ممكن نسمع رأيكم"كيف تقنعي نفسك في حالة إرتباطك برجل متزوج

[miss lulu]

اللي فهمته إنت ف 30 لان لو كنت ف 20 مره فرق

والفرق ماراح يبان دحين ع السنين اللي قدام

عزيزتي مو متقبله الزواج منه وأهلك شداد أبسط رنة تليفون ع زوجته وقوليلها أنا فاعلة خير إلحقي زوجك بيتزوج عليك

نجي للجد ><

الله يكون بعونك ومالك إلا الدعاء إن كان خير لك ربه يتمم أموركم ع خير وإن كان شر لك يبعده ويصرفه عنك

وأهم شي زوجته الأولى تدري بالموضوع لا تخلي حياتك تبدأ بمشاكل ولها الحق إنها تعرف

وإنت لك الحق تعرفي ليش ناوي يتزوج على زوجته


تجربة لإحدى قريباتي ،،

تزوجت وعمرها 23 من شخص أظن عمره 45 فما فوق

كلنا نصحناها ف البداية تقول اش اسوي كل اللي يخطبوني متزوجين وكبار وأنا باتزوج

المهم هيا تعتبر التالته من حريمه

عارفه دحين عمرها 25 تقول تصدقي لما أشوف بنت متزوجة واحد قريب من عمرها أقول انا اش خلاني أتزوج من واحد قد أبويا

حتى ف التفاهم تقولي أحيانا أحس أتكلم مع أبويا وكل ما تناقشنا واتخاصمنا يقولها مارح أرد عليك عقلك صغير

زوجها ماشاء الله مره طيب معاها ما أقول إنه مو كويس حتى مهتم بنفسه يعني اللي يشوفه يحسبه ف نهاية 30 بس برضوا

تخيلي هي قد بناته وأصغر كمان في من بناته أكبر منها

بس خلاص اتزوجت وصار اللي صار ودحين ماشاء الله عندها منه ولد ^^

وإذا ربي كتب لك إنك تتزوجيه أهم شي إحرصي على إنه يعدل بينكم

يمكن سبحان الله يميل لك أكتر ماتعرفي بس إنت دائماً ذكريه بالعدل

وممكن تلقي زوجته تعاديك ف البداية وممكن تطول لسانها عليك اتحملي زعلها وحطي نفسك مكانها أكيد بتزعلي وعامليها كويس

مصير الايام بتنسيها وإمكن تحبك بسبب معاملتك لها

عمتي زوجها معدد والله لو تشوفي كيف طباينها علاقتهم مع بعض سمن ع العسل مو طباين إلا كأنهم أخوات وقلوبهم ع بعض

لدرجة زوجهم قال كل وحده تروح ف فله لانه ماشاء الله مقتدر رفضوا كلهم عايشيين ف نفس العماره كل 2 ف دور^^

وعمي متزوج ثنتين للأسف ما يتجمعوا ف نفس المكان ولا يحاولوا يحتكوا بعض وفي المناسبات من بعيد لبعيد حتى البنات منقطعين عن بعض الشباب أهون بس برضوا تحسي في حساسية

زي مافي نماذج العلاقة معدومة ومو كويسه في نماذج علاقتهم مع بعض تمام

وأولاً وأخيراً ترجع للزوج بتعامله مع زوجاته يقدر يزرع الحب والمودة بين قلوبهم أو العكس

وحاولي كمان تتعرفي على أولاده وتكوني طيبة معاهم وتكسبيهم إذا ما كسبتي الأم ع الاقل تكسبي الاطفال

<< طولت ف الحكي

أهم شي انت إدعي وإن شاء الله ربي يفرجها من عنده وماتعرفي الخير فين ^_^

ربي يوفقك إن شاء الله ،،

[صقر الشمال]

واحد كان تزوج وحده بفارق السن مابينهم
وربي جد هذي طبعا معرفه ليس من قبيله لا معرفه اصحاب المهم يحكي لنا يقول اروح امشيها ع
البحر والبنوته تطلب ان يوديها المراجيح وربي يحكي لنا يقول انا جالس في السياره
وهي تلعب في المراجيح !!!!
بالله هذ زواج وين اهلها كل هذ حب في المال لابارك الله في المال الي يرمون بناتهم لشياب
وعتقد الكل يذكر حادثه القصيم نفس الوضع وكل يوم طالع جديد
لاحول ولاقوه الابالله -- انا من وجهه نظري المفترض يدرسون ماده اسمها - السن القانوني لزواج ومن يخالف هذي يجلد ويسجن

