سؤال يراودني @_@..

[LeLou]

عشانـ يكونـ الموضوع واضح بالنسبه ليا .. إنتيـ قصدك إنه أعطيـــتيـ ناس أكثر مما أخذتيـ منهم - والبعض ما بادلك شيء نهائيا فيصير أخذ وما أعطاكيـ بالمقابل - :) أنا أشــوف طبيــعتك ( كونك إنسانه مستمعه لهموم الغير ) سبب رئيسي في عدم توازن الأخذ والعطاء .. الأشخاص اللي حولكـ يشوفونكـ ملجأ لهم وقت الهموم - فهما يجونكـ وقت ما يحتاجونك - وأتوقع إنهم ما يفكروا بالمقابل إنك راح تحتاجيهم فيـ بعض الأوقات " وما راح يعرفوا إنك محتاجتهم بدونـ ما تتكلمي " .. كلاميـ هذا زيـ الأم وولدها الصغير .. الأم يوميا تجيـ وتشوف ولدها إذا هوا أكل وشرب ولبس ووقت النوم متغطيـ كويس عشانـ ما يبرد .. فالولد الصغير يكبر على هالعاده والاهتمام - وفرضا وصل 20 سنه - أمه على نفس الحال تجيـ وتهتم بكلـ هالامور .. فالولد هذا تأقلم إن أمه مصدر إعطـــاء مو أخذ ومو متوقع إن أمه راح تتشكى عدم مبادلته الاهتمام :) فـ إنتيـ ممكن تتقبلي هالشيء طبيعي .. لأنـ فيـ هالدنيا فيه ناس تاخذ كثير وتعطيـ شويه , وناس تاخذ شويه وتعطيـ كثير , وناس فيها نوع من التوازن - وهذي الفئه مرره نادره ولكنها محظوظه لأنها تهتم ويـٌـــهتم فيها - ..

أهلا ماجد..
صراحة إنت نظرت لجانب من شخصيتي مو نفس اللي أتكلم عنه..
أنا ما جبت سيرة إني أسمع للناس و أعطيتهم من غير مقابل..
بس ما أنكر أنه هذا الجانب حقيقي في شخصيتي<< من فين جبت الفراسة هذي ..
بس عمومًا أنا ما أهتم لهذي النقطة لأنه الخير لربنا مو للناس..
إللي يبغى يرد جزاه الله خير و هذا إنسان عنده أصل و معدنه طيب،، أما إللي ما يبغى يرد هذا برضو جزاه الله خير..
و سماعي للناس كمان يزيد من خبراتي و أتعلم من تجارب غيري..
أنا أهم شي عندي ما تنرد بإساءة،، و اتق شر من أحسنت إليه بالمزيد من الإحسان إليه..
و عمومًا أنا الحمد لله كل ما صارت لي مشكلة ربنا يسخر لي اللي يساعدني رغم أنه عادة يكونوا ناس لا عالبال و لا عالخاطر و أكون ما سويت لهم شي..
و اللي أكون ((و من غير من)) مساعدتهم في أشياء كثيرة يتفرجوا عليا هذا إذا ما كانوا هما إللي حطوني في المشكلة..
دايمًا أقول الحمد لله ربنا ما يظلم أحد..
و أنا كل فترة قبل لا أنام أقعد بيني و بين نفسي و أقول يا رب أنا مسامحة كل اللي غلط معايا بقول أو بفعل من و رايا أو من قدامي و محللتهم..

كلامك دا صح ميه ميه و أنا حاسة فيه و مجربته..

بس أنا إللي أتكلم عنه الاهتمام و الحب ((أيًا كان نوع الحب))،، و زي ما قلت أنا أبادل الناس الحب و في مقدار من الحب لو انعطى ليا أرده من غير حدود أو شروط أو قيود..

ما راح أطولـ عليكيـ راح أجاوب على أسئلتك - طبعا وجهة نظر مو أجوبه علميــه - :-

لا عادي خذ راحتك و أنا كمان طولت..
//
و مو مشكلة أنا ما سألت أسئلة علمية في المقام الأول..
و أنا أحب أسمع وجهات النظر عشان أستفيد منها..

