صفاته

[خلود 99]

وعليكم السلام
اهم شيء يكون بار بأهله .. جامعي ..متوظف ..مو صاحب سفرات ..
واكيد يكون فيه وسامة بس مو كثير (لاني غيورة ) ..اسمراني .. مثقف ..حنون.. ما يدخن ..وما يلبس جينز( اكيد بتستغرب بس انا كذا اشوف الثوب والشماغ افضل ويعطي هيبة)
والاهم من كل هذي الاشياء سمعته ..شهم ..كريم ..يقدر المرأة

[الوردة الموفية]

و عليكم السلام ..

..

طبعآآ الدين و الأخلاق أهم شي ..

..

بعدين أبغآآهـ إنسان متعلم .. متفهم .. حنون مرررهـ وطيوووب .. و مو متنآآقض .. و مو شكاك ..
ما أبغآآهـ من الي يسوي قوي عليآآ قدآآم الناس عشان يبين انه رجآآل << رآآح أذبحه
ما يتآآثر بكلام أحد .. وله شخصيته .. يعني مو أي أحد يقوله سوي كذا يروح يسويه
اسمرآآني .. خرجآآته مو كثيرهـ من البيت .. مو رآآعي سفرآآت و استرحات
وأهم اهم اهم شي ما تكون عينو طويله وحق بنآآآآآآت

عآآدي يشجع أي فريق بس أهم شي مو نصرآآوي عشان لا يكوون نفسيــــه << أمزح أمزح

بس :)

[الـــــــدلوعه نونــا]

وعليكم السلام ...... من زمان استن هذا السؤال...

بسم الله ...اولآ
1_ يكون ملتزم {يعني محافظ ع الصلاه ،ومايسمع اغاني ،ولايدخن ،}

2_ يكون جامعي ومثقف وموظف .

3_ هادي ،ورومنسي ،حنون ،وطيب وفي نفس الوقت دموه خفيف.

4_ مايكون احلى مني ،عشان لايشوف نفسوه علي. وفي نفس الوقت مايكون شاكوش .

5_مجسم ،ولون بشرته برونزي ، ومايكون اصلع ،ومايكون له دقن .افضل السكسوكه احسن ..

6_يحب المفاجئآآآآآآآت ، والسفر .

7_مايكون لضحكيه صوت عالي . لاني بتقزز..يع.

8_يكون استايل ويحب الموضه .

9_مايكون فوضوي ،،ويحب الترتيب .

10_يساعدني في شغل البيت ، يعني يطبخ معايه يرتب ملابسو .يعني شغلات زي كذا..

11_ يحبني ويموووت فيني ،ولا يتزوج عليه مهما كانت الظروف ..لآني رح اكون وفيه معاه ..

12_اي شي اطلبو منو يقولي ....يا لبيه ،تم..

13_وحيد امه وابوه .. يعني ماعنده خوات يغارو مني ...

14_ وتكون امه ميته ... يعني يتيم .. عشان لاتعذبني ..

وايش كمآآآآآآآآآآن ... ماأظن بقيت شي ....الله يكتب الي فيه الخير...

وطبعآ هدي مواصفات فارس احلامي....
ماطلبت شي صح..
وشكرآآ ...

[O-DODY-O]

المشاركة الأصلية كتبت بواسطة البستان أنا ما عمره جاء ببالي اسأل أمي هذا السؤال ... لإنه ما خطر فيني و أحس إنه جواب أمي الطبيعي ...إنو البنت تكون " بنت ناس " و أقصد ببنت ناس يعني متربية ... و محترمة ...هذا واحد ... و الشئ الثاني اللي يهمها إني أكون مرتاح معاها ... لكن عن نفسي ... ما تهمني المواصفات .... أكيد راسم بنت في بالي ... لكن ممكن يصير عكس اللي راسمه ... يعني لو بنت أخلاق و دين , و دق قلبي لها " هذا عندي من أهم الشروط " ... و شكلها حلو " لكن مو شرط خارقة الجمال " ,,,, لكن ماتشوفوا إنكم شوية مصعبينها ..؟؟!!! يعني أختي اللي طلبت زوجها مايكون عزابي ... لإن العزابي في نظرها داشر ... أنا مو أستاذ عشان أصحح لها ... لكن لي 2 من أصحابي عايشين عزاب و يعلم الله إنو إخلاقهم و تدينهم أحسن من كتير ... و كتير عزّاب زي كذا ... أما , حضرتك يا أختي ...فطالبة مواصفات " سوبر مان " ... ماشاء اللله يبغالك واحد تفصيل ... ما أبغى أيأسك بس لازم تتنازلي شوية و خلي دعوتك زوج صالح يناسبك و تعيشي معاه بسعادة ... لا تنسي المثل اللي يقول ... إذا أردت زوجة كخديجة فكن زوجا كمحمد صلى الله عليه و سلم .. أما أختي اللي طالبة إنو يكون ما يدخن و لاياكل فصفص , الدخان من حقك ... لكن الفصفص!! لو إنت ما تحبي الفصفص ... ممكن هو ما يحب الشوكولاتة و يشترط إنو زوجته تكون ما تاكلها ... صح ؟؟

