رسميا قسم المحاسبة بالعربي للمتخصصين

[alza3eem]

^^

صح مو شي جديد

هم من اول قالو انه المحاسبه بيكون اولها انجلش بعدين عربي

وانتم ماتصدقون اي شي على طويل تهجم على الجامعه

[chσcσℓiηe]

عاادي احسسن :)

بسسس مشكله نرجع نعرف كل شي من جديد بالعربي

[همس البنفسجْ]

بالنص من أستاذة قابلتها تقول لي : ( السبب ف انو المحاسبة عربي المشرف حق القسم اللي عندكم يالأولاد

دارس كل دراسته المحاسبة بالعربي ف مصر ،، عشان كذا مو راضي يخليه بالانجلش ،، وبكذا حيضر مستقبل الطلاب)

الله يساامحه مو معقول الناس طالعين واحنا فجأة بالعربي ! شو هاد >.<

[TURKI ALharbi]

حسب ماسمعت << كلا قام يفتى
لا من جد حسب ماسمعت من مشرف ع البرنامج حقنا
ان المحاسبه حتدرس نصها انقلش ونصها عربي
زى الزكاه ومادري ايش بالعربي والباقي انقلش
هذا والله اعلم
وياريتك يلي تقول معلقه عند زهير صورتها

[battota]

انا ما بدي محاسبه ولااحووووبها

بس لو بالانجلش كانت افضلكم >>للي ناويه تدخل :)

لانو كل الاقسام انجلش والكل في تطور

واحس خلاص بس ترجعوا تدرسوا شي عربي الانجلش يتنسي شوي شوي

[alza3eem]

^^

مو عشان بيرجعو يدرسو العربي

كمستقبل افضل بالانجلش

[فتاة اقرأ]

والله لسه ناوية اكتب عن هذا الموضوع

احنا البنات لمن عملوا لنا اجتماع

كل الدكتورات واكثر من نص القاعة صوتوا انهم يبغوا الدراسة بالانجلش واستغربوا قالوا عند الشباب اكثر من 80% يبغاه عربي !!

ورئيسة القسم قالت راح يكون في مواد بالعربي زي فقه معاملات ومحاسبة زكوية راح تتلخبطوا

قلنا لهم راضيين انها بالعربي والباقي انجلش

يعني عشان مادتين عربي القسم كله يصير عربي ؟؟

بعدين احنا تاسسنا انجليزي وتراها بالانجلش اسهل من العربي للي يتوقع انه العكس

وحتى لواخذنا الاعتماد ودراستنا باللغة الام المشكلة مو في الاعتماد

المشكلة في انه احنا ايش نفرق عن الف دفعة سبقتنا ؟؟

وترى للمعلومية وهذا كلام انا متاكدة منه الشركات الكبيرة تطلب محاسبين دارسين باللغة الانجليزية

وعندنا دكتورة كانت تدرس في الدمام وقالت انه شافت طلبات توظيف للخريجين الجدد بشرط انهم دارسين المحاسبة بالانجليزي ..

يعني كمستقبل وظيفي افضل وانا ملاحظة انه لغتي الانجليزية ولغة اللي حولي تحسنت كثيييير

لو رجعنا للعربي راح ننساه للاسف ..

لكن اقول الحمد لله انا لسه مستوى رابع ويارب يطرأ شي جديد على السمستر الجاي ويرجعوا لعقلهم ههههههه

وبكل الاحوال لازم احنا نعمل شي نروح لرئيسة القسم نعمل تصويت نجمع توقيعات اي شي هذا من حقنا

واذا مرة حبكوها الشباب يدرسوها عربي واحنا انجلش ههههههههه

[joony]

نفسسسسسسي في المحاااسبه حتى لو ب ال "اوردو" بس معدلي احسو حينخسف من التمويل " والله اعلم :/


مالي غير موارد بشرررررررررررريه



ياااااااااااارب تسهيلك :)

[ALEMBRA6OR]

طيب وش تبون اكثر عطوكم كورسين انجليزي وهي اهم شيء اغلب الوظائف كلها قيود على ما سمعت من المحاسبين يعني خلاص انتم الآن تعتبرون محاسبين واتوقع تتوظفون تمام . غير كذا مدري لو الشهادة بتكون مختومة بالانجليزي وهذا اهم شيء .

[_OCTOBER]

للاسف هذا الشئ المتوقع . وياخسارة الكتاب الكبير اللي درسناه . ( واللي لحد الان مازلت محتفظ فيه عشان اكشخ اني درسته) p=...
وايش اللي دفاتر الاستاذ ودائن ودائنون ومدين وديون وخرابيط !
.
مدراء القسم الله يهديهم ابي افهم وش الحكمة ؟
زي قولة ندرسهم بالانجليزي اول مستويين وبعدين فجأة نقلب عليهم عربي!
ولمن كنا نسألهم بالبدايات يقولولك لسه ماقررنا لمن يجي وقتها نفكر ويكون خير , ....يارجل ؟
.

وبعدين الطلاب واللغة الانجليزية . ".مهما تصد عني ولا تباعدني وراك انا والله مالك مفر مني .. :"
يابني متى تفهم ان اللغة وراك وراك ..تبي تكمل دراسات عليا وراك..تبي تتوظف وراك ..
سلم امرك لله , واذا لغتك ضعيفة اشتغل عليها من بدري للامر يفيدك في مستقبلك ,احسن من انك تتخرج وتقعد مع نفسك في البيت انت ولغتك المضروبة !