نداء إلى الطالبات (الزوجات والأمهات)

[أم سما]

سبحان الله 33مرة
الحمدلله 33مرة
الله أكبر 34مرة
ألا ادلكما على خير من خادم ؟ إذا أويتما إلى فراشكما فسبحا ثلاثا وثلاثين واحمدا ثلاثا وثلاثين وكبرا أربعا وثلاثين فإنه خير لكما من خادم

لو نستمر على الأذكار هذي قبل النوم ربي راح يباركلنا في وقتنا وجهدنا
كمان الاستغفار له مفعول عجيب...


ربي يوفق الجميع

[صمت البووووح]

الله يعيننا جميعا على المذاكراة انا لسى ماذاكرت شي وعندي ثلاث بنات بالمدرسة و مولودة عمرها شهر ونص اشلون اذاكر

[عاقله في زمن الجنون]

انا عندي بنوته عمرها سنتين والحمدلله هذا اخر سمستر لاكن من جد تعبت تعب مايعلمه الا الله مع الدراسه وبنتي
جبت بنتي وانا في المستوى الرابع تقريبا وسبحان الله بنتي وقت الاختبارات والدوره لااااااازم تكون مريضه
خلاص صرت اعرف اذا قرب دوامي او الاختبارات بنتي تمرض
وشوفو الحال كيف سخونه وكتمه ومستشفيات وسهر معاها على ادويه وكمادات وبخار
واليوم الثاني اروح اختبر وانا مهدوده والحين كمان بنتي وزوجي تعبانين ع الاخر وانا الممرضه حقتهم
بس ماراح استسلم وراح اكون اقوى من اي ضرف وبرفع وثيقة التخرج قريب ان شاء الله

[ام سما]

الله يعينكم ياابنات


ووان ششاء الله تقدروون تووفقوون بين البيت والجهال

[صمت البووووح]

صراحة موضوعك جدا حلو وحمستيني اذاكر الليلة وماانام مع ان بنتي الصغيرة اذا مسكت الكتاب قامت تبكي ومريضة بعد الله يشفيها ويوفقنا جميعا ويشرح صدورنا للمذاكرة ااااااااااااامين يارب

[..!! Dano0o !!..]

بصرآآآحه موضوع حمسني كثير ومره حلو الموضوع

انا ام لبنوته عمرها 10 شهور ودحين ماشاء الله حامل وانتوا عاد تعرفوا الوحم كيف

انا وحمي مره متعبني بس دوخه ومعدتي مره تعورني وجدولي زي الزفت

تخيلوا عندي 5 مواد وحاطين لي مادتين يوم الثلاثاء الجاي والاسبوع الي بعده يوم الاحد ماده ويوم الاثنين مادتين وخلاص مني عارفه ايش اسوي من بنتي ودحين كمان مريضه ومسخنه وكمان من الوحم وكل مااقول اني راح اقوم الصباح واذاكر مع زوجي لانه حتى هوا عنده اختبارات بس مو في نفس الجامعه بس مااقدر اقوم من آلم معدتي والدوخه فاطر اني ارجع اانام ومااقوم الا بعد الظهر ..

بس الحمدلله مسكت ماده وذاكرت فصلين ونص منها ودحين ماسكه ماده ثانيه والله يعين على كل حال


والله يعني كل ام على عيالها ويساعدها ويوفقها ياااااااااااااااااااااااااارب

[Great sister]

ياناااااااااااااس على الأمهات الصغيرات ربي يحفظ لكم اطفالكم والله ربي معانا احنا مكافحات وربي عارف وعالم قد ايه بنعاني
انا عندي بنتين وحدة عمرها 5 والثانية 3

ربي يووفقكم يارب الصراحه تفسي ارد على كل تعليق الله يعينكم ويعيننا اجميعين يارب خلينا نكون حافز لبعض

[مواهب وافكار]

موضوع مررة حلوالله يخليلكم ذريتكم انا بنتي سنةو3شهوو
تعرفو السن هذا تبدا الشقاااوة واللعب والله من يوم ماجبتها منظمة نومها تنام 1الليل وتقوم الظهر
لكن ابوها عنده اجاازة والله يصلحه خرب نظامنا عالاختبارات صرنا نسهر ولا اعرف اذاكر الا بعد العشاء تروح عند جدتها
بس بجد الله يعين اختباراتي ورا بعض

[أم لينا]

الله يكون في عوننا جميعاً ويسهل علينا لأننا في جهاد

والله انه جهاد وكفاح عظيم انا مثلكم عندي بنوتة عمرها سنتين ونص وحامل في سبعة شهور

لا وكمان مو ساكنة في جدة يعني قمة التعب والهجولة صايرة زي البدو الرحالة كل فترة وانا شايلة اغراضي وطالعة جدة

اما اني احضر الدورة ولا اختبر

واحاول اختم من كل مادة كم فصل اخفف على نفسي بس طبعاً لمن بنتي تنام او تكون عند اهلي وبعض الأحيان تكون معايا بس تجيب لي القلق الله يصلحها

الله يعديها على خير وتصير مجرد ذكرى

[أم سما]

المشاركة الأصلية كتبت بواسطة صمت البووووح الله يعيننا جميعا على المذاكراة انا لسى ماذاكرت شي وعندي ثلاث بنات بالمدرسة و مولودة عمرها شهر ونص اشلون اذاكر

الله يكون في عونك حبيبتي ، وخلي بناتك يساعدونك،،
انا امس لصقت لبنتي على الجدار ورقة كبيرة اذا ساعدتني في اي حاجة (رتبت العابها-ما سوت ازعاج...) بعد الاختبار بوديها حديقة الحيوان << ازعجتني من زمان تبغى تروح...
اوعديهم بأي مكافأة يحبونها وتقدرين عليها...

وفي ايات السكينة اقرأي على بنتك تريحها وتنام..