انتا ما فهمتني

انا ما اقصد عزابي عشان يشتغل في مدينه غير اللي اهلو ساكنين فيها

ولا اقصد عزابي عشان دراسه ولا اي شي من كذا

انا اللي اقصدو عزابي طول عمرو عايش لوحدو واهلو في نفس المدينه بس طاردينو من البيت

والله بجد ترا ناس كتير كدا انا اخواتي 2 اتزوجو عزاب بذا الشكل اللي انا اقصدو

والله العظيم يعني ايش اقولك مافي شي اسمو حرام ما يسووه

الله يستر علينا وعلى خلقو

وبس هوا دا

اما اللي تكون طالبة واحد دمو خفيف ، امكن تكون سمعتو دمو خفيف ، وبالنسبة لها لمن تتجوزو حتعتبر دمو تقيل ؟

ما فهمت ايش تقصدي

بس انا جالسه اقول انو اللي اتمناه يكون متوفر فيه ذي الحاجات اللي كتبتها

وغير كدا اكيد اخواني قبل كل شي راح يتعرفو عليه واكيد حيبان طبعاً اذا دمو خفيف ولا تقيل

واذا دمو تقيل مو مشكله اقولو لا تحاول تخفف دمك ولا تمزح معايا ابداً

[همس البنفسجْ]

المشاركة الأصلية كتبت بواسطة الـــــــدلوعه نونــا 13_وحيد امه وابوه .. يعني ماعنده خوات يغارو مني ... 14_ وتكون امه ميته ... يعني يتيم .. عشان لاتعذبني .. وشكرآآ ...

أول شيء ربي يرزقك الزوج الصالح ي رب

تاني شيء لفت نظري رقم 13 و 14

لاحظت انو في كثير ناس يبون دا الشيء

طيب حرام بعدين عيالي حيفتقدوا معنى الجدة والعمة وهذا معنى خاص ابد مايتعوض

حرام انا مرا أحزن ع دا الشيء ،، وبعدين ليش تعذبك !

اذا أسلوبك حبوب معها ،، والله ماراح تضرك

ان شاء الله تجيك عمة و اخوات زوج طيوبين مررررا عكس ماتتخيلي وعيالك يفرحون بوجودهم

[الـــــــدلوعه نونــا]

المشاركة الأصلية كتبت بواسطة همس البنفسجْ أول شيء ربي يرزقك الزوج الصالح ي رب تاني شيء لفت نظري رقم 13 و 14 لاحظت انو في كثير ناس يبون دا الشيء طيب حرام بعدين عيالي حيفتقدوا معنى الجدة والعمة وهذا معنى خاص ابد مايتعوض حرام انا مرا أحزن ع دا الشيء ،، وبعدين ليش تعذبك ! اذا أسلوبك حبوب معها ،، والله ماراح تضرك ان شاء الله تجيك عمة و اخوات زوج طيوبين مررررا عكس ماتتخيلي وعيالك يفرحون بوجودهم

امييين...

والله انا شفت خواتي قد ايش همه طيوبين مع اخوات ازواجهم ... بس لازم تكون فيه غيره بيغارو ويكرهوكي كذا من غير سبب ....

اما ام الزوج ...فبتحس انك خطفتي ولدها منها بتقول والله انا اربي وغيري يتهنى فيه ...فبتكيد لك ومن هدا الكلام ...

وإذا ع البزارين يكفي يكون عندهم خوال وخالات ..

فأ انا اختصر المسافه ..واتزوجلي يتيم ووحيد امه وابوه ... وبلا وجع راس ....
الي يوافقني يعطيني لايك .....

[fofo_27]

اهم شي طبعا يكون الايمان بقلبو ,,,والهداية بيد ربنا
وتفكيره منفتح وبتقبل النقاش وبار باهلو , متواضع
ااما عن مالو الرزق بيد ربنا همي يكون شغلو بتعبو ووظيفتو محترمه ومخلص
ويكون صاحبب مسؤليه ومستعد يكون اسره يعني ضميرو صاحي
واما عن ماضيه ماهمني اهم شي كيف يكون معايا
واذا عالشكل مقبول يعني مو مهم قد مايكون قلبو صافي واخلاقو حلوه وتعاملو كويس
يريت لو واحد يكون الرسول قدوتو بكل شي مافي احلا من كدا

[RHF]

