ماهو رأيكم في العمل بمدرسة أهلية وانتظار قبول الدبلوم التربوي!

[نانا99]

بنات لاتعممو على كل المدارس انها تبغى خبره او تربوي
لأن اشوف بنات يروحو لمدرسه او مدرستين ولما يقولولهم نبغى خبره او تربوي خللااااااااص تتحطم وتقول كل المدارس كذا


المهم اعرف وحده من خريجات السنه هذي معدلها نازل شوي وراحت لمدرسه اهليه الاسبوع الي فات واعطت درس قدامهم وقالوا خلاص نتصل بعد العيد عليك
وهي مو تربوي ماشاءالله

وبعدين فيه بعض المدارس الاهليه حاطه إيميل حتى ترسلي السيره الذاتيه عليهم
فأنتم مو خسرانين شي سوي سيره ذاتيه وكل ماشفتي اعلان عن وظائف شاغره في مدرسه ارسليها لهم
ومن جهه ثانيه انتم روحوا للمدارس وودوها ملفاتكم
وموفقيييييين

[نوال العمودي]

المشاركة الأصلية كتبت بواسطة مطخطخة يسلموووووووو كل من رد على موضووووووووووعي ماعليك من الراااتب اهم شي ما نجلس في البيت عاطلات على الاقل تحسي بقيمتك انك جالسة تسوووووي شي مو نوووم وسهر ونت

والله كلام معقول وصحيح
الراتب القليل افضل من النوم وجلسة النت وتضيع الأيام على ولا حااااجة
اتمنا للك التوفيق في المكان الا فيه الخيرلك يارب

[ماشييين على البركه]

المشاركة الأصلية كتبت بواسطة مسرعه بشويش الله يسعدك انا كمان قولي لي

ابشري والله
أول مايرسلوا لي حرسلك ..
مؤفقه ياااب

[قرار اخر]

المشاركة الأصلية كتبت بواسطة .fufu من جد صادقة مو مهم الراتب على الاقل تاخذي شهادة خبرة انا اعرف بنات درسوا في مدارس اهلية بس عشان الخبرة وحده منهم جلست سنتين تدرس في اهلية وربي ماضيع تعبها قدمت على جدارة وسجلت خبراتها انها لمدة سنتين وعلى طول جتها وظيفتها السنة الجاية مشاءالله موظفه رسمي وفي مدرسة حكوميه.....

ماشاء الله تبارك الله ..
بسسسسس هالبنت عندهم الدبلوم التربوي ؟!

[جوانو.]

أنا ششششششششخصيا قدمت على مدرسة أهلية لشهر اللي فات وأعطيت درس قدامهم وقالولي نتصل عليكي

صحيح الوحدة لازم تطور من نفسها وتاخذ قد ماتقدر خبرات ودورات لانه جلسة البيت ماتنفع

أنا أتزوجت بعد البكالوريوس وبعد ماأتزوجت أخذت دورات في الحاسب وخلاص قعدت في البيت وماحاولت أدور على

وظيفة وأستفيد من شهاداتي ودحين لما كبروا شوي أولادي ودخلوا المدرسة صرت أطفش وحابة أضيف شي لنفسي

يعني زي مايقول المثل راحت السكرة وجات الفكرة ..بعد كم سنة دوبني أفكر أبغى أكمل واخذ الدبلوم يالله ان شاء الله لسه

في وقت ....ياأخواتي أنا أقولكم تجربتي عشان تلحقوا نفسكم ولاتجلسوا في البيت للسهر والنت أشتغلوا حتى لو الرواتب

ضعيفة مو مشكلة بس في المقابل تطوروا من أنفسكم وتاخذوا خبرات .لاتسووووا زييييييي وتجلسوا في البيت وتريحوا

صدقوني بعدين تتكسلوا ...آسفة ع الاطالة ....الله يوفقكم وينولكم كل اللي تتمنوه يارب....

[هديل جداوي]

صادقه ياجوانو
انا اتخرجت من البكالوريا الترم اللي فات وانا متزوجة من قبل الثانوي هههههه
ودحين طفشاااااااااااانه مره ابغا اي شي ادرسه والله
الله يوفقنا يارب..

[جنون الطفولة]

انا فبالي بس تخيلوا يوقعوني عقد ؟؟
توريطة لو جاني القبول فالدبلوم بعدها

[melo0o]

انا قدمت في الاثنين وجاني قبول في مدرسه اهليه وباقي اشوف التربوي
الحمد لله توقيع العقد بعد العيد
ويارب يكون الدبلوم مسائي عشان ماخسر وظيفتي لقيتها بصعوووووووووبه

[جوانو.]

أختي ميلووو ممكن تقولي لي اسم المدرسة لان المدرسة اللي قدمت عليها قالوالي نفس الكلام لاني قدمت درس عندهم

وكانوا طالبين معلمات عربي وانجليزي

اما على وقت دراسة الدبلوم اللي اعرفه انه صباحي الطلاب بس مسائي لكن الله يقدملك اللي فيه الخير لك يارب

[مطخطخة]

بنااات ياليت تقولون كم اسم لمداارس اهلية طالبين معلماااااااااااااااااات

ولكم جزيل الشكرررررررررررر