والله خطط التخصص عندنا سلطة مخمجة ><

[miss-h.s]

السلام عليكم ورحمة الله وبركاته

أول شيء أرحب بـ سموي بينكمـ و اتحمد لكمـ بالسلامة بعد حرب الاختبارات

وفالكمـ التخصص إلي ماهو تخصص


دحين كلنا جالسين نفكر في التخصص و فين حنسكن ، وبهذي المناسبة المعقدة
عملت استطلاع على ( إدارة الخدمات الصحية و المستشفيات )
هو مسار في تخصص الإدارة العامة ،، المهمـ قلت يابنت شوفي المقرر وخذي فكرة عن طبيعة المواد
مسكينة على بالي حلاقي مواد تخصص ،، وربي لقيت المقرر معصوب ، هريس ، مهلبية أي شي معجون ،، مو معقول قد إيش حطين مواد مال أختها دخل للي يبغى خدمات صحية و مستشفيات !!

يعني استنزاف طاقات و هدر سنوات .. والله العبرة مو بالكمية الي ندرسها
العبرة بالمهارة ، التطبيق .. اتفقعت مرارتي من النظري و الحشو
سنين الله أصبر نفسي عشان أوصل للتخصص و افتكـ من زحمة المواد العامة
ويوم وصلت لقيتها صدمة

مرة وجع في زي كدا خطط

يادوب المستويات الاخيرة ركزت على التخصص ,, شيء يجيب الإحباط
من زمان هجرت المنتديات بس من القهر سويت حساب خصوصي
عشان اتحلطمـ و أشفي غليلي :"(

وهذي اللستة الكريهة
مبادئ محاسبة
مبادئ القانون
عربي
مبادئ الاقتصاد الجزئي
مبادئ الإدارة العامة
مبادئ العلوم السياسية

الفصل الـ 4

محاسبة حكومية
قانون إداري
الثقافة الإسلامية
أخلاقيات العمل
نظرية التنظيم
إدارة الخدمة المدنية

الفصل الـ 5

تنمية الموارد البشرية
سلوك تنظيمي
سياسة عامة وصناعة القرار
إدارة محلية
إدارة خدمات صحية
مقرر اختياري i

الفصل الـ 6

التخطيط الإستراتيجي
موازنة ومالية عامة
نظم معلومات إدارية
بحوث العمليات
إدارة التامين الصحي
الثقافة الإسلامية

الفصل الـ 7

اقتصاديات الصحة
إدارة المستشفيات
بحث وتدريب
الثقافة الإسلامية
مقرر اختياري
مقرر حر i

الفصل الـ 8

قراءات إدارية بالإنجليزية
التمويل الصحي
تقييم البرامج الحكومية
سياسات الرعاية الصحية