أعـاني مع أختي !!

[نووره الشهري]

عععلى تبن خليها تولي < الي ودي اقوله صدق
اممم حزنيها عليك قولي
ترى بموت وبتحسين بقيمتي
تتتترى بتزوج وبتفقديني ومن هالقبيل ههههههههههه ()
ادري ودك تسطريني انا الثانيه
لكن اختك وبهالعمرر ممكن تكون غير مباليه لدرجه ماتشوف احد قدامها
لكن بحكم انها اختك من امك وابوك ف علاقتكم مستحيل ماتقوا ف يوم من اللايامم
الله يخلكم لبعض ..

[RHF]

بنات خلو عندكم اسلوب احسن من كدا ,, ههههههههه

لي يطنشها مين هي عشان يطنشها تراها اختو !!

//

قولد خليك على كلام روبي و روبي وفلة ، كلامهم منطقي ،

انتا عارف هي في فترة مراهقة يعني طبيعي تعاملك زي كدا ،

//

انا عندي اخو عمرو 17 ، طول الوقت يناقرني ،

عارف ايش سرت اسوي ؟

هههههههههه اروح ابوسو على يدو و راسو طول الوقت

ألين هو حس على دمو ، سار يقول ف نفسو مدري انا ليش بعاملها كدا

مع انو ما كان كدا بس عشانو ف فترة مراهقة لازم نحتويه المراهق حقنا خخخ

//


فانتا خدها وخرجها ومشيها و دلعها وواسألها ليش بتعاملك كدا ،

وعلى فكرة زي ما قالو البنات ممكن عشانك مدلعها ، فبتتدلع عليك اكتر

وبالعكس دا معناتو انها اتعاملك كدا لانها تبغا منك اكتر ، مور دلع

وحتا لو فكرت انك تطنشها ، خلي الطناش مممم كيف اقولك على انك زعلان منها و مبوز بدون سبب :(

بس لو احتاجت منك شي ,, سوي نفسك بتسويه لها ووانتا زعلان منها :(

بس مو كدا فجأة ، استنا منها حركة بايخة ، بعد كدا ابدأ الفلم حقك

ولو اني مش مقتنعة بالفكرة دي :(

فكرة التأديب : غلططططط

وطبعن الضرب دا شيلو من باللللللللللللللك ،

//

انا صاحبتي زي كدا كانت مع اخوها ، ومرة من كتر ما عصصصب منها ضربها

( وكنا زي كدا ف السنوي و اخوها في الجامعة )

وشوف مرت السنين ، وطبعن هي عدت المراهقة و رجعت عااادية مرة ،

واخوها طبعن طول عمرو طيب ، بس انو من كتر ما عصب منها اول ضربها

وألى الان مو قادرة تسامحو عالضرب داك !!!!!!!! مع انها هي الغلطانة

//

يعني اقصد اللي يسير ف مرحلة المراهقة ما يتنسا ابدن

فحاول تحسن معاملتها قد ما تقدر ،

لانو حتعدي السنين ، ووحيقعد في بالها انها كانت شريرة مع اخوها الطيب اللي يدلعها طول الوقت

:)

الله يخليكم لبعض ,,

[~*~ ملكة الليل ~*~]

اناا ماانصحك لاتطنش ولا تضرب

قولولي كللكم ايش استفااد الاخ لو طنشها !!!

ولا كانو سوى الشي طبعاا والحال حيفضل زي ماهووا

لكن فكر بعقل اتكلم معااهاا واسالها ايش الي مضاايقك مني مزعللك ليه اسلوبك كدا معاياا !!!

بكدا هيا طلعت الي بقلبها وانت عرفت ايش سبب تعاملها معااك بالطريقة دي

وبرضو يفضل انو الوالد والوالدة الله يحفظهم يدخلوو لاانها دي علاقة اخوية والى الابد فيفضل الوزاره الدااخليه

والخارجية على قوولتهم يشوفو الوضع بس من بعد محاولتك معااها

وياارب يهدي بالكم وييسرلكم

ترى لاتخاف تسير كتييييييييييير

[ألماس الشريف]

آلسلام عليكم ورحمة الله

آولا آهني آختك فيك والله يخليكم لبعض
آنك تبحث عن حل للتعآمل معآها بعيد عن القسوه هذآ شيء يحسب لك ولإخلاقك

ثآنيآ آعتب على الأخوآت وآغلبهم آختآرو حل التطنيش!! وهو آسوأ الحلول اللي رآح يزيد الفجوة بينكم
هي أُنثى يآجمآعة لهآ مشآعرهآ اللي مآتحب آي شخص يتجآهلها
فنصيحة لك لآتعتمد هذا الحل نهائيا

بالنسبة لي آشوف مشكلة آختك جدآ بسيطة وخآصة انها لسى مآوصلت لمرحلة النضج الكآمل

آول شي حآول تكسبهآ
ممكن تشوف مكآن تحبه بحر آو مطعم آوي آي مكآن عزيز عليها وتقولها بأي وقت آنا حآب آمشيك آو آخرجك


شآركها الاشياء اللي تحبها مثلا لو تحب لون معين خذ لها هدية بنفس اللون اللي تحبة
فريق معين تميل له خذ لها تعليقة جوآل كفر جوآل آساور
آي شي تحبة حتى لو صغير لا تستهين فيه

نآقشها في موآضيع تستهويهآ آستشيرهآ في لبسك في خيآرتك البسيطة


في الفترة اللي تحآول تكسبها فيها لا تسألها أي شي عن الفترة اللي رآحت وحط ببالك آنو بس تبغى تكسب آخت وبس

اسمعها آسمعها آسمعها دآئما خليك آذان صآغية وإن كآنت سآلفته تآفهة من وجهة نظرك

بعد مآتشوف إنو لانت ورجعت تميل لك آسألها عن الاشياء اللي تضايقها فيك
ممكن في شي لاحظته عليك آو موقف علق بذهنهآ عنك فيخليها تنفر منك
لذلك المشكلة تحتاج طولة بال منك وصبر ولا تلجأ لا للتطنيش ولا للضرب والعصبية آبدا
لإنك رآح تكبر الصورة السيئة عنك في ذهنها


وبإذن الله ترجع علاقتكم آقوى وآفضل وربي يهديهآ :)

دُمت

[روبي18]

طمنا اخووي اش يصيرر معاااك ,,,

[الـــــــدلوعه نونــا]

انا بسراحه اشوف انك تجلس معاها وتسئلها ليه كذا بتعامليني وطبعآ تكلمها بهدووواهم شي الهدو في الحوار ...

