إلغــــــاء السنـــــة التحضيريــــــة.!!

[المستندات]

السلام عليكم ورحمة الله وبركاته

صح إنها سنة غثيثة ومليئة بالظلم بس ..

بالنسبة لي السنة التحضيرية مهمة جدا
لان اللي يبغوا يدخلوا مجالات صحية زيي ويارب أدخلها واللي يبغوا يدخلوها يدخلوها معاي
لازم يكون عندهم انجليزي كويس فعشان كدا المواد كلها انجليزي × انجليزي
بس أعتبر هالخطوة فيها قليل من الفشل
لان الانجليزي اللي ندرسه انجليزي عام مو انجليزي أدرسه يفيدني في المواد اللي بدرسها
فلو يصلحوا المنهج حق الانجليزي ويجيبوا مدرسين عدلين يسووا خير فينا + ياليت يقللوا ساعات الانجليزي لانو مالها داعي في الحياة دام المنهج ماراح يفيدني في موادي العلمية

مقهورة من الانجليزي لإني من يوم دخلت الجامعة كل اللي درسوني مايعرفوا يدرسوا
وحدة تسولف ساعة والثانية تقولي اقرأي القرامر بالبيت ولو مافهمتي حاجة تعالي
أجل أنا كيف حمشي بالانجليزي دامني مقابلة هالفئة من الناس اللي ماتعرف تشرح !
وكيف راح أفهم موادي العلمية دام انجليزيتي خربانة
شكلي وهذا اللي بسويه ، بعتمد على نفسي وأدرس نفسي انجليزي وانتهينا


الله يعين بس

[جيزان]

اممممم انا كنت اقول نفس كلامك انو مالها داعي و و و و.......
بس والله لما تتخصص اي تخصص في الجامعه راح تعرف معنى كلامي ( التحضيري جدا مهم)
انا بصراحه اللي دمرني وخسفني في التحضيري هوا اللغه بس لاني دخلت الجامعه وفعلا لغتي 0%
وانا بصراحه غبيه لو ادري كذا الحال كان سحبت ع السنه اللي فاتت واخذت كورس انجلش ودخلت التحضيري هالسنه
بس كنت دااافوورة في المواد العلميه ,,, لاكن طبعا اهم شي في التحضيري اللغه عشان تمشي

يعني برأيي انو قبلها ندرس سنه كاااااااااامله انجلش فقططططط ونصير تووووب
وبعدين ندخل على السنه التحضيريه وندرس كيمياء واحياء واحصاء وماث وفيزكس انجلش

لاكن قممممممه التناقض في هالجامعه انك تدرس انجلش ليفل 1 تافه وسهل مع احياء وفيزكس وهالمواد خصوصا الاحياء والاحصاء لازم واحد تووووووب في الانجلش << وتكلمنا السنه اللي فاتت ع اساس يتطبق هالنظام ع دفعتكم (( بس طبعا في عزوز تكلم جداااااار مو انسان))

تقبل مرووووووري

[د. هدّولا]

المشاركة الأصلية كتبت بواسطة i me2 i احب اعلق على ذي النقطه ، من سابع المستحيلات ، مايكون في واسطة في دخول التخصص والله الي عنده فيتامين قوي راح يدخل اي كلية يبغاها ، ان شاء الله لو معدله 2 . الواسطة منشتره في الجامعه .

بل من سابع المستحيلات انه يكون في واسطة في مسالة التخصص

الواسطة في كل شي بالجامعة معاملات حذف واضافة تحويل كل شي الا التسكين ،
المسالة مرررة مشددين عليها واعرف بنات واسطاتهم قوية ولا دخلوا معانا طب !
وسحبوا من الجامعة بكبرها...

[د. هدّولا]

المشاركة الأصلية كتبت بواسطة هديل ال والله من جد كلامك ايش دي السنه وربي تهد الحيل طيب ع الاقل يخلوها عربي لو فيها تحديد مستوي والتخصص الي ابغاه السنوات الي قبلنا كانو عربي ونجحو واستمر واتخرجو وحضرو ماجستير مو زينا احنا وربي نكبونا الله يستر بس ويعديها على خير

التحضيري من اول ما حطوها وهي انجليزي كيف صارت عربي !
وانتوا على فكرة رابع دفعة يتطبق عليها نظام التحضيري =)