كيف أحكم على الإحساس أنه حب؟! إذا كانتـ العاطفه راجحه على العقل .. والأفعال أغلبها تكونـ بدون تفكير وتخطيط مسبق

أيش الفرق بين الحب و الإعجاب؟! الحب هوا تعلق بالشخص أو بالشيء .. أما الإعجاب هوا لفت وشد إنتبـــاه الشخص لـ حاجه معينه ( تستمر فتره طويله أو قصيره على حسب ) وبعدها يفقد هالشيء بريقه وينتهي الإعجاب وقتها .. الحب يستمر - غالبا - والإعجاب فتره مؤقته

هذي معاك حق فيها..
تصدق ما عمري نظرت بدا المنظور رغم انه يجي على بالي..
أنا أي فكرة عشان أعترف بيها لازم أكتبها و أعلقها أو أقولها لنفسي،، راح تزيد معايا الأوراق خخخ..

هل من الممكن أن يكون الحب و الاهتمام منفر،، متى ؟! يب أكيـــــــــــــد .. الاهتمام إذا كانـ في غير وقته أو الحب إذا كانـ لشخص غير مناسب في غير وقته مثلا اتصلتيـ على وحده من صاحباتك وكلمتيها بالساعات وهيا ما قدرت تقولك آسف بس بذاكر عنديـ بكره كويز .. فـ ما تكلمت وقالت هذي صاحبتي مو مشكله اتصلتيـ عليها يوم ثاني وبرضوا كلمتيها بالساعات وهيا فيها نوم وقالت يلا النوم يهونـ لعيونها .. ومو شرط اتصالـ ممكن تقولينـ لها بجي عندك البيت بسأل عنك وأشوفك - وهيا ما تقدر تقولـ لا لكيـ - .. فـ مره ومرتين وثلاثه تبدا هالبنت تنــفر منك وتصيري مصدر إزعاج لها وإنتيـ العكس ..

بصراحة أنا بديت أشك مؤخرًا أنه اهتمامي باللي أحبهم منفر..
رغم أنه عمري ما أحد اشتكى لي أو اشتكى لأحد أعرفه من دي النقطة،، بالعكس أحينًا في ناس تخليني شوية و ببكي لما تشكرني على اهتمامي بيها..

بس قبل كم يوم في الــ Mood scanner هذي لعبة طلع لي فيها:~
Polite in a way that seems disgusting
أو ما ادري:
Polite in a way that disgusts
شي زي كدا..

قامت أختي الكبيرة تقول لي إيوا إنت كدا ..
جاني اكتئاب صراحة حسيت كأني انضربت كف على وجهي..

أنا ليا فترة مقللة اهتمامي بالناس،، و أحس أنه أحسن كدا..
و جالسة أسوي برنامج لنفسي و إعادة برمجة عشان أقلل من الشي ده..

أما الحب لمن يكونـ لشخص غير مناسب بصراحه حالات كثيره ليـ عوده إن شاء الله عشان أتفرغ لها

من جد هذي ما فهمتها ممكن توضحها ليا أكثر..

شكرًا مين قال الإجابات مو علمية صراحة مرة دخلت مزاجي و شكلي بطبعها أو بكتبها و بعلقها..

يا ربي أذن الفجر و أنا لا خلصت فنجان القهوة و لا فرشت أسناني و لا شربت موية ..

و شكرًا جدًا جدًا لمشاركتي رأيك||~

[قمر جهينه]

من العايدين قبل الزحمه ههههههه
أممم
مارح أقدر أجاوبك على السؤال الأول والثاني
لأنو بنظري يختلف الحب والإعجاب من شخص لأخر
اللي أنا أشوفه إنو الحب تتعلقي بالشخص اللي تحبيه وتصيري دايم تفكري فيه
ولاتقدري تميزي عيوبه أو بالأصح ماتعتبريها عيوب يعني تحبي عيوبه
أما الإعجاب تعرفي إنو هذا عيب بالشخص بس تتجاهليها
من ناحية السؤال الثالث
يب يكون منفر لأنو كل شخص يحتاج وقت خاص فيه ويحتاج
يعتمد على نفسه يعني صح أهتمي بالشخص وحلوو هذا الشي بس بحدود
وهذا اللي عندي
وأسفه على الإطالة وأتمنى وصلت لك وجهة نظري
وتحيااتي لك

