رسالة بخصوص الاعفاء

[أبو دانا]

هلا اخوي


طبعا لازم تضيف لانك تاخرت بالسداد

شف خطتك الدراسة وابدء بالمواد السهله واسال عن المواد واختر الي يناسبك

الافضل تمشي على الخطة ولا تأجل مواد اساسية لمواد ثانيه يعني مواد هي اصلا متطلب لمواد بعدها لازم تاخذها علشان تفتح لك مواد

اعطيك مثال بسيط يمكن يفيدك بعدين بالاختيار

مثلا مادة سياسة عامة وصناعة قرار لو قلت انك بتأجلها ودرست 3 سنوات وبقت لك سنة مثلا وتتخرج
وقمت اخذت سياسة عامة وتبي تاخذ المواد الباقيه معها ماتقدر.. تقولي ليش ؟ انا اقولك لان سياسة عامة تفتح 3 مواد بعدها
والـ 3 مواد في منها مادة تفتح لمادتين بعد..

يعني سياسة عامة + الـ 5 مواد الباقيه ماتقدر تاخذهم مع بعض لان لازم كل مادة بفصل دراسي

يعني سياسة عامة وصناعة قرار بفصل والمواد الـ 3 الي تفتح لك بعد ماتعدي السياسة العامة بفصل دراسي ثاني

وبرضو من الـ 3 مواد هذي في مادة منهم تفتح لك مادتين بعد وبرضووو بفصل دراسي ثالث..

وزي كذا الفكره لاتأجل مادة تكون هي اساسية لمواد ثانية وبالاخير تكتشف انك ورطت نفسك بدال ماتتخرج بفصل

تصير تتاخر 3 فصول وانت مو داري

اتمنى ماطولت وان شاء الله استفدتو من هالمعلومات

بالتوفيق للجميـع