هاااي دودي وحشتينا يختي

انا افهمك ايش اقصد ،

دحين انا ابغا واحد حنون و رومنسي و دمو زي العسل ،

ططيب انا لمن اتجوز ايش يدريني انو اللي اتجوزتو زي كدا ؟؟

دي اشياء ما ينسأل عنها فاهمتني ؟؟

يعني مو لمن احد يقولي يا رهف دا رومنسي ، خلاص حصدق انو رومنسي ؟؟

باختصار دي ممكن تزبط معانا ممكن ما تزبط هههههههه بس احنا نحطها من الشروط لعل و عسا نلاقي اللي زي كدا

يعني مع العشرة ممكن احس دمو خفيف ، واحسو حنين ، وزي كدا ,,
//


اما لمن اكون حاطة شرط ، يكون جاااامعي ،

يوم اجي اسأل ، حييقولو ايوا هادا جامعي ، او لا دا مو جامعي ،

اهوه احنا عارفين و متأكدين انو جامعي ,,

//
شي تاني مسلن ، انا حاطة شرط واحد يكون وسيم ، من يوم اتجوزو حاكون عارفة انو دا الشخص وسيم يعني باين خلاص ،،

فهمتيني ؟

معليش بوستان عملتلك زحمة في موضوعك ،

[شدندن]

وعليكم السلام ورحمة الله وبركاته
اممممم

1/ دين بس مو متشدد , يحب اهله واهلي .
2/ يصلي بالمسجد .
3/ حليوا قمحي .
4/ طيب حنووون .
5/ كريم .
6/ يمشيني كل يووووووم ولا يزهق .
7 / مثقف .
8/ مرن مو متعصب .
9/ يلبس ثوب وشماغ ما يلبس جنز ابداً قدام الناس بس قدامي >> عشان يكون تكانهـ.
10/ متفهمـ .
11/ يسفرني ههههههه اقصد نسافر كل سنة .
12/ يشاورني بكل صغيرة وكبيرة .
13/ يسأل عن كل شيء بأولادهـ .
14/ ثقيل مع الناس وريشة معي .
15/ ما يجرح يعني مو دفش لبق .
16/ يحترمني مهمممممم قدن قدن قدن قدن .
17/ عيونه عيونه ما تكون طويلة ماهو مخفه كل ما شاف بنت تنهد .
18/ رومنسسسسسسسسسسسسسي > غشيتها من رهف > شكراً رهف مهمه دي اوي .

وبس
وشكراً

[رنيم سليمان]

وعليكَ السلام ورحمة الله وبركاته ..



في البداية أٌفَضِلْ بالنسبة للعمر فوق الـ25 " الأسباب كثيرة "

أستثني أقل من 25 إذا شُهد له بالعقلانيه والنضج وليس النضج الخارج عن الدين

كما يتصور البعض ويرى المصطلح في غير موضعه .


الأخلاق والسمات :

عاقل ناضج حكيم متفهم متطلع محترم

حنون عاطفي كريم ملتزم بتعاليم الدين يحسن المعاملة والمعاملة تشمل أنماط الشخصية

فحساسيتي وعاطفيتي مثلًا لا تُعامل كمثل معاملة رجل لرجل

المهم المهم المهم

1- أن لايكون باردًا لأنني حَارَه ولا أتحمل الحياة مع انسان يملك هذه الصفة

2- أن لايكون من أصحاب العيون الممتدة كما أقول دائمًا فهذه الحركة تثير أعصابي لدرجة جنونية


المال :

لا أحب أن أتشرط في هذا الجانب

فلطالما كان الغني بخيلا وكان المقتدر البسيط كريمًا

إذًا المهم العَطاء وليس مِقدار مايملك فقد يملكه لذاته أو لايحسن التصرف بماله .


لا أحب أن تكون هنُاك رسميات أو " استخسار " لأنني إذا أحببت الشخص أهديته بقدر استطاعتي بلا حُسبان

فإذا شعرت بأنه يستخسر المال أو الشئ لأجلي أو يجعل بيننا بعض الرسميات في الأخذ والعطاء ولاتكون متبادلة بطبيعتها

حينها ستكون النفس قَد طابَتْ وسأضطر أبادله الرسمية ذاتها وهذه الصفة أُفضلها مَع مَن أحب ولاتنحصر على الزوج .



الشكل :

النظافة والاهتمام سواء كانت داخلية أو خارجيه

فهناك من يكون جميلا ولايبرز جماله وهناك من يكون عاديًا ويبدو بصورة أجمل مِن غيره

أمًا الجانب الخلقي فهذا مالايملكه الإنسان لنفسه وليست لي شروط فيما لايكون بيد الفرد .




أتمنى أن أجد فيه مافتقدته بشكل عام

وأن يكون بداية خير على حياتي بالانتقال للأفضل دومًا في ديني ودنياي

أفضل شعور لدي عندما التمس بأفعالِه أننا نسعى إلى الجنة مَعًا ليصاحبني وأصاحبه فيها ~