شرايكم بالدكاترة بقاعة الامتحان واستفزازاتهم ؟؟

[السيل]

لا انكر ان للطلاب اخطائهم ولكن لا يوجد مايبرر لبعض الدكاترة هذا الاسلوب المتعالي او احباط الطالب وقت اداء الاختبار والامثلة كثيرة دكتور يشوف طلاب يراجعون من مذكرات قبل الاختبار فيكرر طوال الاختبار كل من ذاكر من غير الكتاب سيرسب !!طبعا الدكتور مؤلف لكتاب المادة دكتور ثاني شاف الطلاب يراجعوا في القاعة قبل تسليم الاوراق فيقول هازئا تراجعون ادواركم في مسرحية دكتور ثالث يقسم ان من يحصل على 59 في الاختبار لن يعطيه درجة النجاح رغم ان الاختبار 80 فقرة اختيار و 5 فقرات صح وخطأ ومثلها اسئلة مقالية في ساعة ونصف

[نظرية التنظيم]

ما اقول الا يا صبر الدكاتره والمراقبين على تصرفات بعض الطلبه واسئلتهم التافهه

آخر التفاهات اختبرنا قيادة فعاله ثمانين سؤال صح وخطأ على نفس الورقه .. قال الدكتور حط صح او خطأ عند رقم الفقره
وجاك طالب يسأل يمين ولاّ يسار يا دكتور ؟!
قاله الدكتور اذا شفت الرقم يجي نهاية الفقره حط الاجابه ههههه

ولاّ واحد داخل الاختبار متأخر حوالي نصف ساعه يوم سأله الدكتور قال والله زحمة سيارات .. قاله الدكتور طيب انا عندي خمسمية طالب جايين بطياره يعني ؟!

[مسافربحر]

النبراس والله حلووووووووووووه هههههههههههههههه صدق يفكرنفسه دكتور والله المفروض نطالب ان الموظفين مايرقبون لانهم ليس مكانهم ولابعد يراقبون ويشددون وبعدها يختبرون معانا والله حاله والله اذكر ان فيه مثل الرجل المناسب في المكان المناسب وهذولا الموظفين غير مناسبين لهذا المكان أه أه لوبيدي سلطه عليهم وربيى لا اقرضهم لاتلوموني وربي مقهو منهم بجد ابي اطق من القهر من ابو سكسوكه شخص هذا بذات مو مسوي نفسه دكتورلا والله برفسور

[joyful]

انا بالمستوى الثاني , ولله الحمد مافي احد غلط علي ولا زل بكلمه طيلة الترمين الماضيه ,

قفل جوالك . طلع بطاقتك قدامكـ , ولا تغــــــــــــــــــــــــــــــــــــــــــــــــ ـش

بتلااقي كل احترام , واذا في احد من الدكااتره غلطــ عليكــ . العن سابع خيّره بــس بالعقـــــــــــــل...

[ضحايا الصمت]

ياشباب احس انك تتكلمو عن جامعه غير جامعتنا

ناس تقول الدرجات وناس تقول المعاملة !!!!!

الواحد يقول كلمة الحق والله اني اشوفهم يعاملوا الطلاب معاملة طيبه جدا الا انه في عينات زي ماتفضل الشباب ترفع الضغط من جد

يعيد الدكتور او المشرف في القاعه الكلام مليون مرة ويجي واحد بكل غباء يسوي حركه ترفع الضغط ,, والله مالوم الدكتور الي يرد عليه رد يليق بتصرفه

يعني بالله عليكم مابقي مكان ماكتبو فيه التضليل بقلم الرصاص ,, حاطين لوحات اعلانية كبر جبهة ولد خالتي وحاطينها في الـ odus وكمان على اوراق التضليل يقوم يجي طالب مع احترامي له الا انه غبي غبي يضلل بقلم جاف
بالله هذا حركة تصدر من طالب جامعي ,, والله لو اني انا الدكتور لاشووووووته بره
وبعدين مو طالب مستجد هذا طالب متخصص


وخلاصة الموضوع ان الي يحترم نفسه ويتعامل بأدب وبلباقه بيحصل معاملة طيبة والي يجعل نفسه عرضه للكلام يتحمل مايجيه

[محمد1]

يااخوان مثل ماتفضل به الاخوان السبب الاول والاخير هم الطلبه سواء بمحاولتهم الغش او رفع جرس الجوال او كثرة الاسئله الغير منطفيه اوغير ذلك ومن خبرة السنوات الماضيه بعض الاختبارات لا نسمع الا تعليمات اوليه ومن ثم لا تجد اي مضايقه بسبب التزام طلاب القاعه بالتعليمات و بل تجد تجاوب وابتسامات من المراقبين

[ناعس الجفن]