[Majed7]

المشاركة الأصلية كتبت بواسطة lelou أهلا ماجد.. صراحة إنت نظرت لجانب من شخصيتي مو نفس اللي أتكلم عنه.. أنا ما جبت سيرة إني أسمع للناس و أعطيتهم من غير مقابل.. بس ما أنكر أنه هذا الجانب حقيقي في شخصيتي<< من فين جبت الفراسة هذي .. أهلينـ ^_^ كنتت شاك إنيـ ما فهمت مقدمتك .. بسـ عموما الفراسه أنقذت الموقف - صدق نفسه - _____________________________ بس عمومًا أنا ما أهتم لهذي النقطة لأنه الخير لربنا مو للناس.. إللي يبغى يرد جزاه الله خير و هذا إنسان عنده أصل و معدنه طيب،، أما إللي ما يبغى يرد هذا برضو جزاه الله خير.. و سماعي للناس كمان يزيد من خبراتي و أتعلم من تجارب غيري.. أنا أهم شي عندي ما تنرد بإساءة،، و اتق شر من أحسنت إليه بالمزيد من الإحسان إليه.. و عمومًا أنا الحمد لله كل ما صارت لي مشكلة ربنا يسخر لي اللي يساعدني رغم أنه عادة يكونوا ناس لا عالبال و لا عالخاطر و أكون ما سويت لهم شي.. و اللي أكون ((و من غير من)) مساعدتهم في أشياء كثيرة يتفرجوا عليا هذا إذا ما كانوا هما إللي حطوني في المشكلة.. دايمًا أقول الحمد لله ربنا ما يظلم أحد.. و أنا كل فترة قبل لا أنام أقعد بيني و بين نفسي و أقول يا رب أنا مسامحة كل اللي غلط معايا بقول أو بفعل من و رايا أو من قدامي و محللتهم.. كلامك دا صح ميه ميه و أنا حاسة فيه و مجربته.. ما شاء الله عليكيـ .. ما أقدر أناقشك في شيء إنتيـ مقتنعه مؤمنه بيـــه وأنا نفس الشيء ما أعارضك عليه .. وأساسا مو هوا موضوع النقاش فما راح نطولـ فيه الله يعوضك على هالشيء وتشوفيــه في مستقبلك القريب:) وربي ما يغير عليكيـ وتكونيـ دآيما عونـ لـ أهلك وصاحباتك .. __________________________________ هذي معاك حق فيها.. تصدق ما عمري نظرت بدا المنظور رغم انه يجي على بالي.. أنا أي فكرة عشان أعترف بيها لازم أكتبها و أعلقها أو أقولها لنفسي،، راح تزيد معايا الأوراق خخخ.. حاوليـ توسعيـ نطــاق تفكيرك عشانـ توصليـ لـ أفضل نتيــجه ممكنه .. وحلوة جدا شغلة التدوين في الأوراق لانيـ أعشقها بصراحه .. >> بس طبعا عندي دفتر كبير لها مو أوراق عشان ما أضيع _____________________________________________ بصراحة أنا بديت أشك مؤخرًا أنه اهتمامي باللي أحبهم منفر.. رغم أنه عمري ما أحد اشتكى لي أو اشتكى لأحد أعرفه من دي النقطة،، بالعكس أحينًا في ناس تخليني شوية و ببكي لما تشكرني على اهتمامي بيها.. إنتيـ لا تقيسيـ الموضوع بنظره وحده - لأن أصابع يدك مو سوا - .. فيــه حالات يكونـ الاهتمام فيها إيجابيـ ومتقبل من قبل الطرف الآخر .. وفيه حالات العكس طبعا وهنا يبدأ ينفر الشخص الثاني منك ___________________________________________ بس قبل كم يوم في الــ mood scanner هذي لعبة طلع لي فيها:~ polite in a way that seems disgusting أو ما ادري: polite in a way that disgusts شي زي كدا.. قامت أختي الكبيرة تقول لي إيوا إنت كدا .. جاني اكتئاب صراحة حسيت كأني انضربت كف على وجهي.. لا تخليـ أشياء زي كذا تأثر فيكيـ لأنها زي ما يقولوا تصيب وتخيب - وغالبا تخيب - .. وإنتيـ ما شاء الله عليكيـ إنسانه فاهمه تعرفيـ إنه هالأمور مجرد توقعات وحظ :) ___________________________________ أنا