ما رأيك في دراسة الطب باللغة العربية ؟؟

[Dr.Passed]

نقطه احب اقول رأيي فيها: ليش نبدأ بالتعريب؟....الدكاتره بيروحو مؤتمرات عالميه ( يحتاجو يكون عندهم لغه قويه للتعامل مع الأطباء كلها جميع انحاء العالم) لو بدأنا بالتعريب..حتسير مشكله..

ايش حتسوو في المؤتمرات؟ تجيبو معاكم مترجم يتكلم عنكم؟
ايش حتسوو لمن يجيكم مريض مايتكلم عربي؟...ويبغى يفهم منك حالتو؟


كلنا عرب ونحب لغتنا ونعزها لكن العلم على حسب نوعو تحكمو قوانينو ولا ياجماعه؟

مجرد رأيي =)

[* رولا *]

بالعربية بدون أي تردد :)

[Dr.Passed]

المشاركة الأصلية كتبت بواسطة frfosha وعليكم السلام ورحمة الله و بركاته

المشاركة الأصلية كتبت بواسطة frfosha انا عندي وجهه نظر اولا دراسة الطب بالعربي مو بس صعبه جددددددا صعبه .. احنا دحين لمن نترجم اسماء الامراض بالعربي نشوف العجب العجاب بس كمان دراستنا كلها بالانجليزي مو كويسة لانها تسوي فجوة بين الدكتور و المريض و يصير صعب على الدكتور يشرح لمريضه حالته انا و صحباتي مرا فكرنا انو ياليت بعد مانتخرج يعطونا كورس عربي .. مو العربي اللي ناخذة في الجامعة حق القصة و الرواية و المبتدا و الخبر .. لا كيف نترجم اهم شيء يفيد المريض و يسهل تعاملنا معاه .. و بس كل عام و انتم بخير

صدقيني بعد ماتدرسي الطب...ماحتشوفي صعوبه بعد كده في دا الموضوع بالزات
بعض المرضى ( على حسب طبقاتهم) مو الكل حتوصليلو بالزبط ايش المشكله...ولا كلي شي يتوضح وينقال...انتي محتديهم درس احياء ولا محاضره

احنا اوريدي دارسين احياء ونعرف اسامي الأشياء بالعربي..ايش الي ممكن من الأشياء الي محتعرفيها؟ الأمراض؟

" يافلان عندك المرض " الفلاني" واشرحيلو الأعراض و العلاج"..الأعراض حتعرفيها بالعربي ازا عرفتي معناها بالإنجليزي وحتعرفي توصليها للمريض =)

انتي محادرسيه الحاله

[FrfoSha]

المشاركة الأصلية كتبت بواسطة dr.passed صدقيني بعد ماتدرسي الطب...ماحتشوفي صعوبه بعد كده في دا الموضوع بالزات بعض المرضى ( على حسب طبقاتهم) مو الكل حتوصليلو بالزبط ايش المشكله...ولا كلي شي يتوضح وينقال...انتي محتديهم درس احياء ولا محاضره احنا اوريدي دارسين احياء ونعرف اسامي الأشياء بالعربي..ايش الي ممكن من الأشياء الي محتعرفيها؟ الأمراض؟ " يافلان عندك المرض " الفلاني" واشرحيلو الأعراض و العلاج"..الأعراض حتعرفيها بالعربي ازا عرفتي معناها بالإنجليزي وحتعرفي توصليها للمريض =) انتي محادرسيه الحاله

حبيبتي انا ما اتكلم من فرآغ .. اتكلم من تجربة ..

في الكورس اللي سويناه من جد بدون مبالغه كنا بالقوة نجيب اسماء الاشياء بالعربي .. هذا و احنا مالنا سنة بندرس بس !

كيف بعد مانخلص البكالوريوس و التخصص و الخ الخ

عز الله حيروح العربي فيها

و انا من الناس اللي ارفض انو يتخبى اي شيء ع المريض من حقو يعرف كل شيء و بابسط لغه ممكن توصل له .. و صدقيني في دكاتره دحين كثير بيعانوا من النقطة دي ..

انا مع و ضد ان الدرآسة تفضل بالانجليزي .. لانها اكيد اسهل من العربي ,, و بنفس الوقت تعاملنا راح يختلف مع الناس ..

