التست بانك وطريقة حفظه ..!

[محمد عماد]

شوف يا كابتن ..
عندك اكثر من 17 الف طريقة لمذاكرة وحفظ مادة الأحياء ( هذا العدد = عدد طلاب جامعة عزوز )
فعلا ،، كل طالب له طريقة في المذاكرة ... وانا بأقول طريقتي بايجاز شديد
اقرأ السلايدات ( قراءة بفهم ) وبعدين احفظ التست بانك
بس لا تنسى تركز مع الدكتور وتترجم اي كلمة ما تعرفها
ونصيحة ابعد عن التست بانك المترجم لانو ترجمته خطأ
وبس ،،



بالـــتــــوفـــيـــق

[Dr.Shaikhah]

^
من جد التست بنك المترجم خطأ وحسيته أهبل

[яỏич]

طيب ياجماعه حبيت اسأل ..
انا اخدت تست بانك حق وحده من البنات اللي كانو السيمستر اللي فات plan B
هوا نفس الـ Test Bank حق دا السيمستر؟

[د. هدّولا]

التست بانك وما أدراك مالتست بانك
صراحة انا كنت من أكبر المفهيين فيه وواجهت نفس مشكلتك
انا ذاكرت بثلاثة طرق كل تست بانك ذاكرت له طريقة

الأول
كنت أترجم الكلمات الصعبة وأفهم السؤال بعدين أحفظ
واذا كان سؤال طويل او الجواب طويل خلاص كلمتين من الاول وكلمتين من الاخير


الثاني ذاكرته بطريقة غبية
وندمانة إلى الآن على أن درجتي الحمدلله جدا حلوة في الدوري الثاني بس
برضه ما أحس بأي فايدة ولا أتذكر عن ايش كان يتكلم ..
كنت أقرأ الجملة وألف عليها قصة أو جملة من الكلمات
وفي الاختبار لأنه سوو فينا مقلب الله يسامحهم طار كل شي ..
بس برضه الطريقة كانت سيئة بالنسبة ليا ...


الثالث ..
الطريقة دي ما اكتشتفها الا عالنهائي وندمت اني ماذاكرت فيها من البداية
لأني فعلا استمتعت وحسيت أني فاهمة وفي مصطلحات الا الآن فاكرتها ..
الطريقة تفتح السلايدات وتقرأ ومعاك التست بانك
كل ماتشوف سؤال تكتب ايش قصته
يعني مثلا انتقال الدم في الجسم كيف يحصل وايش الاوردة والشرايين
ترسم مخطط كامل عن الاوردة والشرايين والاسماء وكيف ينتقل الدم وبعدين فين يروح
وكل عضو ايش يسوي
بكدا تكون اتعلمت وفهمت وحفظت 7 او 8 اسئلة من التست بانك كلها كانت محتواها عن الدم وانتقاله وزي كدا
الطريقة دي استخدمتها في يوم الاختبار وحفظت تست بانك 3 في وقت قياسي
بس الله يهديني اللي نزلني اني مارجعت ذاكرت تست بانك 2 و 3 فعشان كذا نقصت ..




بس نصيحة نصيحة نصيحة
لاتترجم عشان تحفظ بالعربي ولا تشتري تست مترجم
ممكن تترجم الكلمات عشان تفهم ايش هرجة السؤال بس نصيحة لاتحفظ مترجم
ترا مررررة يضيع

[محمد الداود]

^
كلماااتك متعووب عليها الله يفتح عليكي أختنا ،،،
بسسس الطريقة حق تست 3 مش تاخذ وقت طووويل نسبيا
لأني حفتح السلايدات واقرا وافهم وبعدييين أحفظ أحسها صعبة مع كل سؤاااال !!! إمكن أنا ما فهمت الطريقة آآسف
_____
بطريقة تست 2 الدوري الثاني اذا ما كان جاابوا الاسئلة القدييمة كان جبتي 30 ؟؟؟ ولا الطرييقة من الأصل ما تنفع؟؟؟؟
_____

[m!ss-oudy]

.
.
.