انا اعرف وحده زي كذا ... اكتشفت انها ماتحب احد يعاملها بلطف ويقولها حبيبتي ومن هذا الكلآم ...

وبسراحه قله من الشباب الي بيهتمو بأخواته الله يجزيك خير .. على اهتمامك بأختك ..

قولنا ايش يصير معاك اوكي...

[زهور العشب]

فعلا تسير كثير زي ما قالت ملكة الليل بس انا انصحك انك اول شي تبين انك زعلان ومتضايق هاليومين ومالك نفس تتكلم مع الجميع مو بس معاها
ثاني شي خلي الوالدة او اذا فيه واحدة من اخواتك اكبر منها تكلمها (على انفراد طبعا وبدون ما تعرف اختك انهم مرسولين منك ) وتسألها عن سبب معاملتها لك بهذا الشكل وتقولها انك زعلان ومتكدر هاليومين بسبب معاملتها القاسية لك من غير سبب (لأنك ممكن تكون سويت لها شي زمان انت تشوفه تافه او حتى ما تتذكره بس اختك تكون من النوع اللي ما ينسى بسهولة)
او حاول انك انت تروح غرفتها تكلمها بينك وبينها يعني تكون زي جلسة مصارحة بينكم تسألها عن سر تعاملها معك بهذا الشكل وتقولها انك لو ما تحبها وتحترمها ما كنت اهتميت تعرف سبب زعلها منك ولا كان حاولت ترضيها ووووالخ من الكلام الحلو ويا حبذا لو كان معك هدية بسيطة مثلا شي هي تحبه بس حاول تكون في منتهى الهدوء وحتى لو ما تجاوبت معك خلي ردة فعلك هادئة جدا
اذا مشي الحال كان بها ما مشي الحال او اذا ما قالت على السبب طنشها وعيش حياتك وعاملها زي ما تعامل بقية اخوانك بالضبط ولا تفضلها عليهم بشي ابدا ولا تحاول تتقرب منها بشي لأنك سويت اللي عليك وازود
مصيرها تتعدى مرحلة المراهقة وتعرف انها كانت على غلط ويتعدل الوضع للأفضل بإذن الله
وصدقني اعرف حالات زيك انت واختك بمجرد ما تعدوا المراهقة صاروا سمن على عسل
اما حكاية الضرب فنصيحة مني شيلها من بالك ولا تفكر فيها نهائيا اذا كنت حاب ان الوضع يتعدل في يوم من الايام لأنها تضر وما تنفع صدقني والله العظيم راح تزيد الوضع سوء وراح تندم انك ضربتها وانا اتكلم من شي شفته وعايشته واعتبرها نصيحة من اخت لأخوها
ادري كلامي كثير بس معليش استحملني شوي
الله يصلح احوالكم ويخليكم لبعض آمين يارب

[المشتاقه لخالقها]

والله ياخوي اختك هذي في مرحلة مراهقه وبعضهم في مرحلة المراهقة يسوون اشكل من كذآ

وسسسسسسسع بالك وإن شاء الله بعد كم سنة تعقل وتتقرب منك اكثر واكثر

وبعض البنات مايعقلون إلا بعد الزواج

وحاول انك تكسر الحواجز بينك وبينها

وإن شاء الله تشوفها إنسانه ثانيه تماماً

وترتقي في تعاملها معاااااااك


والله يوفقك يارب


وبالله التوووفيق

[رهام حداد]

لا ابدا لا تفكر تطنشها

في الاول والاخير انتوو اخواان لا تبدأ تحط الحواجز هذي من دحين بالععكس اتمسك بأسلوبك اكثر

واحنا في زمن من جد صعب تلقى الاخ اللي يستااهل

فـ من وجهة نظري لا تسمع للي قالو طنشها لانها في النهايه هيه اختك من لحمك ودمك

ممكن هيه المشكله في سنها كثير بنات في ذا السن " المراهقه " يتصرفو بطريقه مو حلوه

انت حاول تتقرب منها اكثر حاول تمسكها لحالها وتسالها ليش تعاملك بذا الاسلوب والاهم انك لا تفكر انك قاعد تنزل من نفسك بالعكس مصيرك تكبر في عينها او انك تكلم اقرب شخص

لها وتقوله يوصل كلامك لها

وانتبببببببببه تفكر تضربها نصيييحه مني والله حتزيييد الامور سوء بهذا التصرف

وبالععكس حتكرها فيك اكثر

وان شاء الله ربي يصلح الاموور وتجي تبشرنا :)

[الوردة الزهري]

"الرفـُـق لا يكــون فـي شــئ إلا زانــه، ولا ينـُزع مـن شـئ إلا شــانـْه"

والحـل بسـيط جـدآ آخــي ..

الخُـروج مـن المـنزل الى مـكان مريـح سَـويآ..لـ فـرض السُلطــة والموآجهــة..

بـ توُفِيــق آيــهأ الطيــبْ

: )