ليه ياجامعة الملك عبدالعزيز هالتشدد كله!

[طالبه*]

الله يعينكم يارب.
ويوفقكم.

[ابو عبدالله2000]

يعطيكم العافيه على الردود والتوضيح لكن هالترم مجبور وش اسوي لازم اختبر الحذف راح موعده وربك يعين ويسرها للجميع

ويعطيكم العافيه واسف يمكن ازعجتكم وضيقت خاطركم يمكن اول مره اتكلم بالشي هذا بس يالله ردة فعل كانت لما اتصل على الشقق ولا قدرت احجز

وبالتوفيق للجميع مره ثانيه

[ابو صالح16]

طيب ابوعبدالله حبيبي في شقق مخصصه للطلبه المنتسبين اذا كنت وحدك وصدقني رخيصه اليوم 100 ريال فقط وشارع رئيسي التحليه بس غرفه ودوره مياه الله يكرمك والسامعين وشغل مرتب انت ماراح تخسر شي عموما الوصف بجانب النادي الاهلي على يساار النادي الاهلي والله ناسي اسمها وجنبه حق العاب اطفال ابد مقابل اول كبري للتحليه وانت جاي من السريع اشاره الاولى بعدها يجيك الكبري من تحته تقاطع الاربعين سوي يوتيرن وتجي على يمين وان صلحت لك ولا لغيرك نبي الدعاء فقط

[مساعد99]

الله يعينك .. الصبر الصبر .... معاك حق من ناحيه المصاريف هي مكلفه مره


بس الشهاده مالها ثمن


فى حل لك ممتاز تحاول تنقل الى جامعه فيصل ممتازهـ وتقدر تختبر بنفس المنطقه

وبالنسبه للشقق ... فى شقق شارع فلسطين واسعارها معقوله .. ( شقق بيتك )


الله يوفقك

[الوثلاني]

فعلا احنا الي خارج جدة نعاني من المصاريف فوق الرسوم الي تعتبر اعلى سعر بين الجامعات الاخرى احد الاصدقاء
يدرس تعليم عن بعد في جامعة الملك فيصل ب 2400 وجامعتنا ب 4000 فارق شاسع والمشكلة اني اريد التحويل لتعليم عن بعد لكن اخاف من زيادة المصاريف فاصل لنفس حالتك الله يعينا وياك على تعسف هالجامعة

[امل عطشان]

انا استغرب من بعض الردود اللي تقول حول لجامعه الملك فيصل
السكوت ارحم ولاالشكوى لظالم

[ابومحمد11]

طيب وبعدين ؟؟؟
كلنا متفقين على التعب والخساره من السفر لجدة لكن وبعدين وش راح تسوون ؟؟
بس كلام !!؟؟
يعني كل واحد يقول انا مالي دخل خل غيري يشتكي انا ماني فاضي ,,,
وقاعدين على هالحال سفر ومصاريف ومرمطه ..
خلوكم ايجابيين وطالبو بحقوقكم لاحد يقول مالي دخل والا ماراح يفيد .. رؤساء دول طاحو من المطالبات
وحنا قاعدين زي الضعوف نتشكى في هالمنتدى
انا طالبت وارسلت فاكسات وايميلات لمدير الجامعة ولعميد القبول والتسجيل بخصوص اختبار المناطق وطبعا مافيه فايده تدرون ليش ؟؟؟
لان يد وحده ماتصفق واذا ماشتكينا كلنا وطالبنا ماراح يتغير شي وبنجلس نتشكى في هالمنتدى بدون اي نتيجه
رجاء ياخوان لا احد يقول مالي دخل ,,
انت يالي تقرا الحين ارسل ايميل اقل شي لمدير الجامعه وللعميد
هذا اقل شي تسويه طالب بحقك وحق اخوانك هم ماراح يحسون بمعاناتنا لين احنا نحسسهم
اتمنى اني اكون وصلتلكم شي مفيد وانا طالبت وراح اضل اطالب باختبار المناطق لانه من ابسط حقوقنا وراح يسهل علينا اشياء كثير منها الماديه والنفسيه ,, واتمنى انكم تكونون معي وتطالبون

[لماذا اسلم للبحر امري؟]

انا استغرب من الي يتعبون انفسهم ويجون من براا رغم ان عندهم جامعات افضل بمليون مره من جامعه الملك عبدالعزيز

بصراحه وبدون زعل .. انتو الي تجيبون التعب لأنفسكم

[طالب مجتهد 5556]

الله يشفيك اخوي

بعدين انا استغرب من بعض الطلاب يمدحون جامعة الملك فيصل

ويدرسون بجامعة الملك عبد العزيز والمشكلة انهم بالرياض خلاص خليك هناك ياخي اذا افضل واوفر

اقسم بالله لو اني ساكن بالرياض والا الشرقية ماادرس في الملك عبد العزيز لو اموت

[أم سعووودي]

اخوي ابو محمد11 ,, اعتقد إن الإيميلات ماتسوي شي في دا الوقت ولو شفت الطريقه اللي اخذوا بيها معلمات محو الاميه حقوقهم كان عرفت معنى كلامي . انا ما اقول نسوي زيهم على طول لأ , خلينا نبدأ معاهم بالحسنى , ولو تلاحظ من العام لما شافوا الشباب والبنات قوموا الدنيا وماقعدوها على ابسط حقوقهم من رسوم دراسيه غير التصحيح اللي مره يصيب ومره يخيب غير تنزييل الجداول قبل الاختبارات بأسبوع غيروغير وغير .... قاموا هادا الترم وسكتونا بإنهم نزلوا الجداول بدري , بس المطالب اللي عليها الكلام والثقيله مطنشيين ...