المشاركة الأصلية كتبت بواسطة flexible بالنسبه لي ماالومهم ابد وتبي الصدق بعض ا لطلاب هم اللي عليهم تصرفات تستفز الواحد وتطلعه من طوره يعني خذ مثال يقولون لنا خمسين الف مره طفوا الجوالات لو سمحتوا ياشباب او خلوها على الصامت بعد دقيقتين من الاختبار يدق جوال وهنا جوال وهنا جوال ولأخر الاختبار والجوالات ترن رن طيب فيه ناس تبي تركز ! ناهيك عن اللي يغشون يعني اذا تبي الناس تحترمك احترم نفسك وذاكر ولاتجي تبلش خلق الله واذا لقطوك الدكاتره تقعد تسوي فيها البريء وتقعد تحلف ويبرد وجهك قدام الناس هذا غير البطاقات الجامعيه مليون مره يقولون اللي مامعه بطاقه يروح يختبر بالقاعه الفلانيه محد يطلع ويوم يشيكون على البطاقات يلقون 8 والا 9 طلاب اذا ماهم اكثر مامعهم بطاقات وجالسين !!! طيب ماتفهم عربي ؟ مليون مره يقولون اطلع والحين بنص الأختبار بيطلعك وتسوي قروشه للناس اللي بالقاعه انا من وجهه نظري ان الدكاتره محترمين للي يحترم نفسه واللي يلف ويدور يتحمل مايجيه . شكرا لك

المشاركة الأصلية كتبت بواسطة ضحايا الصمت ياشباب احس انك تتكلمو عن جامعه غير جامعتنا ناس تقول الدرجات وناس تقول المعاملة !!!!! الواحد يقول كلمة الحق والله اني اشوفهم يعاملوا الطلاب معاملة طيبه جدا الا انه في عينات زي ماتفضل الشباب ترفع الضغط من جد يعيد الدكتور او المشرف في القاعه الكلام مليون مرة ويجي واحد بكل غباء يسوي حركه ترفع الضغط ,, والله مالوم الدكتور الي يرد عليه رد يليق بتصرفه يعني بالله عليكم مابقي مكان ماكتبو فيه التضليل بقلم الرصاص ,, حاطين لوحات اعلانية كبر جبهة ولد خالتي وحاطينها في الـ odus وكمان على اوراق التضليل يقوم يجي طالب مع احترامي له الا انه غبي غبي يضلل بقلم جاف بالله هذا حركة تصدر من طالب جامعي ,, والله لو اني انا الدكتور لاشووووووته بره وبعدين مو طالب مستجد هذا طالب متخصص وخلاصة الموضوع ان الي يحترم نفسه ويتعامل بأدب وبلباقه بيحصل معاملة طيبة والي يجعل نفسه عرضه للكلام يتحمل مايجيه

أرفع لكم القبعة احتراماً وتقديراً



يُعجبني الإنسان المنطقي ،، لكم التحيه أعزائي

[أبوالحلا]

شباب

الطالب اللي يغلط ، خذه معك يا معالي الدكتور و حاسبه بالشكل اللي تشوفه مناسب
اما ان القاعة كلها تتعامل زي البزورة عشان كم طالب غلطان !!!!!!!

مشكلة البطاقة الجامعية :
بدل ما توقفونا ( مع احترامي ) زي الغنم قدام باب الجامعة ولا تفتحوا الباب الا قبل الاختبار بعشرة دقايق و نتزاحم و تفوح ريحتنا ، وقفونا صف و لا تدخوا أحد مبنى الاختبار الا بعد ما يشوف رجل الأمن بطاقته الجامعية واللي ما معاه بطاقة يوقف على جنب. هذا حل و غيره الف حل و حل.

مشكلة الآلة الحاسبة و القلم الرصاص و القلم الجاف ينطبق عليها نفس الكلام
و حتى المذكرات و الكتب ، رجال الأمن المفروض يمنعو الطلاب انهم يدخلوها المبنى ، واللي ينصاد معاه جوا المبنى مذكرة والا كتاب والا ورقة ذنبه على جنبه

والله في حلول كثير غير المعاملة السيئة بس يبغالها ناس تتعب مخها شوي و تفكر اذا تبغى تطور والا تحل مشاكل

الطالب اللي مظلل بقلم جاف ، ياخي رسبه عشان بعد كذا يعرف يقرا القوانين و الأنظمة

كل امتحان يجينا دكتور و يخترع لنا طريقة تاخذ 10 دقايق والا ربع ساعة عشان ينظم القاعة !!!
يا معالي الدكتور تعال قبل الامتحان بربع ساعة و نظم على كيفك و حلمك علينا شوية ترى رهبة الامتحان تخوف واحنا مو ناقصين

هذا رأيي أتمنى ما يزعل أحد

[أبو حسنة]

المشاركة الأصلية كتبت بواسطة الطامح انا معاك في كل الي قلته

وانا معاكم لاتنسوا تحسبوني :)

[أبو حسنة]

المشاركة الأصلية كتبت بواسطة السيل000 التصرفات الحاصله من المراقبين والدكاتره في وقت الاختبار بعضه بسبب الطلاب والسبب الاخر منهم اما نتيجة للظغط الحاصل عليهم من كثرة المهام والمسؤليات وهذا موضوع طويل او لسوء خلق البعض الاخر لكن المحترمين كثير و الشي بالشي يذكر اشكر منهم دكتور مادة الاستثمار ماعرف اسمه بصراحه جدا طيب حتى الاسئله الاختياري 35 فقره مطلوب حل 29 فقط قال حلوها كلها وياخذ هو الصح منها

د. العيتاني فهد