معضلتي مع البنات و الدراسة..

[LeLou]

المشاركة الأصلية كتبت بواسطة الإمبراطورة موضوع ع الوتر.. كلنآ بنعآني من النآس المُستغلّة :: أنآ أشوف انو مبدأ العون والمُسآعدة.. شي جميل خصوصآ إذآ كآن التعآون متبآدل.. إذآ احتجتيهم يسآعدونك بلآ تردد بس الوضع إذآ زآد عن حدّهـ مُشكلة .. لآ تعطينهم وجه بزيآدة إذآ يبغوآ يصوروآ منك أورآق /دفتر المحآضرآت.. مو مشكلة ..انتي مو خسرآنة ;) أمآ انك تشرحين لهم وكذآ ! على حسب إذآ عندك اختبآرآت أو مشغولة .. فـ اعتذري منهمْ .. انتِ مو ملزمة أبدآ .. إذآ عندك وقت ومو فآرقة معآكِ .. فـ سآعديهم .. أيش المُشكلة ؟ احتسبي الأجر في كل تعآملآتك.. وربي لآ يضيّع لكِ تعب..

ما هو المشكلة أنه الواحد كان يقول عون و مساعدة و من فرج عن مسلم كربة من كرب الدنيا فرج الله عنه بها كربة من كرب يوم القيامة..

لكن ليش كدا يعني عشان كانوا لما يسألوني أجاوبهم و أساعدهم صاروا حتى ما يحاولوا كل شي يجوني فيه..
أنا كمان بأذاكر زيي زيهم و باختبر نفس المادة و في نفس القاعة زيي زيهم..

و يا ليتهم يطلبوا الأوراق و بس..
مرة كان عندنا اختبار معمل يوم الأربعاء،، و اتصلت عليا بنت يوم الثلاثاء الساعة 9 و نص في الليل..
حطي تحت كلمة أنا أكون نايمة في دا الوقت 50 خط..
تقول لي كلمي لي صاحباتك إللي اختبروا في الشعب إللي قبل تجيب لي أوراقها..
صحي النوم،، توك اللي تفتكري،، يعني مو بس تطلب مني إلا تخليني أتصل على الناس في الليل و أطلب منهم..
ليش ما تاخذ ملزمتي و تصورها و أنا طول الأسبوع قدامها،، و من الأساس ليش ما كانت تحضر و تكتب مع الاستاذة..
كانت تدخل المعمل و تقول للاستاذة ممكن أروح دورة المياه و تروح و ما ترجع،، و الاستاذة كانت تكتب كل شي عالسبورة و احنا ننقل منها..

أنا هذا إللي ينرفزني..
الله المستعان بس..

يعطيك ِ العافية عالمرور الجميل إمبراطورة||~

المشاركة الأصلية كتبت بواسطة ~*~ ملكة الليل ~*~ بإختصآآآآآآآآآآر تساعدي وبحدوود وبسبب طبعاا كغياب او مرض او سبب قوي اما استهتاار ومن دا الكلام لآ ,,, ماتعطيهم وجه آصلآ تحياتي لكي

ما هو الموضوع بدأ كدا بعدين هما اتجاوزوا الحدود..
معاكي حق،، و شكرًا لمرورك||~

المشاركة الأصلية كتبت بواسطة المشتاقه لخالقها الحل إنك ماتعطينهم وجة ابد وتكوووون شخصيتك قوووية .... مثال: الباب اللي يجيك منو الريح سدو واستريح إذا سئلتك عن شئ قوليلها مدررررررررري مدام إنك ماتحبن تعطينها على وجهها هيا بتفهمها زيييين الله يووووووفقك خيتو وبالله التوفيق

المشكلة أنا ما أحب الكذب كمان..
عمومًا أنا صرت أرد عليهم بطريقة جافة شوية مو زي أول..
المشكلة الناس ما تعرف المثل القائل إذا كان حبيبك عسل لا تاكله كله..

شكرًا على مرورك،، و موفقة يا رب،، و الله يعيننا على دي الناس||~

[LeLou]

المشاركة الأصلية كتبت بواسطة rubi عادي لاتشيلي هم وضحيلها انك ماعندك وقت تشرحي لانو رضاها عليكي غير مهم كمان قولي انك ماتعرفي يعني مو اي احد صراحة عندو قدرة توصيل المعلومة فا ببساطة قولي كدا عموما بالحركات وكل شي وضحي انك مو قريبة منها وانو في حدود بينكم ازا زودتها مرررة عاد تستاهل الكلام اللي عالوجه بالصريح

إنت ِ تووحفة يا عسل..