[دافئ الإحساس]

المشاركة الأصلية كتبت بواسطة (violet flower) لا شوفي البنت العاقله اوكي تمشي الموضوع وعادي ماتقول شي بالعكس تسوي نفسها فرحانه وتحاول تكسب ذا الرجال يمكن يكون احسن من الف واحد حتى لو انو في الاربعين وهيا في بداية العشرين تقدر تكون احسن زوجه وهوا احسن زوج في ذي الدنيا لكن حكاية انها تمد بوزها ترى ماراح تستفيد وحتتزوجو في النهايه الزواج قسمه ونصيب واللي كاتبو ربي حيسير واذا انتي مو مرتاحه عادي قولي لاهلك انك ماتبغيه وانك مو مرتاحه مااتوقعهم حيغصبوكي عليه ولاتنسي تستخيري هاذا اهم شي والزواج شي مو مهم ومافيها شي لو الوحده ماتزوجت

هادي العاقلة

الله يوفقك يارب

وييسرلك دربك يارب

واهنيكي ع كلامك الحلو


واهني اهلك انو عندهم بنت زيك فاهمه وواعية انو كلو مكتوب ومقدر

^_^

[ستايل]

المشاركة الأصلية كتبت بواسطة سنفورة موت ^^ اهرب ...ولا اخذه والله لاكلم اهلي واقلهم قصص اللي عند مراة وبيتزوج واهلي اكيد مايبولي الا الخير وان اصلا مني مويده الرجال يتزوج وحده ثانيه كيف لو كنت انا اقول يروح يدور غيري واذا اهلي ماوافقوا راح اكلم خوالي وعماني واخواني انهم يقنعونهم ...واذا مارضوا اكلم الشخص اللي بيخطبني واقوله اني صغيره وابغى اكمل حياتي مع واحد ماعنده اولاد ولازوجه <طبعا اكلمه وافهمه برايي عاد لو ماقتنع هالرجال وجهه مغسول انا صراحه ماعترض على عمره لاني لو بتزوج اتمنى يكون اكبر مني ب10 سنوات ولا اقل شي 5 لاني مابى اتزوج واحد بعمري ماراح يكون هناك تفاهم وجهة نظري يسعدك ربي ياعسل *_~

تهررررررررررب !!!!! سهل الكلام هيه حاولت كلمت جدتها خيلانها مافش مافايده
خلاص هيه دحين ملكت لكن لساتها مااتزوجت

[ستايل]

المشاركة الأصلية كتبت بواسطة cute heart لا لا الله لايقووووله معليييش حهرررب طبعاً ههههههههههههههههههههه ... اهلي الحمدالله مو من النووع اللي يضغطو علينا بشي مانبغاااه وللمره الاخرى الله لايقوووووله

كمان تهرب!!!
حتى البنت كانو اهلها مش دا النوع وفجأه انقلبو عليها بحجة العمر بيمشي والرجال مابيتفوت طبعا مش من الناحيه الماديه لأنو اهلها ماشاءالله مرتاحين لكن بيقولو انسان طيب ومحترم

[ستايل]

المشاركة الأصلية كتبت بواسطة تلميذ منتسب 8 مافي شئ بالقوة خاصة في موضوع الزواج لانه حياة وعشرة عمر ومستقبل اذا كانت البنت رافضه الفكرة تماما فتشوف اقرب وحده لها من الكبار وتكون حكيمه وفاهمه وتحكي لها وتطلب منها انها تتدخل بالموضوع وتساعدها في محاولة اقناع اهلها بأن يصرفوا نظر عن الموضوع اما اذا كانت البنت متردده ومااتخذت قرار فتجلس مع نفسها وتعطي الموضوع حجمه من التفكير والنظر فيه بجميع ابعاده وتسأل ايضا اللي تثق فيهم وتستشيرهم ومن ثم تستخير ربها وتتوكل على الله

