السنة التحضيرية << طالبة ثانوي تسأل ممكن؟؟

[PuRpLe_BoXeR]

السنة التحضيرية سهلة وما شفت فيها اي شي صعب
لقيت وقت لكل شي لاني بزاكر كل يوم بيومو وكنت اخرج مع اصحابي وكمان اشتغل
وحمدلله ازا نضمتي وقتك كل شي يسير حلو
لدرجة انو كان عندي اختبار فاينل و انا قاعد العب بلاي ستيشن ٣
ومن ناحية المزاكرة ما عندي الا كتاب الكيميستري هوا اللي زاكرت منو
وباقي المواد الله يرضى على اشرف بركات دنيا و اخرة
وحمدلله معدلي من احلى ما يكون
اهم شي تنضيم الوقت مرة هيريحك كتير

[SoOoma~]

وعلييكم السلام والرحمه

بصرااحه ياا عسل انا كانت مشكلتي اني فالترم الاول كنت معتمدة عالكتااب فالمذااكررة
وفالترم الثاني لجأت للملخصات والحمدلله درجاتي احسن
فأنتي شوفي الملخصات الي اسلوبهاا يناسبك وذااكري منها.. لانو الفرق انو الملخصاات فيهاا امثله كثييرة ومحلوله ..
وحتلاقي الشرح بالعربي وعناوين الدروس مترجمه فمررا اسهل من الكتاب في المذاكرة
بس طبعا بعض الملخصات فيها اخطاء وحتشوفي دروس مهي معاكم فالمنهج ...
فانتي ذاكري من الاثنين " الكتاب والملخص" وبعد ما تخلصي مذاكرة حلي نماذج امتحانات حقت السنين الي فاتت ..
مع انو برضو حتلاقي اسئله فنموذج الامتحان اول مررا تمر عليكي .. والسبب انو هذا الدرس درسته الدفعه الي قبلك وانتو مو مقرر عليكم ..

امم كماان ما انساا السكااشن انا حضرت مرا وحدة فالاحصاء ومررا استفدت
ومررا في المااث ووبرضوو مررا استفدت وقت الامتحان
طبعاا السكاشن انتي مو ملزمه انك تحضريها ..الي تبغا تحضر هيا المستفيدة
والي ما تبغا بكيفهاا
دائما يكون وقت السكشن من 12 -1 الظهرر

ولا تقولي لساا بدري عاالاختباار الدووري ..
وذاكررري من بدايه السنه .. واي شي ما فهمتيه روحي لاستاذتك واسأليهاا ..

ومنن ناحيه انو الدراسه بالانجللش ..
هوا الاختبار حيكون بالانجلش .. بس الاستاذة لما تشرح كل كلامهاا بالعربي
ولا البناات محا يفهموو .. بس طبعاا المصطلحاات زي الكتله والتسارع ...الخ
حتقولهاا بالانجلش .. والقوانين الي تكتبها بالانجللشش ..

وبالنسبه للانجلش كماادة
لو مداكي تخشي معهد بالاجاازة لا تترددي
واذا دخلتي المستوى الاول كان بهاا
بس لو حطوكي بالمستوى الثاني او الثالث فانتي الي حتستفيدي
لانو حتخلصي الانجلش .. ويصير عند وقت اكثر انو تتفرغي للمواد الثانيه
لانو انو محاضرة الانجللشش 3 ساعات باليووم
انا عن نفسي بدأت من لفل 2 ونص الترم الثاني خلصت الانجللش
ومررا حسيت بالفررق ..

اخرر كلمه حقوولهاا ركزي مع استاذتك واذا ما فهمتي منهاا حولي عند استاذة ثانيه
الله يوفقك ويكتبلك الي فيه الخيرر لكي

[THE HILL]

اهلا ي عسل

مم شوفي انا حابه اقولك اول يوم لازم تتعبي تعب جسدي يعني هجوله والمبنى الفلاني هنا والعلاني هناك ومعاك الخريطه وحالتك حاله > شي طبيعي الكل مر فيه ...


ثاني حاجه نصييحه مني ارمي كلام الناس ورا ظهرك والله التحضيري سهله ما يبغالها الا طولة بال ..

اما التوتر مو بيدك لانك في سنه مصيريه تحدد مستقبلك وعلى قد ما تذاكري راح تحصدي


بالنسبه للدراسه بالانجلش بس ولا دكتورة تتكلم معاك انجلش

يعني كل الدكتورات ماث كيمياء .....الخ يتكلمو ف الشرح عربي بس المصطلحات يترجموها لك وانت حتتعودي ع هذا الحال




وبصراحه حكاية المعهد ادخلي لو بتستفيدي او بالاصح لو كانت لغتك "مييح " :) بس لاخذ العلم اذا تبغي تلغي الانجلش من مواد التحضيري لازم اختبار توفل تقدميه للمعهد ويعادلولك الانجلش


راح يسولكم المعهد اللي ف الجامعه اختبار لغة وع اساسو يقسمو الطالبات كل وحده ومستواها " اختبري الاختبار ترا مهم بالنسبه لك ولفل 1 اغلبه حروف وضمائر الكل يعرفها فنصيحه اختبري وشوفي مستواك " ...




