بالنسبة لاختبار الانجلش المجاني

[للدموع أسرار]

طيب انا مخلصه الإنجلش من زمان
ابغا اختبر
اقدر اجي ؟!

[Dr.Badr]

اختبرت دا الإختبار الأسبوع اللي فات ، د.عبدالرحيم كنسارة الله يعطيه العافية سوا معانا اجتماع ، بس قالو الشهادة غير معتمدة وحيكتبو انو اختبار تجريبي ، هوآ حيفيد للي يبو يختبرو ايلتس في المستقبل ، والإختبار جدا صعب والريدينق تفحيط ، والنتيجة ما ترسل الا اذا حليت الإختبار كامل ، وهوآ اونلاين وايش كمان :d

المهم اللي يبا اي اسئلة عنو يقلي

[قلم ملون]

طيب أنا عندي سؤال اللي خلص من قبل ويبغى يختبر يقدر ولا لا ؟؟ والنتيجة يعطوك في نفس الوقت ولا بعد فترة ؟؟

[Dr.Badr]

المشاركة الأصلية كتبت بواسطة قلم ملون طيب أنا عندي سؤال اللي خلص من قبل ويبغى يختبر يقدر ولا لا ؟؟ والنتيجة يعطوك في نفس الوقت ولا بعد فترة ؟؟

والله بالنسبة للبنات ما عندي خلفية بس الأولاد خلصت مواعيد اختباراتهم ، اتوقع لو تروحي لمركز اللغة الإنجليزية عندكم في الجامعة راح يفيدوكي ، والنتيجة يرسلها ليكي المعهد عالإيميل بعد ما تحلي كل الأسئلة ، وأغلب الأسئلة كتابة سواء في الليسيننق او الريدينق واكيد الرايتنق ،، واذا ما حليتي كل الأسئلة ما رح تترسل الإجابات للمعهد

[arjwann]

ادري ان احنا التاهيلي ==((الطبقه الكحيتي)) مهمشين ههه بس مو لذي الدرجه سلمنا اليوم عاادي ولا قالو عن ذا الاختبار شي

[Dr.Badr]

حأحاول اخش عالاونلاين وانزلكم جزيئة من الريدينق ،،

[اسيرة المشاعر]

المشاركة الأصلية كتبت بواسطة arjwann ادري ان احنا التاهيلي ==((الطبقه الكحيتي)) مهمشين ههه بس مو لذي الدرجه سلمنا اليوم عاادي ولا قالو عن ذا الاختبار شي

والله معاك حق خرجنا من الاختبار ولا أحد قال شيء عن هذا الاختبار
أصلا احنا التأهيلي مو معترفين فينا وجودنا زي عدموا

[‏cДяǎṀёŁǎ™●•]

حأحاول اخش عالاونلاين وانزلكم جزيئة من الريدينق ،،

يس يآآآآ ريت يآ Dr.Badr =)

[قلم ملون]

شكرا على الاجابة بس عندي سؤال دارية حطفشكم لكن الاسئلة اختياري ؟؟ولا مقالية دش؟؟

[بنوته شقية]

ما قالولنا