استفسار

[ياسر.]

المشاركة الأصلية كتبت بواسطة hadeel a لا لا مو كده المعدل برضو من خمسة بس هم قصدهم أن يرفع المعدل يعني أنك تجيب درجات عاليه في الانجلش فيرفعلك المعدل يعني لاقدر الله لو نقصت متلا في مادة درجات كتيرة يكون عندك الانجلش يعوض ده النقص فهمت عليه لو ما فهمت قلي اشرحلك هيا بطريقة تانية و ادا عندك أي سؤال لاتتردد أسألو

يعطيك الف عافيه فهمت شكلي بخليه ما بحذفه طيب مو يطلبون مثلا اذا تبغى تدخل العلوم الطبيه التطبيقيه لازم في مثلا اي ماده ما تنقص عن الدرجه المطلوبه يعني كل ماده لها درجه ما تنقص عنها اولا يشوفون المجموع في المواد كلها وكم الدرجات اللي طالبها التخصص؟؟ وكمان اخر سوال السنه التحضيريه ضغط ولا لا يعني كم ساعه باليوم تقريبا ؟؟؟ ادري اسئلتي كثير بس انا مو من المنطقه ماعندي الا هنا اسال

[hadeel a]

المشاركة الأصلية كتبت بواسطة ياسر. يعطيك الف عافيه فهمت شكلي بخليه ما بحذفه طيب مو يطلبون مثلا اذا تبغى تدخل العلوم الطبيه التطبيقيه لازم في مثلا اي ماده ما تنقص عن الدرجه المطلوبه يعني كل ماده لها درجه ما تنقص عنها اولا يشوفون المجموع في المواد كلها وكم الدرجات اللي طالبها التخصص؟؟ وكمان اخر سوال السنه التحضيريه ضغط ولا لا يعني كم ساعه باليوم تقريبا ؟؟؟ ادري اسئلتي كثير بس انا مو من المنطقه ماعندي الا هنا اسال

الله يعافيك ..ادا تبغا تدخل كلية العلوم التطبيقية لازم ما ينقص متوسط درجات المواد((فيزياء . كيمياء.رياضيات .و الانجلش بكل مستوياته)) عن 80 و طبعا هدا الشرط بس عشان تدخل المفاضلة على كلية العلوم التطبيقية و بعدين ياخدو أعلى نسبة للنسبة الموزونة و النسبة الموزونة يعني النسبة من 100 لكل المواد يعني زي النسبة حقت المدرسة و هدي السنة أخر نسبة أنقبلت 75.82 و بالنسبة للسنة التحضيرية ادا اخدت الانجلش حتبدأ دوام 8 و تخلص على 2 و نص و ترم تاني حتخلص على 2 و نص ماعدا يومين تخلص 11 ((انا كده كان جدولي امكن في ناس تختلف جداولهم بس تقريبا نفس عدد ساعات الدوام )) و بالنسبة للمداكرة مو مرره ضغط بس امكن أول اختبارات كده شويه تنضغط و بعدين يمشي الحال و أهم شي انك تداكر أول بأول أتمنى أكون أفدتك .. و عادي و لا يهمك أسأل زي ما تبغا بالعكس أنا انبسط لمن احس أن بأساعد غيري

[Qotaiba HBK]

إذا تبي تمريض عندك البترجي عندهم هـ القسم .. ~

وبالتوفيق ~

[دافئ الإحساس]

التمريض طبعا مهو موجود عندنا في الجامعة

وازا تبا قسم عملو في المستشفى

عندك مختبرات - علاج طبيعي - اشعة - صيدلة

ادارة مستشفيات ((كلية اقتصاد وادارة))

كيميا حيوية ((كلية العلوم))

بالنسبة للكيميا الحيوية وظيفتها مو مره اكيده

بس ازا اخدت فيها الماستر اكيد الوظيفة موجودة

وتخصصاتهم في الماستر جدا عديدة

بالتوفيق

[ياسر.]

المشاركة الأصلية كتبت بواسطة دافئ الإحساس التمريض طبعا مهو موجود عندنا في الجامعة وازا تبا قسم عملو في المستشفى عندك مختبرات - علاج طبيعي - اشعة - صيدلة ادارة مستشفيات ((كلية اقتصاد وادارة)) كيميا حيوية ((كلية العلوم)) بالنسبة للكيميا الحيوية وظيفتها مو مره اكيده بس ازا اخدت فيها الماستر اكيد الوظيفة موجودة وتخصصاتهم في الماستر جدا عديدة بالتوفيق

يعطيك الف عافيه
طيب مختبرات وش يدرسون وكمان علاج طبيعي وش يدرسون وكيف مستقبلها الوظيفي ؟؟

[دافئ الإحساس]

المشاركة الأصلية كتبت بواسطة ياسر. يعطيك الف عافيه طيب مختبرات وش يدرسون وكمان علاج طبيعي وش يدرسون وكيف مستقبلها الوظيفي ؟؟

بالنسبة للمختبرات تقدر تعرف من هنا

http://mlt.kau.edu.sa/Pages-%d8%a7%d...%a7%d8%aa.aspx

وبالنسبة للعلاج الطبيعي من هنا

http://pt.kau.edu.sa/Pages-%d8%ae%d8...%b9%d9%8a.aspx

واللي يتخرج منها

مو دكتور يسمى

حيكون اخصائي

ومستقبلها اكيد حلو وممتاز جدا

بالتوفيق