المشكلة هما كانوا يسألوني و أنا كنت أجاوبهم فصعب دحين أقول لهم أنا ما أعرف أوصل لأنهم كانوا يفهموا..
هو احنا نفس الدفعة و الدفعة مرة قليلة أقل من 20 فعلى الأغلب حنكون مع بعض الين التخرج..
و عمومًا طالبات قسمنا مرة قليل..

فهما حسبوا أنه احنا قريبين من بعض رغم اني من زمان مو محتكة معاهم كثير و في أوقات الفراغ دايمًا أجلس مع صحباتي القدامى في التخصصات الأخرى..

و أنا أصلا بديت أدي عالوجه شوية..
يعطيكي العافية و موفقة يا عسل||~

[LeLou]

المشاركة الأصلية كتبت بواسطة мαѕooяy هلآ هلآ لولتي حبيبي ،، وحشتيني .. ، حبيبي بالنسبة لموضوعك ، .. مثلك انا اوجه كثير آسئلة زي كدآ لكن مآدري تعودت أو يعني ، آخدها بروح رياضيه اشرح حسب ماقدر ،، بس بما انو مضايقك الموضوع ، انتى ماشاء الله عليكِ آعرفكـ عندك اسلوب راقي بالكلام ، فعادي ، صارحيهـآ آنوآ والله ماقدر أو أي حاجة تبينلهم أنوآ ماعندك القدرة للشرح لهم ، وصدقيني مارح يرجعولك ، ، ، ، ربي يسعدكـ ،

هلا ميسو إزيك يا عسل..
كيفك و كيف اختباراتك؟!
//

أنا عارفة إنتي عندك نفس دي المأساة..
و بصراحة أنا برضو عادي و آخذ بروح رياضية..
بس مو لدرجة أنهم ما يحاولوا و يستهتروا معتمدين أني أشرح لهم..

زي اللي تقول لي خذي المادة و احنا بعدك و اشرحي لنا..
يعني من غير ما حتى تاخذ المادة و تشوف حتفهمها و لا لآ..
و غيرها كثير..
أنا أشوفهم مرة اتجاوزوا حدودهم..

تخيلي وصلت لدرجة أنه في مادة أنا أخذتها السنة إللي فاتت هما ما أخذوها..
و يوم اختبارهم أنا كنت تعباااانه عالآخر و جيت الجامعة كان عندي ساعة و نص سيكشن و كان مرة مهم جيت احضره و أنا قاعدة أجر نفسي..
و ما قدرت آخذ مسكن لأني ما أكلت شي..
تخيلي أول ما شافتني واحدة فيهم تقول لي نبغاكي تذاكري لنا ما احنا عارفين و الاختبار اليوم..
قلت لها أنا تعبانة مرة و حمشي 12 ونص بعد السيكشن على طول و كلمت بابا أني حجلس ساعتين بالكثير..
قامت تقول لي مو مشكلة نص ساعة بس الين واحدة..
تخيلي الوقاحة..
أنا سكتت و أول ما خلص السيكشن قاموا يقولوا لي تعالي ذاكري لنا قلت لهم في وجههم أنا ماني فاكرة الأسئلة تبع اختبار أمس عشان أفتكر لكم حاجة أخذتها السنة إللي فاتت..


أنا هذي الفئة إللي منرفزتني،، و هذا النوع من الاتكال الا منطقي..
و أظن أني حكيتك أني متعقدة من هذي الأشياء و إللي صار لي أيام الثانوي..
//

ربنا يوفقك يا عسل و يسعدك..
بالتوفيق في اختباراتك||~

[LeLou]

المشاركة الأصلية كتبت بواسطة كيميائية العام فعلا موضوع مهم وكلنا بنعاني منو اهم شي انتبهي على دفاترك ومذكراتك لانو بعضهم اذا صدتيهم ممكن يسو اي شي لمصلحتهم وكمان اذا ماسعتيهم حيقولو شايفة نفسها علينا المهم ساعديهم في حدود المعقول مو يغيبو هم وانت تشرحي

