في أول يوم من رمضان..تم سحب نصف الرصيد من قبل الجامعة..!

[ǁ غــلأآإ ، رٍوٍحــي ǁ]

^^

ايش السبب من القآنون ،، والله اسسال عنه اداره المكافاه مدري عنهم ..
بس هذا الكلأآم اللي قريته في كتيب خاص بالجآمعه .. كآتبين الكلآم بالنص ..
للسسذآآجه عنوآآن ..

[ŻŌŻξ]

معرووف
ان المكأفئة اذا ظلت 3 شهوور تنسحب ..

||..

معووض خيرر ان شاء الله

..||

[وعد عبدالله]

O.o

بصراحة لا تعليق من جد

أش ذا القانون .. ××

[أرووش]

معروف القانون ومكتوب في القوانين لما سلمونا البطايق

الله يعوضك لا تحاول تطلبهم يرجعوها عارف ليش

لأنو حتى لو كان الغلط منهم ما حيرجعولك شي

مثلا مره انا وصاحبتي طلبنا قرض 1000 ريال

ولما سلمونا القرض قالو انهم حينقصو من المكافأه 250 ريال لمده 4 شهور يعني حتنزلي 4 مكافأت ناقصه

وأخذنا القرض وبدأو ينقصو في المكافأه

انا نزلتلي 4 مكافأت ناقصه

بس صاحبتي نزلولها المكافأه الخامسه برضو ناقصه

لما راحت الشؤوون قالولها مستحيل يسير كدا جيبيلنا كشف حساب من البنك واحنا نرجعلك الفلوس

لما راحت البنك لقيتهم كاتبينلها في الشهر الخامس انو نزلت المكافأه كامله وانها بتسحب كل يومين 100

ودا طبعا كذب

انا وهيا متأكدين انها نزلتلها ناقصه يعني 640 مو 890

وكمان سحبتها كلها مره وحده مش كل يومين 100

الجامعه مع البنك فيهم أحد نصاب الله يعلم مين

مشكلتك مكتوبه في قوانين الجامعه فإنسى يرجعولك الفلوس

كمان في حاجه

أنا فتحتلي حساب تاني في سامبا غير حق المكافأه

عشان لما تنزل المكافأه أحولها على الحساب التاني من دون ما أسحبها وأعملها ايداع

وسرت لما احولها القاهم ياخدو 30 ريال

اكتر من مره سارتلي الهرجه دي

حتى لما احد يحولي فلوس من اي بنك تاني ولا من اي حساب تاني في سامبا ياخدو 30 برضو

لما سألت البنك قالو لا ما نسحب 30 ولا حاجه

ايش معناتو دا

الهرجه فيها نصب وبقووه كمان

ما اقول الا الله يعوضك انتا وكتير غيرك

[Dr.Shaikhah]

الله يعووضك

وهذا انت عرفت القانون الساذج ’ حآول تفتح لك حساب ثاني زي ماقالو لك الأخوان والأخوات

[يلدرم]

هذا القانون مطبق من زمان في الجامعة

ورصيد المكافأة ليس حساب ادخار حتى تقوم بالتجميع فيه فالبنك يريد منك فتح حساب عنده حتى تنقل الفلوس ويكسب عميل له حساب

[_Sora]

والله انا اول مره اسمع عن الشي دا

الله يعوضك بأكتر من اللي ضاع عليك يا اخويا

و بعدين ليش ما ادونا الخبر من البداية لمن اخدنا بطاقات الجامعة؟!

يبغو تعبنا يروح يعني

[أعرف الكفت]

السلام عليكم ورحمة الله..

أتمنى تكونوا بأتم الصحة والعافية..

بـ صراحة يا اخوان أنا يضايقني اللي يردد القوانين وما يدري وش الحكمة من القوانين هذي.. يعرف القانون لمجرد اتباعه.. وما يدري ليش القانون هذا وجد.. يعني حتى لو انه الحكمة من القانون هذا هو أكل الناس بالباطل..ما يهمه يعرف..أهم شي إنه يتأكد إنه حافظ القانون ويعرفه..ويجيك بعدين ويتظاهر بـإنه "عارف الكفت" ويقلك هذة قديمة..وهذي معروفة..وانت المفروض تعرف الشي هذا من زمان.. وهلم جر..

كنت أتمنى من الأشخاص اللي قالوا بإنه القانون هذا قديم وانهم يعرفونه من أول يوم بالجامعة..يقولوا انه السبب من القانون هذا قديم وكلنا عارفينه..بدلاً من التباهي بـ معرفة قانون ساذج كهذا مع جهل الحكمة منه..

أشكر الأخت أرووش على تعقيبها.. وأنصحك والله وصديقتك بعدم السكوت عن هذه السرقات..

وأشكر الأخت _Sora اللي اثبتت بردها انه فيه ناس غيري كثير ما كانوا ملمين بهذا القانون.. وانهم لاول مرة يسمعوا بالقانون هذا..

أخيراً خليني اختم بآية من كتاب الله الكريم..يقول الله سبحانه وتعالى: ((مَثَلُ الَّذِينَ حُمِّلُوا التَّوْرَاةَ ثُمَّ لَمْ يَحْمِلُوهَا كَمَثَلِ الْحِمَارِ يَحْمِلُ أَسْفَارًا))

شكراً وفي امان الله..

[طارق الحارثي]

اخوي صاحب الموضوع اذا مرة محتاج المبلغ الي اتسحب منك

رااسلني ع الخاص ...,

<<< ترى انا مجرد طاااالب .. لاتحسبوني من العمادة

[أعرف الكفت]

اخوي اخر واحد رد..

يقولك المثل الانجليزي الشهير.. "Think outside the box"..

اذا محتاج اشرحلك ووش معنى المثل هذا وليش استخدمته ... راسلني عالخاص..

شكراً وفي أمان الله...