خلاص انتهى الموضوع وعملو اهلها الملكه طبعا وشافت الرجال وهوه شافها طبعا الرجال كان مبسوط وفرحان وهيه العكس مش مرتاحه على انه مايتعيب

[ستايل]

المشاركة الأصلية كتبت بواسطة (violet flower) لا شوفي البنت العاقله اوكي تمشي الموضوع وعادي ماتقول شي بالعكس تسوي نفسها فرحانه وتحاول تكسب ذا الرجال يمكن يكون احسن من الف واحد حتى لو انو في الاربعين وهيا في بداية العشرين تقدر تكون احسن زوجه وهوا احسن زوج في ذي الدنيا لكن حكاية انها تمد بوزها ترى ماراح تستفيد وحتتزوجو في النهايه الزواج قسمه ونصيب واللي كاتبو ربي حيسير واذا انتي مو مرتاحه عادي قولي لاهلك انك ماتبغيه وانك مو مرتاحه مااتوقعهم حيغصبوكي عليه ولاتنسي تستخيري هاذا اهم شي والزواج شي مو مهم ومافيها شي لو الوحده ماتزوجت

هيه عمرها ثلاثين لكن تشوفيها ماشاءالله تبارك الرحمن ماتديها كدا كتكوته حتى تقول الرجال في الملكه لمن شافها ماصدق طاير من الفرحه

[ستايل]

المشاركة الأصلية كتبت بواسطة بيو كيميائية ^_^ بسيطة إذا قصبوني بمشي الوضع لكن في فترة الخطوبة اكيد بكلمه فراح أتضارب معاهـ كل يومـ وأنكد عيشته وأطلع روحه هو بكل بساطة بيقول هذهـِ من أولتها نكد ومشاكل وبيطلقني وبرتاح بس الحمدلله أهلي ماراح يرضون أصلًا

بالنسبه لدي العيله مافش مكالمات عشان كدا ماتقدر توصلو

[ستايل]

المشاركة الأصلية كتبت بواسطة صقر الشمال مراحب خيتو ستايل يعطيك العافيه ع طرح الموضوع ويستحق التقييم لاكن من تواجدي بهذ المنتدي اشوف كثرت مواضيع الزواج والحب 00 ووالخ0000 مدري شنو السالفه يارب كلن يتوفق مايطلب بهذ الشهر الكريم تعليقي == من حق الفتاه ان ترفض ومن حقها توافق هذي حريه شخصيه مالحد فيها حسب الشرع اذ هي اعرف بمصلحتها بان الرجل كفو ويستحق الزواج ونها تخاف يطوفها القطار لايمنع من ذلك ان توافق او ترفض مثل ماذكرت - نعم تاخذ راي ابوها ومها بشي هذ وهي ادري في حياتها بالنسبه لسن انا من وجهه نظري لاتفرق سوا الرجل كان يفرق عنها 10 سنوات او اقل حتي الفتاه ممكن تكون اكبر من الزوج الامور عاديه وهي ترجع في المحور الاول لشخص نفسوو حر بقراره اما الموافقه او الرفض قيس ع ذلك قدوتنا وسيد الخلق وحبيبنا الرسول عليه الصلاه والسلاام لما تزوج عائشه رضي الله عنها كم كان عمرها لما عقد عليها وكم عمرها عندما تزوجها كم الفارق بالسن؟ هذ اكبردليل ع ذلك اخيراً في النهايه حسب الرغبه اما القبول او الرفض مابين الطرفين وجهه نظر00

طبعا نفس كلام اهل البنت بيقولو هذا الشخص مناسب وكمان بيقولو العمر بيمشي وماراح يجي احسن منو ومع كدا هيه مش مقتنعة ابداااااااااااااااا

[ستايل]

المشاركة الأصلية كتبت بواسطة o-dody-o والله انا صحبتي طريقتهم نفس طريقت اهلك يعني يزوجو البنت بالغصب ومن غير ماياخذو رايها و الزواج العروسه ماتحضرو بس انتي ادعي ربك يلين قلب اهلك عليكي وانتي اجلسي ابكي وسوي فلم هندي (اهم شي) وربنا معاكي

ان شااااء الله يارب