يجب إعلان مواعيد الإعادة عاجلأ .. حجوزات السكن والطيران وأخيرأ العمل ..!!

[سدر]

صرح تعليمي متكامل ولاعندهم خطة للحالات الطارئة مثل كيف تتم اعادة اختبارات الى تم تأجيل الاختبار المفروض انهم يشوفون ويدرسون الوضع ولو كان اضطرو لعقب بكرا يتم اجراء الاختبارات بالمواد اللي نأجلت في المناطق وكلن على حسب منطقتة مثل الرياض وماحولها يتم اختبارهم بالرياض والمنطقة الشرقية وماحولها يتم اختبارهم بالدمام وهكذا والله ولي التوفيق بس اقتراح بس نبي نعرف وش الوضع نجلس والا نمشي كلن لاهله انا من يوم الخميس الماضي ماعندي الا هالمادة (ادارة اعمال دولية) اليوم الساعة 8 مساءاً بس الله يدبرنا على اللي فيه خير وصالح

[هيفاء العتيبي]

اضم صوتي مكم باقيلي اليوم بس اختبار
ورحلتي ان شاء الله بكرا الضهر تتوقو الرحلات ماشيه ماراح يوقفوها خلاص مابي اختبر ابي ارجع لهلي بسلامه

[@@وهم@@]

يجب اصدار قرار سريع بتأجيل اختبارت الغد ايضا وعدم تأجيلها بل الغائها وتنجيح كل الطلاب الي اختباراتهم اليوم وبكره

لا تضحكون والله هذا المفروض لو حطوه السبت انا مستحيل يسمح لي الدوام اطلع بالاضافه مافيه حجوزات ولا شي حرام عليكم

لا تقولو كوارث طبيعيه وربي ما تعرفو الكوارث الطبيعيه هذا مطر عادي بس بغشكم وسرقتكم وخداعكم حولتو المطر الخفيف الى كوارث

والجامعة مسؤلة مسؤلية تامة عن المطر ما احد قالهم ابنو الجامعة جو حفرة

افففففففففف شي يتعب

[yahya1500]

متى موعد الاختبار البديل

[أبو روز الشمري]

والله مهزلة

[D&G]

جامعة طقها والحقها

تمشي بالبركه

لا تخطيط ولا تنظيم ولا خطط طوارىء ولا خطط بديله

ويقولون ليه الجامعات السعوديه في ذيل الترتيب العالمي


ليتها مثل جامعة الملك سعود ولو حتى ربعها

[المميــــز]

ياشباب انا اشوف ان الاخوان في الجامعه مافي يدهم حيله هذا قدر من رب العالمين
وتم تاجيل الاختبار عشان ضروف الطلبه والا تبون نصكم يختبر ونصكم اللي ناشب في كوبري واللي طايح في حفره
الشي الوحيد اللي المفروض يصير انه يتم تاجيل كل مواد الاربعا والخميس للترم الجاي
لانه احتمال يقولون السبت او الاحد يجي امطار بعد
مع ان اغلب الطلبه اللي عندهم اختبار يبون يخترون السبت او الاحد ويفتكون
وجهة نظر

[المنسية]

الأفضل يخلونها مناطق ويريحونا >>> لكن مافية أمل

[magno]

مافي مجال للاختبار الاسبوع الجاي ماراح نلقى حجوزات ولا اجازات

[الراحل]

ماله داعي تاجيل اختبار الخميس لان عندنا ارتباطات عمل وبعدين الرئاسه العامه للارصاد تقول بمشيئة الله تعالى حالة الطقس المتوقعة ليوم الخميس 23/02/1432 الموافق 27/01/2011لازالت الفرصة مهيأة وبمشيئة الله تعالى لهطول امطار تتخللها خلايا رعدية على مناطق مكة المكرمة المرتفعات منها ومنطقة الرياض ، والجزء الأوسط للمنطقة الشرقية كما يتوقع هطول امطار على مرتفعات عسير والباحة، والرياح السطحية جنوبية على شرق المملكة وجنوبها تنشط على فترات مثيرة للاتربة والغبار و الرياح جنوبية غربية الى شمالية غربية على شمال وغرب ووسط المملكة معتدلة السرعة ، ويتكون الضباب خلال الليل والصباح على المرتفعات الجنوبية الغربية والغربية وأجزاء من وسط وشمال المملكة وشرقها
يعني بكره الجو عادي بعد مشيئه الله تعالى