مجرد وجهه نظر :)

[Dr.Passed]

المشاركة الأصلية كتبت بواسطة frfosha حبيبتي انا ما اتكلم من فرآغ .. اتكلم من تجربة .. في الكورس اللي سويناه من جد بدون مبالغه كنا بالقوة نجيب اسماء الاشياء بالعربي .. هذا و احنا مالنا سنة بندرس بس ! كيف بعد مانخلص البكالوريوس و التخصص و الخ الخ عز الله حيروح العربي فيها و انا من الناس اللي ارفض انو يتخبى اي شيء ع المريض من حقو يعرف كل شيء و بابسط لغه ممكن توصل له .. و صدقيني في دكاتره دحين كثير بيعانوا من النقطة دي .. انا مع و ضد ان الدرآسة تفضل بالانجليزي .. لانها اكيد اسهل من العربي ,, و بنفس الوقت تعاملنا راح يختلف مع الناس .. مجرد وجهه نظر :)

صحيح كلامك مانخبي عن المرضى بس كمان حنصادف مرضى مهما تشرحيلها محاتوصلها..
لمن تجيكي ست كبيره ولهجتها صعبه..يعني احس كل مريض حتفهمي بس فقط بالطريقه الي تقدري توصليلو هيا...وتفهمي كيف حيكون علاجو ( عكس بعض المرضى حتقدري تاخدي وتدي معاهم اكتر من كده ..

انا اشتغلت حوالي 3 اسابيع في المستشفى في غرفه الولاده كان عندي زي كورس للقابلات ودخلت
اقلك شفت العجب!!! كان في وحده يمنيه ...تبكي وتتكلم وتزعق فيا وانا مني فاهمه كلمه وحده بتقولها..مني عارفه اتكلم معاها....صعب!! جدا!! كل ما اتكلك كلمه وحده اخدلي عشره منها مني عارفه هيا بتسبني ولا بتتكلم عادي ولا ايش بتقول بالزبط

...وحده تانيه فلبينيه الإنجليزي حقها سيئ ومكسر مني قادره افهم جمله وحده استوعب ايش بتقول

..التانيه...لهجتها ما اعرف ايش هيا بالزبط مره من اللهجات التقيله و القديمه دي مره مني فاهمه كل ما اتكلم معاها تقولي "وش تخربطين.." وتقعد تزعق فيا !!!! يعني حتقابلي ناس محاتعرفي تتفاهمي معاها سواءا عربي...انجليزي...فرنسي إن شاء الله...احس الوصول لتفاهم مع المرضى كلها تكون على حسب عقليه الي قدامك..

محنجي نجلط واحد كبيييييييييييير في السن ونفجعو على نفسو ونخسرو..يعني في طريقه حنتعلم كيف نوصل للمريض الي قدامنا ( احس مره مره خرجنا عن الموضوع)

الي ابغى اوصلو ( الإنجليزي وزي ماقلتي ليلو اهميه كبيره)...الكل يعرف عربي ومولود يتكلم عربي ..اي شي تبغي توصلي يمديكي توصلي..

اني في النهايه بتتعاملي مع عقليه الي قدامك...وحتتكلمي بمستوى الشخص عشان توصلي الرساله الي تبغي توصليها..

وبعدين سبب تاني ليش الإنجليزي مره مهم انو الدراسه تكون بي...انو تقريبا كل المراجع المهمه بالإنجليزي..

[falih]

صراحة اشكرك يا ريال على هذه الموضوع والطرح الجميل اللي الكل ان شالله يستفيد ويعطي رأيه

لكن نحن نلاحظ ان الانجليز والامريكيين وغيرهم ممن يتحدث اللغة الانجليزية احدثوا نقلة نوعية في عالم الطب والعلوم الاخرى فحق لهم ان يسطروا انجازهم بلغتهم بغض النظر عن اللغات الاخرى
صحيح ان الكثير من الجامعات تدرس طلابها بلغتهم .. لكن تضطر الجامعة ان تضيف سنة دراسية او ترم لكي تعطيهم كل ما درسوه باللغة الانجليزية او ان يقوم الطالب بنفسه باخذ دورة مصطلحات او ما شابه ذلك مثل ما فعل الدكتور عمر الوزان
فنحن من الافضل ان نقوم باختصار الموضع ودراسة الطب باللغة الانجليزية .. واذا اردنا ان ندرس الطب بلغتنا فيجب علينا ان نقوم مثل ما فعل الاخرون بان ننجز في هذا المجال وبعدها نكتب انجازاتنا بلغتنا
الكثير منكم سوف اننا قد انجزنا وفعلنا وعملنا مثل ابن حيان والفارابي وابن سينا وغيرهم ..
لكن نحن جعلنا بيننا وبينهم فجوة عميقة بحيث لم نكمل ما انجزوه وبالتالي جاء من يكمل انجازاتهم بلغته

[زمردة 2009]

والله إن لفي تدريسه بالعربية لخيراً كثيرا ..!