ليا فترة مقللة اهتمامي بالناس،، و أحس أنه أحسن كدا.. و جالسة أسوي برنامج لنفسي و إعادة برمجة عشان أقلل من الشي ده.. حلو جدا التغيـير .. وإنتيـ حتى شفتيـ فيه تحسن بالموضوع إنتـيـ استمري على الـ " نيو سستم " فترة معيــنه وبعدها قارنيـ بين وضعك قبل ووضعك الحالي وشوفيـ الأفضل لك وتمسكيـ فيه .. ____________________________________________ من جد هذي ما فهمتها ممكن توضحها ليا أكثر.. طيب ولا يهمك .. أنا بحاولـ أمثلـ لك عشان توصل الفكره لأنيـ أحس الكلام العاميـ ما راح يوضح لك فكرتي :) .. إذا كانـ الشخص اللي تبغي تبادليــه حب " متشبع عاطفه واهتمام " .. مثلا لمنـ تشوفيـ آخر مولود سواء ولد أو بنت - آخر العنقود - تلقيــه يشوف دلع من أبوه وأمه وأخوانه وأخواته الكبار .. فـ لمن تجيـ تحاوليـ تبرزيـ جزء من عاطفتك وحبك له ما يهتم ( لأنه شايف شيء أكبر بكثير من أهله فـ ما راح يلتفت لحاجه بسيطه من وجهة نظره - يعني مو محتاج منك لا حب ولا عاطفه - ) طبعا فيه حالات شاذه أنا ما أعمم .. وعندك الإنسان المنطويـ " المحب للوحده ".. تلقيـ طبيــعته كذا ما يبغى يواجه ويحتك بأحد كثير , دائما يتعامل مع الأمور المتعلقة بالغير بسطحيه وما يميل للتعمق .. فـ لمن تحاوليـ تحبيــه أو تبادليه محبه واهتمام راح يصدمك تجاهله ومحاولته للهروب من مواجهة مشاعرك وحبك له .. وفيه " بنات يخفوا وراهم أسرار " وما يبغوا أحد يعرف عنها ( مشاكلـ في بيتهم أو أسرار شخصيه ) .. فـ هذا النوع تلقيــنه يتهرب من أي أسئلة شخصيه أو أدنى درجات المصارحه .. لأنه مستحيل اللي تحبك تخبي عنك شيء , هيا ممكن تعطيكيـ حب واهتمام وتتقبل منك برضوا ولكن بحدود وراح تلاحظيـ إنها توصلـ لحد معين من العمق وبعدها توقف - وهنا اعرفيـ إنك ما بتوصليـ للي في قلبها - .. ممكن إنتيـ تكسريـ هالحاجز وبكذا تكونـ بداية سلبيه ونهاية جدا إيجابية .. وعندك لمن تكونت فيه " إنسانه غير مقتنعه فيكيـ" .. طبعا صاحباتك المقربات أكيد مقتنعات فيكيـ وفي أسلوبك وشخصيتك , لكنـ هنا أتكلم عن صاحباتك اللي بينك وبينهم صداقة سطحيه وفيه طابع من الرسميه بينك وبينهم .. فـ هذي دائما لمن تشوفك تتقربيـ منها وتفتحيـ قلبك لها تلقيـ ردة فعل جــافه وتشوفيـها تنفر منك - مع إنكـ قربتيـ منها أكثر - .. لأنه مستحيلـ تحبك وهيا مو مقتنعه فيكيـ ( الكلام مو عنك طبعا ) .. وفيـــه أنواع ثاني كثير .. " أشخاصـ معقدين نفسيا " و " أصحاب المواقف السابقه " .. يعني فيه مواقف معينه وتجارب سابقه كونتـ في بالهم فكره إنها ما تتعلق بشخص وتحبه أو تبادله الحب .. كلاميـ اللي فوقـ أتكلم فيه عن حب بين بنت وبنت أو شاب وشاب .. يعني مو طرف من كلـ جنس لأنـ الكلام راح يتخلف كثيــــر .. _________________________________ شكرًا مين قال الإجابات مو علمية صراحة مرة دخلت مزاجي و شكلي بطبعها أو بكتبها و بعلقها.. أنا اللي شاكر لك عالإطراء ^_^ __________________________________ يا ربي أذن الفجر و أنا لا خلصت فنجان القهوة و لا فرشت أسناني و لا شربت موية .. هههههههههه إنتبهيـ ترا كثرة الكافيين مشكله كبيره >> أسمع عن مضارها بس طنشيـ واستمري ___________________________________ و شكرًا جدًا جدًا لمشاركتي رأيك||~

