مستقبل طالب الاعلام انتساب

[العنقري1400]

عليكم السلام ورحمه الله وبركاته
قسم الاعلام مطلوب سوا كان في القطاع العام او الخاص
بالنسبه للعام الحكومي فهو مطلوب في كل وزارة وكل منشاه حكوميه لان عندهم ادارة اسمها العلاقات العامه فانت راح تكون واحد من هذا القسم ( اما ) مساله التوظيف الان التوظيف بالقطاره حتى لو معاك الدكتورا ..

اما بالنسبه للقطاع الخاص فهم يبون مع الشهاده لغه انجليزيه وصدقني راح تطلبك احلى شركه لان موظف العلاقات هو اللي راح يجيب لهم الشغل ..

[حمودي 4]

ربي يسعدك يارب

[abody hamody]

لا تخلو اي شركة كبرى من وجود قسم العلاقات العامة لكن تحتاج الى اجادة اللغة الانجليزية تحدثا وكتابة
اما بالنسبة للوظائف الحكومية ما وراها الا الفقر عليك بالشركات فهي المستقبل فموظف العلاقات العامة في اي شركة يعتبر اهم موظف في هذه الشركة
تمنياتي لك بالتوفيق اهم شيء تكون انت مقتنع بما تدرسه من تخصص

[klo0ody]

الله يسهل بعد ثلاث سنوات وش يصير ((نطاقات)) هوا الحل

[العاشق الولهان 03]

ايه اخوي اكيد مستقلها حلو

لآن اي اداره فيه اعلآم

والاعلآم مجآآل واسع

[الشبوي بلس]

اكيد الاعلام مستقبله واسع وخصوصا ضرورة تواجده بكل القطاعات حكومي وخاص ولو نظرة قليلا لوجدت تقدم الدول الغربيه من قوه اعلامها والله ينفع بنا البلاد والعباد ,,

[أبو رعد]

اود ان اضيف بعض المعلومات عن قسم العلاقات العامة :
1-جميع قطاعات الشركات الكبرى يوجد بها قسم علاقات عامة واغلبهم تخصص علم نفس او اجتماع او بالخبرة ويتقاضى بعضهم اذا كان مدير من 15000الى 20000ريال
امثال شركات التامين وشركات الادوية الطبية والمعدات الطبية والسيارات والبترول ومشتقاته ولابد من الانجليزية باتقان مميز
2-شركات الترفية والسياحة وقسم اساسي جدااا
3-المستشفيات الكبرى
4-شركات الدعاية والاعلان المحتكرة من قبل الشوام
5-وغيرهااا من الشركات الحكومية التي لاافضل التوظيف فيها لانها محدودية الدخل والله يااخوان القطاع الخاص غني بالاموال بس للي يعرف كيف يتعامل معاه بالاسلوب والمظهر والكلام

[قمررر14]

المشاركة الأصلية كتبت بواسطة klo0ody الله يسهل بعد ثلاث سنوات وش يصير ((نطاقات)) هوا الحل

وش نطاقات ؟

[حمودي 4]

بسم الله الرحمن الرحيم

يالربع

تكفون مستقبلي خايف عليه

انا باقي سنه دراسيه باذن الله واتخرج

طبعآ خايف من الوظائف

تكفون ابي احد يرد علي باامانه


هل تتوقعون حنا ياقسم الاعلام انتساب رجال نتوظف

ام لا

وهل تذكرون احد انتساب من نفس قسمنا ذا توظف


تكفون ردوا عليه ابي اتطمن البطاله تذبح

وهل فيه احد في الخدمه المدنيه انتساب وطول السرا عليه


بصراحه مدري تتوقعون عادي تقبلنا الخدمه المدنيه نقدم فيها ولا الانتساب مالنا توظيف من وزاره الخدمه

يرحم والديكم ابي جووواب


ربي يسعدكم

[كلي أمل]

مافي شي على الله بعيد ..

والله لو ربي كاتب لك الوظيفة مايردها لا نظام ولا قانون ..

علق أملك بالله ... وفالكم التوفيق والنجاح والوظيفة المميزة