محتااارة..نصيحتكم تهمني..؟.. ي اهل العلوم

[dr.imey]

المشاركة الأصلية كتبت بواسطة lelou شوفي يا عسل.. عشان نكون صريحين مع بعض.. على ما سمعت من بنت كانت في عزوز و حولت على البترجي انه الدراسة في البترجي اسهل بكثيييير.. لكن البترجي غير معتمدة خارج السعودية.. و انا اخويا يدرس في ابن سينا يقول همهم الأول و الأخير الفلوس ما همهم انهم بيطلعوا دكاترة بين يداتهم ارواح بشر.. شهادة عزوز اقوى و احسن و اخويا في ابن سينا مبهدلينهم بهدلة الله العالم بحالها.. فانت طالما انك في عزوز و انقبلت الحمد لله و عديت سنة و ما شاء الله معدلك عالي يعني باقي لك شوية بس على 4.50.. اناا انصحك روحي من دحين و حاولي معاهم يحولوك و زنّي عليهم و إذا ما رضيوا شوفي ايش هي الكليات اللي ممكن يحولوك عليها بمعدلك الحالي.. و لو ما مشي الحال ادخلي اي تخصص و خذي مواد عامة و حرة و متطلبات الجامعة و حاولي ترفعي معدلك و حولي بعد كده.. و اولا و اخيرًا استخيري و ربنا ما راح يقدم لك إلا اللي فيه الخير لك.. و سبحان الله الواحد ما يعرف فين رزقه و لا فين الخير لكن ربنا سبحانه و تعالى اعلم.. بالتوفيق يا عسل و آسفة على الإطالة~

البترجي مرررة مو حاطتها في بالي موعاجبتني لادرساتها ولاموقعها ولاصياعتها
ابن سينا صحباتي فيها يقولو مرة قود
شكلي حاكمل ف عزوز

بس توها جات فكرة تانية ف بالي احسن من ابن سينا

اقدم منحة على كلية الغد
وادرس تقنية مختبرات قريبة من التخصص اللي ف بالي
مع انو وظيفتي ف النهاية زي الكيميا الحيوي بس الفرق شهادة الغد توظفتي بسرعة لانها كلية صحية مو زي العلوم

والله يوففقنا ي ررب

[abo hagr]

..تدرسين تحضيري . وتتعبين وتجيبين هـ المعدل مـأشاء الله وتبين؟؟؟ تسحبين ع الجـأمعه.!
كمــلي . سنـةة في أإلـعلوم ) وارفعـى : معدلك فوق النـص ، وفـ ى نهـأإيه السنـه . ينزل طـلب تحويل ،في الاودس
للكـليات الصحـيه . وبعدين ، في نهـأإيـه كل سنـه فيـه طـألبات في العلوم الطـبيه يحولون لطـب وصيدله يعنـى
بيكون فـي امـأكن للمحولـين ع العلوم الطـبيه ، موفقـةةةةةةة .

[دافئ الإحساس]

المشاركة الأصلية كتبت بواسطة dr.imey كووووول بنات العلووووم يقولو لاتكملي اححسسن لك وكل بنااات التحضيري يقولو كممملي وحووولي اممم شوووكرن ي حلوييين سالية.. ممكن اعرف كم معدلك ف التحضيري؟ وليش ماقدرتي ترفعيه المواد صععبة؟؟ اممم والله ابا اسمع اراء ناااس مجرربة

اسمعي بس لاراء اللي لهم خلفية اكبر بالموضوع

اما اللي دوبهم غلقو تحضيري مع احترامي لهم طبعا

لسا ماعندهم اي فكره الا انو يبو يتخصصو وبس
.............