والله هـ التست بنك شغلتو ششغله
االله يعينـآ عليه .. وأن شاء الله ينزلو الأسستـآذ رضوآن السبت
ويصير نبدأ نذآكر ..=/

وربي يوفقنـآ ..

[د. هدّولا]

^

بالنسبة لبارت 3 ..
أنا مامسكته الا بليلة الإختبار بدأت أذاكره من 9 الصبح الين 6 المغرب تقريبا
خلصت تست 3 بالفهم وكدا وأنا أعتبره انجاز لأني ماكنت مذاكرته من أول
انت إذا بدأت من الآن راح يكون عندك وقت كويس
غير كدا .. لمن أنت تفهم وترسم وتشرح لنفسك الدرس
تكون بكدا غطيت على 7 أو 8 أسئلة متعلقة بالدرس
يعني في كل درس تمر عليه كانك تحفظ 7 أو 8 اسئلة
ودي الطريقة مفيدة في حاجة ..
أن حقون الأحياء دايما يحطو سؤال او اثنين يغيرو في صيغتهم
فلو غيرو في صيغتهم تكون أنت فاهم وعارف ايش الطبخة فتجاوب صح ان شاء الله

يعني مثلا أفتكر في سؤال في تست 3 جا ان الشهيق يتم فيه كذا كذا
بس في الاختبار عكسوه لنا وكتبو الزفير ..
فخلاص دام انت فاهم الهرجة راح تحل صح إن شاء الله




أما عن تست 2
الطريقة ماتنفع اذا انت ناوي كلية صحية أو أحياء وكدا
لأنها ماتفيد تخليك تحفظ بدون ماتدري ايش الموضوع من أصله
بس اذا حاب الطريقة دي ممكن تجبلك الدرجة الكاملة لو قدرت تألف القصص صح
بشرط أنك تخليها شي يضحك أو مميز


بقولك مثااال بس بدوون ضحك أو تريقة ...
زي في سؤالين شبه بعض أقولك كيف كان التاليف عليهم

The taxonomic group highest in the hierarchy that is listed below is:
phylum

دا السؤال زي كدا كان
taxonomic = سواق تاكسي
group = مجموعة
highest = من الطبقة العالية
hierarchy= شوكولاتة هيرشي << أكيد تعرفها
والجواب
phylum = فلم

فكان ربطي .. مجموعة التكاسين ( سواقين التاكسي ) اللي يسوقو التكاسي الفخمة
يحبو ياكلو شوكولاتة هيرشي وهم بيتفرجو على فلم


The taxonomic group that is lowest in the following hierarchy is:
species

^
نفس السؤال بس أنه لوو
species = سبيس تون


فدا كانت قصته .. أن التكاسين الغلابة اللي سياراتهم مقربعة
ياكلو هيرشي ويتفرجو على سبيس تون
يعني مستواهم مو أفلام هههههه


زي كدا كان ربطي
اذا عجبك اشتغل على نفسك وألف قصص

[roro100]

^^^^^^^
ههههههه مرره عجبتني القصص
بس انا لو رح احفظ كذا عز الله قعدت العب وماححفظ شي
لكن طريقه حلوه للي عنده وقت

[الحلم الضآئع !]

بعدين آلأحيآء آكترو يعتمد ع قدرتك ع آلحفظ .. و آزآ آنتآ تفهم سوي روآبط و كلو
بآذن ربي .. حيتيسر !

آنآ عن نفسي لمن آجي آزآكر .. آشوف آلكلمة آلصعبة آلي نظقهآ غريب و جديد ..

و آفتح جوجل للترجمة .. و آحط آلكلمة و آسمع كيف يقولهآ .. و آلحمد لله حفظت أغلب آلكلمآت !