العفو ^_^

[ƨɱƨɱ]

اول شيء بشكل عام الحب والاعجاب أنواع فيه الكويس وفيه السيء ولكل شخص ه نظرته فيها ~~


كيف أحكم على الإحساس أنه حب؟!


انا اشوف الحب الانسان اللي تتعلق فيه وماتقدر على فراقه ولو صار الفراق بيصير مناحة وبكاء وكآبة وفراغ عاطفي ~

طبعا اقوى حب بين الخلق الام والاب لبزورتهم والعكس ~

وفيه حب غيره كتير ~


أيش الفرق بين الحب و الإعجاب؟!


انتي ممكن تعجبي بشخص ماتعرفيه شخصيا ولا تحبيه بس الإعجاب اخلاقه او شخصياته وا ي شيء ~

اما الحب شيء جوا جوا جوا القــلب يعني مايحس فيه غير المحب والحبيب ~

هل من الممكن أن يكون الحب و الاهتمام منفر،، متى ؟! ((أتمنى من الجميع يجاوب على دا السؤال))


ازا كان حب من الطرفين وفيه اخلاص وا,هتمام من الطرفين ما اتوقع يتنافروا
بس ازا طرف اخلاص واهتمام وطرف الثاني بس كدا تقضية وقت ومصالح يوم تنتهي حاجته بيروح وبيرجع اذا له حاجة !!!

كل يوم بعد يوم أكتشف أني إنسانه فاشلة في حياتي،، دائمًا الناس كانوا يلجؤوا لي لحل مشاكلهم و الآن لا أستطيع الإجابة على تساؤلاتي..


الدكتورالأسنان يسساعد الناس بس يمكن مايقدر يساعد نفسه ياترى هو فاشل !!!


لكل شخص له نظرة خاصة به للحب واسلوبه مثلا معنى الحب اللي في بالك مو زي معناه اللي في بالي ~

والدنيا تجارب ودروس وبتاخذي صدمات من اهلك وصديقاتك واقرب الناس لك ~
ولاتتأثري فيها كتير لانها بتخلي حياتك مقلوبة ,,
بالشهور بكاء وكآبة وزعل ونكد ولا استفدت شيء ولا أحد يحس فيني =(
على بالي الخلق زيي صرت اتوقع أي شيء ومن أي شخص ~

امممممممممم

ادري طولت بالحكي وكيذا يعني زودتها ~

تقبلي المرور الطويل حبتين

موفقة يا عسل

[LeLou]

المشاركة الأصلية كتبت بواسطة قمر جهينه من العايدين قبل الزحمه ههههههه أممم مارح أقدر أجاوبك على السؤال الأول والثاني لأنو بنظري يختلف الحب والإعجاب من شخص لأخر اللي أنا أشوفه إنو الحب تتعلقي بالشخص اللي تحبيه وتصيري دايم تفكري فيه ولاتقدري تميزي عيوبه أو بالأصح ماتعتبريها عيوب يعني تحبي عيوبه أما الإعجاب تعرفي إنو هذا عيب بالشخص بس تتجاهليها من ناحية السؤال الثالث يب يكون منفر لأنو كل شخص يحتاج وقت خاص فيه ويحتاج يعتمد على نفسه يعني صح أهتمي بالشخص وحلوو هذا الشي بس بحدود وهذا اللي عندي وأسفه على الإطالة وأتمنى وصلت لك وجهة نظري وتحيااتي لك

أهلا يا عسل..

