ممكن استشارة بخصوص الزواج ضروري

[ابودجانة]

السلام عليكم
اولاً الخبر حلو من الناحية النفسية بعدين البنت تقول عمرها ثلاثين عيني كبيرة في العمر وباقي على خط الاعود قليل بعدين الرجل موكبير في السن يعني مناسب ويمكن الزاوج مناسب بس البنات الي مخوفين البنت من الزواج يشفوا العمر 30 كبير للبنت

[وفاء جدة]

من رأيي انه أهلها شايفين انه مناسب لها ومستحيل يغصبوها على رجال مو طيب
وأهلها أدرى بمصلحتها واللي يناسبها ..
وبعدين خلاص الموضوع تم ومافيه رجعة المفروض انها تهيئ نفسها
وماتكسر كلمة أهلها .. والله يكتب لها اللي فيه الخير

[asoma312]

من شروط الزواج // موافقة كل من الطرفين عليه
ودام البنت رافضة مو من حقهم يغصبوها
لكن تستخير وتفكر مرا تانية

[للحلم عمر]

حبيبتي بما انه الملكه قربت تسلم امرها الى الله وتوافق بس بشروط
وطبعا اهم شرط انه يكون لها بيت خاص فيه ولاتوقع على العقد الا اذا كتبو الشرط
هذا راي وربي يوفقه ويسهل اموره

[amori]

اولا احب اذكر الاخت بالسيدة عائشة ام المؤمنين اللي ماضرها كبر عمر نبينا محمد صلى الله عليه وسلم وزواجه بلعكس كانت الاسعد به والاسعد بها
وبقول للاخ اللي نظرلها من ناحية العمر ياخي السعادة عمرها ماكانت حصر بعمر معين ومعروف ان النضج يبدأ من هذا السن الذهبي ومن حقها الف مرة انه تفكر تفكر بسعادتها وتحسب النتائج لانها الان هي بسن لازم تعيشة صح مو لسع راح تجرب ياتصيب ياتخيب الثلاثينية تحب الاستقرار والنتائج المدروسة مو مع الخيل ياشقراء وزي ماتيجي تيجي كمان السيدة خديجه ام المؤمنين رضي الله عنها لما تزوجت من النبي محمد عليه الصلاة والسلام كانت كبيرة بل اكبر من صاحبة المشكلة محل المناقشة وماوقف سنها ضد سعادتها او انجابها
انا برأيي الاختيار الصح هو اللي عليه الرك والاستشارة ثم الاستخارة وقبل لاتستخير تسأل اهلها شو عاجبكم فيه يمكن شايفين شي هي من خوفها من نظره المجتمع معمية عنه,, واذا كان ربنا كاتبلها بنصيبها رجل متزوج والله لو اجتمعنا وحرمنا ماراح تاخذ الا اللي ربنا كاتبه لها رضينا ام ابينا ثم انا ابغى الفت نظرها لنقطة الرجل ذا كبير كفاية لحتى يعرف هو متوجه ورايح فين واكيد ماتقدملها الا لانه سمع او التمس عندها شي مختلف ولا الدنيا مليانة بنات اصغر واكبر وبذات العمر ويالله ياستي نبغى نفرح بيك =)

[بنت المملكة]

له له يَ بنآت خوفتوهآ بِ زيآده ..

آولآ تستخير والخيره فيما اختاره الله عزوجل ..
المفروض خلاص ,, تتقبل الامر وتهيء نفسسها ..
مَ تدري وين الخير ..
<وَعَسَى أَنْ تَكْرَهُوا شَيْئًا وَهُوَ خَيْرٌ لَكُمْ> ..
وبعدين حتى ولو كانت الثانيه ماراح يضرها ..
فيه كثير من الزوجات مبسوطات مع ازواجهم .. وهو متزوج كذآ حرمه موبسس هيا .. <<يعني فيه صوره ايجابيه ع دآ الموضوع مو بسس سلبيات ..
يعني يَ بنات لا تعقدونها وهيا بسيطة ..