لآ تخآف لآن ربي معآنآ .. لآ تصعب شي لآنو حيصعب !!

و آلله يوفقنآ !

[محمد الداود]

المشاركة الأصلية كتبت بواسطة د. هدّولا ^ بالنسبة لبارت 3 .. أنا مامسكته الا بليلة الإختبار بدأت أذاكره من 9 الصبح الين 6 المغرب تقريبا خلصت تست 3 بالفهم وكدا وأنا أعتبره انجاز لأني ماكنت مذاكرته من أول انت إذا بدأت من الآن راح يكون عندك وقت كويس غير كدا .. لمن أنت تفهم وترسم وتشرح لنفسك الدرس تكون بكدا غطيت على 7 أو 8 أسئلة متعلقة بالدرس يعني في كل درس تمر عليه كانك تحفظ 7 أو 8 اسئلة ودي الطريقة مفيدة في حاجة .. أن حقون الأحياء دايما يحطو سؤال او اثنين يغيرو في صيغتهم فلو غيرو في صيغتهم تكون أنت فاهم وعارف ايش الطبخة فتجاوب صح ان شاء الله يعني مثلا أفتكر في سؤال في تست 3 جا ان الشهيق يتم فيه كذا كذا بس في الاختبار عكسوه لنا وكتبو الزفير .. فخلاص دام انت فاهم الهرجة راح تحل صح إن شاء الله بهذي الفترة المفروض تدخلي موسوعة غينيس ما شااآآء الله،،، الظااآآهر ملكة الحفظ عندك قويييييية ما شااآآء الله مممممم أنا بقولك اللي فهمته أمسك السلايد وأفهم ch1 منو وبعدين أرووح للتست وأشووف أسئلة ch1 واحفظها.. ..وكذا مع كل شبتــر ،،،وكذا اكون حفظت وفهمت،،،، بس اذا كنت امسك كل سلايد وافهمه محا ياخذ وقت ووو هل ممكن يكون سبب سرعتك -ما شاء الله- هو فهمك من السلايــد وااااااا إش كنتي تسوي مع السلايدات تقريها تفهميها ولا إيييش ؟؟ أما عن تست 2 الطريقة ماتنفع اذا انت ناوي كلية صحية أو أحياء وكدا لأنها ماتفيد تخليك تحفظ بدون ماتدري ايش الموضوع من أصله بس اذا حاب الطريقة دي ممكن تجبلك الدرجة الكاملة لو قدرت تألف القصص صح بشرط أنك تخليها شي يضحك أو مميز اذا حكاية قصص أقدر أألــف 70 قصة لكل سؤاااال هههههههههه طريقة الربط هوااايتي بقولك مثااال بس بدوون ضحك أو تريقة ... زي في سؤالين شبه بعض أقولك كيف كان التاليف عليهم the taxonomic group highest in the hierarchy that is listed below is: Phylum دا السؤال زي كدا كان taxonomic = سواق تاكسي group = مجموعة highest = من الطبقة العالية hierarchy= شوكولاتة هيرشي << أكيد تعرفها والجواب phylum = فلم فكان ربطي .. مجموعة التكاسين ( سواقين التاكسي ) اللي يسوقو التكاسي الفخمة يحبو ياكلو شوكولاتة هيرشي وهم بيتفرجو على فلم والله ربــط محترفين -ما شاااء الله- ما اتوقعت احد احسن مني في تأليــف القصص ،،، the taxonomic group that is lowest in the following hierarchy is: Species ^ نفس السؤال بس أنه لوو species = سبيس تون فدا كانت قصته .. أن التكاسين الغلابة اللي سياراتهم مقربعة ياكلو هيرشي ويتفرجو على سبيس تون يعني مستواهم مو أفلام هههههه زي كدا كان ربطي اذا عجبك اشتغل على نفسك وألف قصص

بــدأت أكتشف طريقتـــي ،،، كل الشكر أختنا الفــاضلة