تجمع للمتقدمات للكيمياء الحيوية السريرية فقط

[batbot]

صباح الخير اخواتي
لو وحده عندها ملخصات للهرمونات و وظائفها ممكن تحطها هنا؟

[NeverAgain]

أتصلت ع القسم اليوم قللي الدكتور انو الأسئلة MCQ and short questions

كمان سألتو عن عدد المتقدمين قال تقريبا 150 و حيقبلو 10 بس

والأولوية حتكون لطلاب الطب بعدين التقنية بعدييين العلوم

[batbot]

neveragaine
شكرا على المعلومات
طيب ما سألتيهم عن مكان الاختبار و المراجع الخاصة فيه؟

[Areej alrefai]

حتى أنا قالت لي فقط 10 يقبلوا ومتأكده اني مو منهم لكن بما أني جيت جده راح ادخل الاختبار بأذن الله ....
والمكان المبنى السادس الدور الثاني ....
والله يوفقكم يابنات الحيوي والله نفسي في هذا القسم لكن ربي يكتب اللي فيه الخير ....

[Areej alrefai]

قالت لسى ماحددنا القاعهـ

[Areej alrefai]

المشاركة الأصلية كتبت بواسطة batbot neveragaine شكرا على المعلومات طيب ما سألتيهم عن مكان الاختبار و المراجع الخاصة فيه؟

يااااااااارب يااااااكريم تنقبلي بهذا القسم وتكوني من العشره المقبولين يااااااااااارب

عااااد بشريني راح افرح لك اذا كتب الله لك القبول لان حاسه انه نفسكـ فيه ....

أمس رحت مكه ودعيت لكم كلكم

[miss estakoza]

زيزفونة حبيبتي الله يعطيكي العافية و الله يوفقنا جميعاً و ننقبل .. وانتي لو جبتي درجة حلوة ما أوفع انو تخصصكي حيمنع انك تنقبلي .. أنتي بس ركزي على ليبنكوت لأنو فيه المختصر المفيد ..

بنات لقيتلكم بروفيسور توحفة عاليوتيوب .. مرة عجبني شرحه وان شاء الله يعجبكم كمان ..
هاذي القناة .. http://www.youtube.com/user/OregonStateUniv
اختاروا courses من فوق وحتلاقوا محاضراتوا ..
تقريباً أغلبية المحاضرات عن الأيض و البروتين و تركيبه ..

[batbot]

المشاركة الأصلية كتبت بواسطة زيزفونه حتى أنا قالت لي فقط 10 يقبلوا ومتأكده اني مو منهم لكن بما أني جيت جده راح ادخل الاختبار بأذن الله .... والمكان المبنى السادس الدور الثاني .... والله يوفقكم يابنات الحيوي والله نفسي في هذا القسم لكن ربي يكتب اللي فيه الخير ....

المبنى السادس اللي في الطب؟
ولا فين ؟

[batbot]

المشاركة الأصلية كتبت بواسطة زيزفونه يااااااااارب يااااااكريم تنقبلي بهذا القسم وتكوني من العشره المقبولين يااااااااااارب عااااد بشريني راح افرح لك اذا كتب الله لك القبول لان حاسه انه نفسكـ فيه .... أمس رحت مكه ودعيت لكم كلكم

يااارب ييسرلنا ماهو خير لنا يارب
و شكرا ع الدعاء
و كيف كان اختبارك الكيمياء
انشاءالله تمام

[رضاك يا رب]

يا رب ياكريم يسر لكم كل خير ... وماقصرتو يابنات على المجهود الي بذلتوه عن جد كلمة شكر ماتكفي و الله يجزاكم كل خير