ساعدوني الله يفرج همكم

[تولين^_^]

شكرا لكل من رد جزاه الله خير والله يفرج همكم يارب

وبالنسبه لسؤالك اختي رتاج اتوقع يخلص علي السبت او الاحد مو الجاي الي

الجاي الي بعدو لان غالبا الاثنين تنزل جدول والثلاثاء حذف واضافه

وبالنسبه ليا رحت والله دكتوره مره مصعبتها وتقول اذا

رحت لرئيسه القسم حتعطيني صفر وانا والله نفسيتي

مره اكس وضايعه مو عارفه ايش اسوي وقالت لااحلم ولابدرجه

المشكله انا وهيا ماعمرو حصل بينا شي وانا دايم فحالي

بس هيا قد ماكلمتها مصممه ان الوضع استهتار رغم ان درجاتي ومعدلي يوضحلها بس انا مني عارفه

ايش اسوي دحين هل تتوقعو تقدر تعطيني صفر فعلا وهل لو رئيسه القسم

قالت تتعدل الدرجه ينفع الدكتوره ترفض وتقول انا ادرى وانا اشوف انها ماتستاهل

وبالله الي ينفهم فالنسب ياليت يخدمني ويرد كيف الطريقه لو مثلا اخدت فالنهائي ٣٥ من ٤٠

كم اخد من٢٥ فالدوري وادعولي فظهر الغيب احتاج دعواتكم وشكرا

[رتاج]

حسبي الله ونعم الوكيل ..
نفسي اعرف ليش يزعلوا لما تقولي رئيسة قسم ؟؟؟ يعني ايش رح تسويلها ؟؟
الله يعوضك ياحياتي والله نفسي افيدك بس ان شاء الله رح تلاقي احد يفيدك في المنتدى

[من الجامعة]

طيب عندك عذر الاختبارك الغايبة عنه؟؟
لو تقدري تحاولي في الدكتورة بطريقة ودية افضل
+
نصيحة لا تهتمي ولا تكدري نفسك الدنيا ما تستاهل كل هذا .. انا مقدر وضعك فعلا ولكن كل شي بحدود اختي الكريمة واسأل الله ان يعينك

[بيونه الغامدي]

الله يفرج عليك يا قلبي ...

[الشيمآء]

لو أخدتِ 35 في الفاينل .,
بنسبة 25% تاخدي 8.75 درجة .

بس هل أنتِ متأكدة إنو 25% من الفاينل فقط, مش من مجموع الدوري الأول و التكليف و الفاينل ؟
لو من مجموع درجاتك تاخدي 17 درجة, مش 8 بس !

أنا حصل لأختي نفس الموقف, الفرق إنها غابت عن دوري مادة عامة, و سووا لها قروشة :/ !
مع إنها قدمت عزر طبي و من مستشفى حكومي كمان :/
بس في النهاية أخدو نسبة مجموعها , مش نسبة الفاينل بس !!

[تولين^_^]

اختي من الجامعه اولا مشكوره لردك جزاكي الله خير ثانيا انا عندي عذر اكيد وكلمتها

وهذا الي قاهرني وقبلت وانا مقهوره علي تعبي وعلي اني تخرج ماباقيلي غير

بحث وتدريب حتضيع عليا فرحتيي وتعبي طول الترم والمعدل مره تخسف بسبب دي الماده

وحتضيع عليا شهاده معينه بس حسبي الله ونعم الوكيل الله يفرجها يارب

وبنوته الغامدي الله يسد قلبك وييسر امورك وكل من رد

واختي شيماء انا مافهم بموضوع النسب بس من كلامها كدا فهمت

والشكوى لله حروح السبت مره تانيه والله ييسر