اي استفسار احنا جاهزين وياااارب تنقبلي في الجامعه :)ْ ~



ملحوظه ~ """" سكشن = محاضرة حلول تمارين :) """

[+ rain]

السلام عليكم ورحمة الله وبركاته

السنة التحضيرية حلوة وسهلة لأنه معظهما نفس مواد الثانوي لكن بالإنجليزي

لكن الشرح والكلام مع الأستاذة يكون بالعربي

ولازم تذاكري المادة قبل الاختبار بفترة ماتكمسكيها أول مرة وقت الاختبار وإذا مافهمت شيء ممكن ترجعي للملخصات كمان ممكن تدربي على نماذج لإسئلة الاختبار

مممممم

كمان ابدئي استخيري من دحين على التخصص

وربي يوفقك ويختار لك الخير

[بنت الضحى]

بسم الله الرحمن الرحيم
وعليكم السلام ورحمة الله وبركاته
أولا أول يوم مو لازم تروحي الجامعة أنا رحت ولا سويت شيء عشان كذا غبت ثاني يوم لكن إذا تبغي نصيحتي لا تروحي أول يوم وروحي ثاني يوم بعد ما تطبعي جدولكـ من الأودس وخذي الخريطة معاك (مدري متى يوزعوها نسيت) ودوري على المباني والفصول حقكـ
ثانيا الانجليزي لازم تختبري تحديد مستوى لأنو حتى لو طلعتي المستوى 2 خير وبركة لأنو المستوى1 تدرسيه وفي الأخير ما ينحسب في المعدل والنسبة.. يعني وقت ضايع..
وترى نظام مادة الانجليزي إنو 4 مستويات طول السنة كل مستوى نصف ترم وكل ما طلعلك مستوى أعلى من الاختبار حق المستوى كل ما كان انك تخلصي المادة وترتاحي منها يعني أنا دخلت مستوى 2 وكنت آخر الترم الثاني ماعندي انجليزي وفي بعض صاحباتي دخلوا المستوى 3 على طول.. كل الترم الثاني ما كان عندهم انجليزي وارتاحوا لأنو ساعات الانجليزي من 3 إلى 4 ساعات يوميا
وممكن ما تدرسي المادة لو عادلتيها بتوفل أو أيلتس بس في ناس تقول لا، عشان كل ما زادت المواد ارتفع المعدل والله أعلم ،، ما أقدر أكد المعلومة ولا أنفيها
ثالثا بالنسبة للمواد الثانية ففي مادتين بالعربي اتصال وحاسب.. المذاكرة من الكتاب ولو تبغي تتطلعي على نماذج سابقة يكون أحسن
والمواد اللي بالانجليزي يكون الشرح عربي لكن المصطلحات و الاختبار انجليزي
رياضيات : أحسن شيء تذاكري الأمثلة والتمارين المقررة عليكم (حتقلكم أستاذتكم كيف تعرفوا التمارين المقررة)
فيزياء : إذا دكتورتك كويسة ذاكري الكلام اللي تقولوا + نماذج اختبارات سابقة وإذا تبغي ملخص أشرف بركات فيكون أحسن
إحصاء: الكتاب (الأمثلة + التمارين) +نماذج سابقة وإذا تبغي ملخص أشرف بركات فيكون أحسن
كيمياء:مدري لو أحد ثاني يقدر يفيدكـ أحسن لأني ما أعرف ملخصات كيمياء لكن في بعض صاحباتي كانوا عند دكتورات ممتازات ويقولولهم أدرسوا بس اللي نقولو + نماذج سابقة
أحياء: عبارة عن تست بانك يحتوي العديد من الأسئلة اختياري من متعدد ومومجود جوابها التست بانكـ المؤكد نأخذه من موقع د.سهيلة (دكتورتكم ح تقلكم )
لا تشيلي هم وبالتوفيق

[The love roots]

الصراحة السنة التحضيرية مو صعبة بس مو سهله ولاااااااااااااااااا تتهاوني ابدا فيها
احس الي يعاندها تعانده والي يسايسها تسايسه ههههههه
بس لا تشيلي هم اعتمدي على الملخصات والنماذج القديمة وذاكري اول بأول خصوصا الاحياء
ولا تتهاوني بالمواد البسيطه زي الاحياء والاتصال والحاسب لان كثير بنات اتهاونو فيها ونزلت درجاتهم مرة
والله يوفقك

[قدرات+90]

الله يوفقكم ويححققلكم الي في بالكم

[قدرات+90]

يعني انتو تذاكروو اللمخصاات لان ماتفهممو على الكتاب صح دا الشي الي توصلتلو منن كلامكم

[ƨɱƨɱ]

كلامكم مرره أفادني ..

مشكورين ..

ايش افضل الملخصات . ومن فين تجيبوا اسئلة السنوات الماضية..

موفقين :)

[THE HILL]

المشاركة الأصلية كتبت بواسطة قدرات+90 يعني انتو تذاكروو اللمخصاات لان ماتفهممو على الكتاب صح دا الشي الي توصلتلو منن كلامكم

لا لا اصحي تتهوري يختي

الكتاب ثم الكتاب ثم الكتاب وبعدين الملخص كزياده خير بس واحيانا كزياده شر " يلخبطك " يعني الاحصاء تعتمدي ع الكتاب والاحياء ع تست بانك "بعدين تعرفوه ^^" والكيمياء ع الكتاب والماث ع الكتاب والفيزياء ع الكتاب والحاسب وغيرو > والله كلها نذاكرها من الكتب



ومن قال ما نفهم الكتاب خخخ لا مع الوقت تقري الكتاب بنفسك وتفهمي وما راح تحتاجي تترجمي