أمممم أنا عارفة أنه الإجابات راح تختلف عشان كدا طرحت الموضوع لأني بديت أحس أنه وجهة نظري قاعد يصير فيها اهتزازات..
//
بالفعل في ناس حتى عيوب غيرها تحبها و تدافع عنها..
//
وصلت المعلومة و شكرًا على مرورك الرائع||~

ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــ

المشاركة الأصلية كتبت بواسطة ƨɱƨɱ اول شيء بشكل عام الحب والاعجاب أنواع فيه الكويس وفيه السيء ولكل شخص ه نظرته فيها ~~ كيف أحكم على الإحساس أنه حب؟! انا اشوف الحب الانسان اللي تتعلق فيه وماتقدر على فراقه ولو صار الفراق بيصير مناحة وبكاء وكآبة وفراغ عاطفي ~ طبعا اقوى حب بين الخلق الام والاب لبزورتهم والعكس ~ وفيه حب غيره كتير ~ أيش الفرق بين الحب و الإعجاب؟! انتي ممكن تعجبي بشخص ماتعرفيه شخصيا ولا تحبيه بس الإعجاب اخلاقه او شخصياته وا ي شيء ~ اما الحب شيء جوا جوا جوا القــلب يعني مايحس فيه غير المحب والحبيب ~ هل من الممكن أن يكون الحب و الاهتمام منفر،، متى ؟! ((أتمنى من الجميع يجاوب على دا السؤال)) ازا كان حب من الطرفين وفيه اخلاص وا,هتمام من الطرفين ما اتوقع يتنافروا بس ازا طرف اخلاص واهتمام وطرف الثاني بس كدا تقضية وقت ومصالح يوم تنتهي حاجته بيروح وبيرجع اذا له حاجة !!! كل يوم بعد يوم أكتشف أني إنسانه فاشلة في حياتي،، دائمًا الناس كانوا يلجؤوا لي لحل مشاكلهم و الآن لا أستطيع الإجابة على تساؤلاتي.. الدكتورالأسنان يسساعد الناس بس يمكن مايقدر يساعد نفسه ياترى هو فاشل !!! لكل شخص له نظرة خاصة به للحب واسلوبه مثلا معنى الحب اللي في بالك مو زي معناه اللي في بالي ~ والدنيا تجارب ودروس وبتاخذي صدمات من اهلك وصديقاتك واقرب الناس لك ~ ولاتتأثري فيها كتير لانها بتخلي حياتك مقلوبة ,, بالشهور بكاء وكآبة وزعل ونكد ولا استفدت شيء ولا أحد يحس فيني =( على بالي الخلق زيي صرت اتوقع أي شيء ومن أي شخص ~ امممممممممم ادري طولت بالحكي وكيذا يعني زودتها ~ تقبلي المرور الطويل حبتين موفقة يا عسل

أهلا سمسم..
شكرا على إبداء رأيك أعجبني جدًا خصوصًا السؤال الثالث..
بالفعل في ناس اهتمامها بس للمصلحة يا لطيف..
//
و عادي جدًا ترى أنا مو متأثرة للدرجة هذي،، أنا حاسة أني زودتها شوية و أنا أكتب..
بس أنا الحمد لله مرة أتعافى بسرعة و الصدمات مو كثير تأثر فيني لأني غالبًا أكون متوقعتها..
بس أنا مجرد أنه سار لي موقف شخصي و بدأت أفكاري تتلخبط و أحس أني يمكن أكون غلطت في بعض تصرفاتي مع القريبين مني..
فحبيت أعرف وجهة نظر الناس في الموضوع عشان ما أنظر بمنظوري أنا لوحدي..

و عجبني تشبيه دكتور الأسنان بجد معاك حق فيه ^^

و بالعكس مرورك أعجبني جدًا و لك مني جزيل الشكر||~

[LeLou]

المشاركة الأصلية كتبت بواسطة majed7 أهلينـ ^_^ كنتت شاك إنيـ ما فهمت مقدمتك .. بسـ عموما الفراسه أنقذت الموقف - صدق نفسه -

هلا مرة أخرى..
شكله أنا عندي مشكلة في التعبير،، لأني متعودة أعبر عن أفكاري بطريقة غامضة حتى في أوراقي الشخصية ..

