عموما الله يحل مشكلتهم وتتسهل لهم وان الديوان يتجاوب معاهم
بس ارجع واقول تعاملات ماليه سليمه صعب تلقى لها مخرج بالنهاية !! والا كان اهل السهم رجعت لهم حقوقه وصبرو عنهم :/

حبيت اعطي حل ولو سيئ ومُتعب ... سوري عالاطالة
بالتوفيق