الله يبعد ننا الناس السيئة..
بالفعل معاكي حق ياعسل..
شكرًا لمرورك||~

المشاركة الأصلية كتبت بواسطة * تركي * / - أَي كلاس جَديد آخذه ، أَحاول بـِ قدر مَا استطيع الإحتكاك وَ لو سَطحياً مَع كل الطلاب. طَبعاً هذه تبدو مهمة مستحيلة ، لَكن على امتداد السمستر ، أرى أن لدي الوقت الكافي لـ عمل ذلك. بـِ كل أمانة هناك الطلاب الجَادين ، هناك المستهترين ، هناك الإستغلاليين ، هناك المخربين وَ هناك وَ هناك وَ هناك. كل فئة لَها تعاملها الخَاص وَ أنا انسان أجامل الناس الي تستاهل المجاملة ، وَ أجلس معهم وَ أشرح لهم إذا لزم الأمر ، أما الآخرين الذين يصعدون على أكتاف غيرهم فـ أنا أساساً لا أعطيهم الفرصة لـ يقولوا ( آآآآ ). وَ إن حَصل وَ دخل مَعي واحد عرض أعتذر عنه بـ حجة إنه مشغول وَ لدي إلتزامات أخرى. ، - الحل بسيط جداً : خليك صَريحة وَ لا تجاملين على حساب نفسك. إن كانت الطالبة هذه فعلاً تستاهل المساعدة ، فـ ساعديها وَ افتحي لها أبوابك كلها ، لأنه أساساً مع المراجعة وَ الأخذ وَ العطى راح تتركز المعلومة في ذهنك أكثر ورح يتم تبادل المعلومات و الإستفادة تكون مشتركة و بشكل فعّال جداً. أما إن كانت الطالبة هذه مستهترة ومن النوع الاستغلالي الاعتمادي ، فـ اعتذري منها بـ كل صراحة و بـ اسلوب لطيف. :: بـ التوفيق

أنا كمان أحاول ما أحتك خصوصًا أني مريت بدي التجربة كثير..
لكن المشكلة احنا طالبات قسمنا قليلين جدًا و الدفعة أقل من 20 و دايمًا يحطونا في كلاس واحد و عالأغلب أننا في وجه بعض إلىن نتخرج..
و التخصص مو سهل بصراحة..
و العينة إللي عندي بدأت تصير اتكالية بشكل مو طبيعي..

و أنا حقيقة بديت أغير أسلوبي معاهم و أحسهم بدؤوا يلاحظوا و أنا متضايقة لأني ما أحب أتصرف مع الناس بطريقة أنا ما أحب أحد يعاملني بيها..

شكرًا على النصيحة،، و بالتوفيق||~

[LeLou]

المشاركة الأصلية كتبت بواسطة صمتي يميزني سبحاااااان الله نفس حالتي ومشكلتي ماكنت اعرف اقول لااااااا مو بس بالجامعه حتى بالبيت او ارد احد بس بصرااحه بدات اتجرا واقول لا اللي اقدر عليه اسويه بنيه الاجر مو اكثر بس هالحركه اهون من اللي سار اليوم وانا ا اراجع قبل الاختبار ووحده جنبي تقولي وريني رقم الصفحه خليني اذاكر معاك لأني اعرفك دااااافوره!!!!! انا انفجعت وسكتت حتى ماشاء الله ماقالت اش رايكم؟؟

Welcome To The Club

من جد أعرف واحدة نفسي تقول ما شاء الله..
لدرجة مرة عملت برزنتين و قمت أشرح ظواهر و نظريات في الفيزيكس احنا ما درسناها قبل كدا..
قامت تقول لي بعد ما خلصت: تشرحي أحسن منها و البرزنتيشن يجنن و ما أعرف أيه،، و أعوذ بالله من غير كلمة ما شاء الله..
من جد كان ودي أقول لها أديني أثرك و العياذ بالله..
أنا لو أحكي اللي بأسمعه و أشوفه أقدر أعمل مسلسل يوميات..

الله يعيننا،، أهم شي يا عسل حصني نفسك..
بالتوفيق،، و ربنا يبعد عنك الناس دي ||~

[LeLou]

المشاركة الأصلية كتبت بواسطة حبي لذاتي قمة أولوياتي ~ تعلمت بان أقول لأ وبكل إحترام فلي حق القبول او الرفض وليس من حقها أن تجبرني على ماتريد ، نصيحتي أن تكوني كما تريدي لاكما يريدك الناس ~ موفقة وربي يعطيك على قد نياتك ،’

ما شاء الله عليكي..
هو مو قصة زي ما هما يبغوا..
بس أنا كمان أبغى أني ما أكون وقحة أو متعالية لأنه مهما كان ما أحب أنظر لنفسي بدي الطريقة..
و هذي الأيام الناس بتجبرك تسوي أشياء إنتي ما تبغيها..