حاوليـ توسعيـ نطــاق تفكيرك عشانـ توصليـ لـ أفضل نتيــجه ممكنه .. وحلوة جدا شغلة التدوين في الأوراق لانيـ أعشقها بصراحه .. >> بس طبعا عندي دفتر كبير لها مو أوراق عشان ما أضيع

يب،، أنا دايمًا أجلس مع نفسي و أحاول أحل مشاكلي و أوسع من نطاق أفكاري..
بس الموضوع هذا كل فترة و فترة يتراود على بالي فحبيت آخذ وجهة نظر أشخاص أخرى بالموضوع..
و حركة الأوراق دي واحدة من أهم الخطوات،، و الدفتر دا انا أكتب فيه شغلات ثانية أشياء زي خواطر و مذكرات..
بس الأوراق إللي تتعلق دي فيها الأفكار و الحكم و التنبيهات الأهداف،، و لها فايل عشان لما أنزلها ما تضيع ..

إنتيـ لا تقيسيـ الموضوع بنظره وحده - لأن أصابع يدك مو سوا - .. فيــه حالات يكونـ الاهتمام فيها إيجابيـ ومتقبل من قبل الطرف الآخر .. وفيه حالات العكس طبعا وهنا يبدأ ينفر الشخص الثاني منك

أمممم هو أنا ما أهتم بالناس كدا على طول..
أنا زي ما قلت مشاعري أتبادلها مع الناس يعني إللي يعطيني الحب و الاهتمام أنا أعطيه كمان الحب و الاهتمام بالمقابل..
و لو حسيت أنه الشخص من جد مهتم فيا أنا أعطيه من غير حدود<< هذي المقدمة إللي إنت ما فهمتها..
يعني أنا ما أبدأ،، بس مع كدا حسيت الموضوع يمكن يكون منفر،، هذي أحاسيسي الشخصية فقط..

لا تخليـ أشياء زي كذا تأثر فيكيـ لأنها زي ما يقولوا تصيب وتخيب - وغالبا تخيب - .. وإنتيـ ما شاء الله عليكيـ إنسانه فاهمه تعرفيـ إنه هالأمور مجرد توقعات وحظ :)

أمم هو مو هي إللي أثرت فيا،، و أنا عارفة دا الشي..
بس أنا إللي أثر فيا أنه أختي قالت لي إنت من جد زي كدا فحسيت أنها أكدت لي شكوكي..
بس أنا قررت أسأل واحدة من صاحباتي بكل صراحة و أنا من النوع إللي ما أزعل لو أحد انتقدني لو كان الشي حقيقي فيني..