[Dr.O]

المشاركة الأصلية كتبت بواسطة dr.passed نقطه احب اقول رأيي فيها: ليش نبدأ بالتعريب؟....الدكاتره بيروحو مؤتمرات عالميه ( يحتاجو يكون عندهم لغه قويه للتعامل مع الأطباء كلها جميع انحاء العالم) لو بدأنا بالتعريب..حتسير مشكله.. ايش حتسوو في المؤتمرات؟ تجيبو معاكم مترجم يتكلم عنكم؟ ايش حتسوو لمن يجيكم مريض مايتكلم عربي؟...ويبغى يفهم منك حالتو؟ كلنا عرب ونحب لغتنا ونعزها لكن العلم على حسب نوعو تحكمو قوانينو ولا ياجماعه؟ مجرد رأيي =)

معليش لكن ليش ما نبدآ بنقل العلوم الطبية وغيرها لنا هي صحيح راح تاخذ فتره طويله لكن اذا كان عندنا عزم اننا نكون الافضل في العالم نقدر اننا ننقلها ونطورها وتصبح العربية هي الام والاساس وراح يتبعها اشياء كثيره من نشر للدين و عزه للعرب بعد ذل ووو ..
وبالنسبة انه يجي مريض ليس عربي اتوقع انه هالامر ناااادر ... بالمقابل هل تتوقعين اذا رحتي امريكا وما كنتي تعرفين انجليزي كويس هل في احد يفهم عليكي ؟ اكيد لا ... نفس الشئ لازم نرجع العربية لما كانت عليه
صراحه موضوع طوووووووويل ويبغاله شغل

[falih]

اشكرك ياريال على هذا الموضوع الاكثر من رائع وانت دائما تتحفنا بكل جميل
نأتي للموضوع
نلاحظ ان الانجليز او كل من يتحدث اللغة الانجليزية انهم احدثوا نقلة نوعية في عالم الطب والعلوم الاخرى فحق لهم تسطير انجازاتهم بلغتهم
صحيح ان كثير من جامعات العالم تدرس طلابها بلغتهم لكن تضطر الجامعة ان تضيف سنة دراسية او ترم للدراسة باللغة الانجليزية او يضطر الطالب بنفسه ان يدرسها مثل الدكتور عمر الوزان
فجامعاتنا تختصر الموضوع الطويل هذا وتدرسنا الطب بالانجليزية ..
لكن اذا اردنا ان نجعل الباقين يدرسون الطب بلغتنا فيجب علينا اولا ان نقوم باحداث انجازات كبيرة ثم نقوم بتدوينها باللغة العربية
معظمكم سوف يقول ان السلف السابق قد انجزوا وفعلوا وعملوا مثل جابر بن حيان او ابن سينا وغيرهم ..
لكن نحن جعلنا بيننا وبينهم فجوة كبيرة بحيث اننا لم نكمل ما انجزوه وبالتالي جاء من يملأ هذه الفجوة ويكمل ما بدأوه ويكتبه بلغته

وشكرا

[Dr.O]

المشاركة الأصلية كتبت بواسطة falih صراحة اشكرك يا ريال على هذه الموضوع والطرح الجميل اللي الكل ان شالله يستفيد ويعطي رأيه لكن نحن نلاحظ ان الانجليز والامريكيين وغيرهم ممن يتحدث اللغة الانجليزية احدثوا نقلة نوعية في عالم الطب والعلوم الاخرى فحق لهم ان يسطروا انجازهم بلغتهم بغض النظر عن اللغات الاخرى صحيح ان الكثير من الجامعات تدرس طلابها بلغتهم .. لكن تضطر الجامعة ان تضيف سنة دراسية او ترم لكي تعطيهم كل ما درسوه باللغة الانجليزية او ان يقوم الطالب بنفسه باخذ دورة مصطلحات او ما شابه ذلك مثل ما فعل الدكتور عمر الوزان فنحن من الافضل ان نقوم باختصار الموضع ودراسة الطب باللغة الانجليزية .. واذا اردنا ان ندرس الطب بلغتنا فيجب علينا ان نقوم مثل ما فعل الاخرون بان ننجز في هذا المجال وبعدها نكتب انجازاتنا بلغتنا الكثير منكم سوف اننا قد انجزنا وفعلنا وعملنا مثل ابن حيان والفارابي وابن سينا وغيرهم .. لكن نحن جعلنا بيننا وبينهم فجوة عميقة بحيث لم نكمل ما انجزوه وبالتالي جاء من يكمل انجازاتهم بلغته

يعني هالحين اساس الطب كان عربي من عهد الرسول ... وهم ما قصروا وترجموها لـ لغاتهم وما اتوقع انهم درسوها بالعربي ولا شئ .. بالمقابل هذا علم وليس حصر على احد !!