وفي النهايه
الزوراج قسسمه ونصيب ..
والله يكتب لها الخير ..
دعواتي لها ..

[ستايل]

المشاركة الأصلية كتبت بواسطة m!ss.7lawa أهليييييين فيكـ يآحلوة ..~ طيب الرجآل دآ أخلآقو كيف ؟؟؟؟ إذآ عمرو منآسب ووظيفتو منآسبة وأخلآقو مدري كيف البنت أتوقع بتتورط في دآ الشي وبدل مآتكون فرحة عمرهآ بتنقلب شي تآني .. رأيي شخصيًا أهلي وللهـ الحمد مآيزوجون وآحد متزوج مآشآء اللهـ تبآركـ اللهـ وأنآ عن نفسي أبدًا مآرح أرضى ..~ ثآنيًا هيا دآم أهلهآ غصبوهآ مآلهآ إلآ إنهآ تدعي ربنآ إذآهيآ مي مرتآحة لو وشآيفة الرجآل مو كويس وإن شآء اللهـ بتنفرج عليهآ ..~ أمآ إذآ كويس أخلآقيًا مش مآديًا تتوكل على اللهـ وتوافق وإن شآء اللهـ ربنآ يوفقهآ ..~ تقبلي مروري يآحلوة ..~

هيه البنت سلمت امرها لله وراح تشوف إلي ربنا كاتبه ليها

[ستايل]

المشاركة الأصلية كتبت بواسطة n3omh ياحلوة ادا استخارت وماارتاحت تقولهم استخرت وماارتحت ابدا وبكدا اهلها ماراح يغصبوها لانو لو مارتاحت معناتو الزواج فاشل من البداية :)

بصراحه البنت مارتاحت لمن استخارت ولكن اهلها بيقول الإستخارة مش بعدم الإرتياح الإستخارة لمن بيصرفه شئ عنها وميرسي ع الرد

[ستايل]

المشاركة الأصلية كتبت بواسطة مرمورة أنا ضد إن الوحدة تتزوج واحد متزوج وكمان عنده أولاد زي مافرط في ام عياله أكيد ماراح يهتم في الثانية إلا في بداية الزواج وفيه قصص كثيرة تأكد كلامي وأنا من رأيي تحاول تقنع أهلها بأي وسيلة أو تكلم احد من أعمامها أو خيلانها أو أحد كبير في العائلة يتدخل في الموضوع تر حتى لو كان الرجال كويس بس هي ماتبغاه ومغصوبة عليه أكيد مهما حاول يرضيها ماراح تقتنع لأنها في الأخير مغصوبة

أول حاجه الرجال مافرط في أم عياله بالعكس حتفضل على ذمته
والبنت دي تقريبا نفس مبدأك رافضه يكون الإنسا إلي حتترتبط بيه متزوج على إنه أهلها بيشوفو مناسب من ناحية العمر ومركزه كمان وكمانه على قولة أهلها ماراح يجيها أفضل من كدا وألف شكر ع الرد

[ستايل]

المشاركة الأصلية كتبت بواسطة دلوعه غير هوا صعب جدا الوحدة تتزوج واحد عندو عيال بس يمكن يكون دا انسان طيب ويسعدها أهم شي انو البنت تستخير وتفوض أمرها لربنا أكيد اللي حيسير هوا الخير،، أو اذا تقدر وقت ما يسألها الشيخ تقول انها مو موافقه << مع اني احسها صعبة شويا.. الله يليّن قلب أهلها عليها ويكتبلها ربنا الخير فين ماكان

ميرسي ع الرد البنت ماسيبت أحد ماقالتلو واستخارت ودعيت لكن شكلو دا نصيبها لأنو مانصرف واتحددت الملكه بعد بكرا ادعولها معاكم