يا اختي شوفي الكليات الاهلية كلها الطبية

سمعتها اي كلام وهادا اولا

وغير كده تدريسها اي كلام

ولا يهتمو الدكاتره انو يخرجو جيل فاهم صح

فا نصيحتي لكي

انو بما انو نسبتك الف تبارك الرحمن عالية تكملي

ولا تنسحبي وهادا اكيد خير لكي

واي شي يسير للانسان خير لوو

فا انتي كملي وخدي فقط مواد عامة ومواد حرة

ومعدلك حيترفع زي الهوا صدقيني

لانك دوبك داخله الجامعه والمعدل زي ما يقولو انو رطب لساعو

تقدرر ترفعيي وبالراحه إن شاء الله

والتحويل ترا سهالا انتي بس شدي حيلك

والتحويل جدا سهل

بالتوفيق يارب

[هـمــhamsــس..]

المشاركة الأصلية كتبت بواسطة dr.imey السسلام عليكم انا طالبة تحضيري معدلي 4.17 ومعدلي الموزون 84 ونسبتي الخاصة 83 طبعا كان نفسي بتقنية مختبرات (علاج طبيعي ) لكن قدر الله وقبلووني علووم ومشكلتي مافي اي كلية اهلية فيها منح تدرس تخصص علاج طبيعي غير البترجي ف انا حاروح بوكرا العمادة واكلمهم بالذات انو اكيد في اعداد كبييييرة كان حلمها طب وقبلوهم تقنة مختبرات فاكيد محايضيعو سنة ويسحبو ملفهم ويروحو اي كلية اخرى لكن زي ماتشوفو انا نسبتي الخاصة تدخلي الكلية بس الاختلاف انو المفاضلة كانت بيني وبين دفعة شااااطرة اسم الله عليهم بس خايفة اذا رحت بوكرا العمادة يقولو لي انتي بعيدة عن اخر نسبة قبول وقفت ؟؟ الموهم حاليا لي خيارين فقططط 1- اكمل علوم وعلى راي العضوة (بيو كيميائية) اتخصص كيميا حيوي زي اختي وادرس مواد حرة وعامة وكم مدة تخصص عشان ارفع معدلي لفوق 4.5 واحول بعد سنة لتقنية المختبرات>>نفسي اعرف كم عدد البنات اللي يخلوهم يحولو تريبا في السنة ؟؟ 2- كفاية كل شوية اضيع سنة واحول على ابن سينا بمنحة الملك يعادلولي مواد التحضيري واتخلى عن حلمي وادرس طب بشري 7 سنوات او تمريض >>مع العلم انو الطب احسن لي شو رايكم ؟؟ ايش الافضل لي؟؟

معدلك ماشاء الله مرتفع فلو تاخذي مواد حره وعامه حيزيد هذا اذا مواد حره وعامه مو تخصص ويصير تحولي ع التخصص اللي تبغيه
وعلى حسب المواد اللي حتاخذيها الفكره مره كويسه لو ادري سويتها من اول بس الحمدلله :)
اما تاخذي منحه وكذا هل مضمون ان المنحه حتجيك ؟!!

[LeLou]

المشاركة الأصلية كتبت بواسطة دافئ الإحساس اسمعي بس لاراء اللي لهم خلفية اكبر بالموضوع اما اللي دوبهم غلقو تحضيري مع احترامي لهم طبعا لسا ماعندهم اي فكره الا انو يبو يتخصصو وبس ............. يا اختي شوفي الكليات الاهلية كلها الطبية سمعتها اي كلام وهادا اولا وغير كده تدريسها اي كلام ولا يهتمو الدكاتره انو يخرجو جيل فاهم صح فا نصيحتي لكي انو بما انو نسبتك الف تبارك الرحمن عالية تكملي ولا تنسحبي وهادا اكيد خير لكي واي شي يسير للانسان خير لوو فا انتي كملي وخدي فقط مواد عامة ومواد حرة ومعدلك حيترفع زي الهوا صدقيني لانك دوبك داخله الجامعه والمعدل زي ما يقولو انو رطب لساعو تقدرر ترفعيي وبالراحه إن شاء الله والتحويل ترا سهالا انتي بس شدي حيلك والتحويل جدا سهل بالتوفيق يارب

...+1