آآآآآآه شكلي حرسب في الفيزياء....إنطباعاتكم عن الاختبار

[Shy smile]

المشاركة الأصلية كتبت بواسطة ahmed_alolyan اتوقع درجة الرسوب من 60 بس ترى مافي شي صعب وادا حطيت في راسك شي تقدر تجيبه انا في اختبار الاحياء الأول ما كنت عارف انو الأسئله حتجي من الكتاب وجبت في الاختبار 9 من 30 بس بعد كدا شديت حيلي وسرت ادور على الدكاتره واذاكر الماده على طول وذاكرت اسئلة بنك الاسئله ورحت الاختبار التاني والحمد لله درجتي بإذن الله ماحتقل عن 25 بس اهم شي انك تقتنع انك تقدر تعدل درجتك بمجهودك وراح تعدلها وتنجح ان شاء الله والله يوفقك ويوفق جميع الطلاب

ما شا الله عليك



اهنيك على عزيمتك


يااارب تجيب 30 من 30 في الاختبار وتجيب الفل مارك في النهائي


والله يعينا السمستر الجااي على مسلسل الرعب

[ALI ALZAHRANI]

عزيزي

لا تحط في بالك النجاح فقط لأنك في النهاية راح تتعب وانت تحسب الدرجات اللي لازم تجيبها في النهائي علشان تعدي وممكن يجيك احباط وقد لا توفق في النهائي

الأفضل ان الواحد من البداية يكون داخل المادة وهو ناوي يحقق أعلى الدرجات وبالتالي لو تعثر في اختبار يكون عنده حافز كبير انه يبدع في الاختبارات الجاية عشان يعوض اللي فاته من الدرجات


للكل أصدق الأماني بالنجاح والتفوق

[hsport]

اية مذاكره يابو الشباب وانت يوم الثلاثاء متعشي في كنتاكي خخخخخخخخخخ

ويوم الربوع على مباراة العراق وعمان


الله يصلحك بس ياشقاح ذاكر وخلي عنك الكدب

[القمر جانا]

انا سمعت ها بس سمعت يعني مو اكيد انو حينزلوا درجة الرسوب ل40 صراحه ما اعتقد من بعد ما شفت الجدول وانا اتأكد انهم يبغون يرسبون اكبر عدد ممكن ..كل اللي نقولوا حسبنا الله ونعم الوكيل

[ROoOFaNA]

الله يعينك
ويوفقك ويوفق الجميع