طيب ولا يهمك .. أنا بحاولـ أمثلـ لك عشان توصل الفكره لأنيـ أحس الكلام العاميـ ما راح يوضح لك فكرتي :) .. إذا كانـ الشخص اللي تبغي تبادليــه حب " متشبع عاطفه واهتمام " .. مثلا لمنـ تشوفيـ آخر مولود سواء ولد أو بنت - آخر العنقود - تلقيــه يشوف دلع من أبوه وأمه وأخوانه وأخواته الكبار .. فـ لمن تجيـ تحاوليـ تبرزيـ جزء من عاطفتك وحبك له ما يهتم ( لأنه شايف شيء أكبر بكثير من أهله فـ ما راح يلتفت لحاجه بسيطه من وجهة نظره - يعني مو محتاج منك لا حب ولا عاطفه - ) طبعا فيه حالات شاذه أنا ما أعمم .. وعندك الإنسان المنطويـ " المحب للوحده ".. تلقيـ طبيــعته كذا ما يبغى يواجه ويحتك بأحد كثير , دائما يتعامل مع الأمور المتعلقة بالغير بسطحيه وما يميل للتعمق .. فـ لمن تحاوليـ تحبيــه أو تبادليه محبه واهتمام راح يصدمك تجاهله ومحاولته للهروب من مواجهة مشاعرك وحبك له .. وفيه " بنات يخفوا وراهم أسرار " وما يبغوا أحد يعرف عنها ( مشاكلـ في بيتهم أو أسرار شخصيه ) .. فـ هذا النوع تلقيــنه يتهرب من أي أسئلة شخصيه أو أدنى درجات المصارحه .. لأنه مستحيل اللي تحبك تخبي عنك شيء , هيا ممكن تعطيكيـ حب واهتمام وتتقبل منك برضوا ولكن بحدود وراح تلاحظيـ إنها توصلـ لحد معين من العمق وبعدها توقف - وهنا اعرفيـ إنك ما بتوصليـ للي في قلبها - .. ممكن إنتيـ تكسريـ هالحاجز وبكذا تكونـ بداية سلبيه ونهاية جدا إيجابية .. وعندك لمن تكونت فيه " إنسانه غير مقتنعه فيكيـ" .. طبعا صاحباتك المقربات أكيد مقتنعات فيكيـ وفي أسلوبك وشخصيتك , لكنـ هنا أتكلم عن صاحباتك اللي بينك وبينهم صداقة سطحيه وفيه طابع من الرسميه بينك وبينهم .. فـ هذي دائما لمن تشوفك تتقربيـ منها وتفتحيـ قلبك لها تلقيـ ردة فعل جــافه وتشوفيـها تنفر منك - مع إنكـ قربتيـ منها أكثر - .. لأنه مستحيلـ تحبك وهيا مو مقتنعه فيكيـ ( الكلام مو عنك طبعا ) .. وفيـــه أنواع ثاني كثير .. " أشخاصـ معقدين نفسيا " و " أصحاب المواقف السابقه " .. يعني فيه مواقف معينه وتجارب سابقه كونتـ في بالهم فكره إنها ما تتعلق بشخص وتحبه أو تبادله الحب .. كلاميـ اللي فوقـ أتكلم فيه عن حب بين بنت وبنت أو شاب وشاب .. يعني مو طرف من كلـ جنس لأنـ الكلام راح يتخلف كثيــــر ..

أها فهمت يعني نعطي الاهتمام لشخص مو محتاجه و لا يبغاه..
يعطيك العافية عالشرح..
صارت لي مرة واحدة مع إللي يخفوا وراهم أسرار و فتحت لي قلبها و حاولت أساعدها و اتأثرت البنت جدًا،، و قالت لي عبارة أنا كنت حبكي لما سمعتها..
قالت لي إنت أول إنسان يهتم فيني ،، بعدها حسيت أنه إللي عملته غلط بس ما أدري ليه..

هههههههههه إنتبهيـ ترا كثرة الكافيين مشكله كبيره >> أسمع عن مضارها بس طنشيـ واستمري

يب أنا مطنشة و الدليل أني جالسة أشرب فنجان دحين..
و عارفة الأضرار و أولها أنه الواحد يندمج في الكوفي و ينسى الوقت..

و شكرًا مرة أخرى على تواجدك بالموضوع،، و يعطيك العافية من جد تعبتك معايا||~

[RHF]

قمر جهينة :

اللي أنا أشوفه إنو الحب تتعلقي بالشخص اللي تحبيه وتصيري دايم تفكري فيه ولاتقدري تميزي عيوبه أو بالأصح ماتعتبريها عيوب يعني تحبي عيوبه أما الإعجاب تعرفي إنو هذا عيب بالشخص بس تتجاهليها

الصراحة لفتتني الجملتين دي

لانو فعلن الواحد لمن يحب يشوف عيوب حبيبو : مميزات

//

سوري لولو عالزحمة هههههه ما قدرت امسك نفسي قولت لازم اكتب رد

[LeLou]

المشاركة الأصلية كتبت بواسطة rhf قمر جهينة : الصراحة لفتتني الجملتين دي لانو فعلن الواحد لمن يحب يشوف عيوب حبيبو : مميزات // سوري لولو عالزحمة هههههه ما قدرت امسك نفسي قولت لازم اكتب رد

هلا رهوووف..
خذي راحتك الموضوع موضوعك ..
بجد حتى أنا لفتتني نفس العبارة،، كثيرين زي كدا ما يطالعوا في عيوب اللي يحبوهم و يشوفها مزايا و يدافعوا عنها..
أنا أحس الشي ده ضحك على النفس..
و أهلا بيك في أي وقت ||~