//

آمين،، و ربنا يوفقك||~

[نسيم الوجود]

أهلاآ يَ جآرتي بالعلومـ ^^

::

نصيحه لوجه الله الفئه ذي أديهمـ على وجههمـ لانهمـ مع الوقت رح يتمردوآ عليك أكثر وأكثر


واذا عندك إيميلاتهم أرسليلهم الموضوع ذآ عشآن يشوفو قد آيش انهمـ مصآيب









نسيمــ

[RHF]

هاااي ،

هاو ار يووو لولو :$

اشتقنالك ،،

//

نيجي للموضوع ,,

مممممممم شوفي ازا وحدة ما تعرفني ولا اعرفها و جات قالت لي كدا

اعطيها ف الوجه

//

بس عارفة انا في بنات معايا ، اللي اعرفهم ف المحاضرات والبي بي ، دايمن اسألهم

<< بس اسئلة مو انو يشرحولي

بس خوفتيني دحين يكونو قاعدين يقولو رهف النشبة ما تحضر وتيجي تسألنا



بس الحق ينقال لو جا احد سألني اجاوبهم و افهمهم و اقولهم ،

بالزات لو اني اعرفهم بي بي وماسنجر و جوال و كدا ، احسس خلاص من حقي اسألهم لانو احنا زميلات ف الدراسة

اما لو هم ما سألوني عاد براحتهم ، لاكن لو سألوني محا اقصر,,

//

اما الشلة ،، برضو اطفشششششششهم اخليهم يشرحولي حرف حرف

في الاحصاء مسلن

وفي الاقتصاد انا اقعد افهمهمممممممم ,,

يعني مممممم هم يحضرو مادة ، وانا احضر مادة ، ونقعد نفهم بعض

//

<< تحب تحكي عن نفسها

المهم انو لو وحدة تسسسسسسسسسحب عليا طول الوقت حتا ما تقولي كيف حالك ، وتجيني تكلمني حطنشها

والصراحة ما قد سارت معايا

بس انتي قوي قلبك واعطي في الوجه ،

//


راهاف

[بيو كيميائية ^_^]

أنا دومـ يجون لي حق شرح أو ملزمة أو دفتر أو أي شيء

وأعطي وأساعد

بس صار لي فترة بسيطة قررت ماأساعد إلا اللي يستحق بس

وجوالي ينحرق من الإتصالات وماأرد ولا أجيب أخبر

وإذا حد قال لي عندك كذا أقول لا

لأن الناس ماتستاهل طول الوقت ماتسأل عنك وإذا بغت شيء لصقت وجات تسأل

وغير كذا سخيفين لما أجي أسأل أو أبي حاجة ماحد يعطيني

مثل أسئلة الإختبارات السابقة طول الترمـ أسأل وكلهم ماعندهمـ سبحان الله قبل ماأدخل الإختبار أشوف عندهمـ الأوراق ويذاكرون والقهر تجي نفسها :@

فأنا مرة تغيرت وصرت ماأعطي أحد

وتعبي أخليه لي ماحد يستاهل

[الايمان نبض الحياه]

موضوعك اجبرني اشاركـ

انا بصراحه كنت من النوعيه اللي تعطي بلا حدود وكان هذا الشيء على حساب نفسي احيانا..
لكن الان بدأت اراجع اسلوبي وقررت اني اساعد الناس اللي تستحق فقط.. وخصوصا انه للاسف زي ماقالوا الاخوات لماتسألي عن شيء مايعطوك.. انا كمان مافي شيء يجبرني اعطي مجهودي لأحد .. بس المشكله اني تربيت على اني ماارد احد يطلبني شيء وان رفضي يعني انني لست كريمه.. وللاسف تجاربي في الحياه علمتني ان هذا المفهوم خاطيء تماما ، علمتني ان اعطي بتوازن وعلى قدر استطاعتي .. وربما اصل لحد التطرف احيانا فأرفض المساعدهـ
لكن عزائي الوحيد ان لاشيء يضيع عند الله عزوجل.. وكفى ،،،