اش هوا اختبار القسم ؟ + تذكير زيارة الجامعة قبله بأسبوع !!!!

[نسمة امل]

على الطالبات المتقدمات لكلية الإقتصاد والإدارة مراجعة الكلية قبل أسبوع من موعد اختبارات المفاضلة وذلك للتأكد من وجود أسمائهم في قائمة المسموح لهم بدخول اختبار المفاضلة.

على الطالبات المتقدمات لكلية الآداب والعلوم الإنسانية مراجعة الكلية قبل أسبوع من موعد اختبارات المفاضلة وذلك للتأكد من وجود أسمائهم في قائمة المسموح لهم بدخول اختبار المفاضلة.

على الطالبات المتقدمات لكلية العلوم مراجعة الكلية قبل أسبوع من موعد اختبارات المفاضلة وذلك للتأكد من وجود أسمائهم في قائمة المسموح لهم بدخول اختبار المفاضلة.
منقول من موقع الجامعة الخطوات مابعد الترشيح ,بالتوفيق للجميع

[غريبه بدنيتي]

لاحول ولاقوة الا بالله

[qamar_1985]

طيب اختي بالنسبة للاقتصاد المنزلي قسم تغذية في اختبار ولالا

[never hide]

المشاركة الأصلية كتبت بواسطة qamar_1985 طيب اختي بالنسبة للاقتصاد المنزلي قسم تغذية في اختبار ولالا

و الله ما أعرف لكن أسألي رئيسة قسمكم أكيد عندها خبر.

إن شاء الله الدمية الفاتنة تشوف سؤالك و تجاوبك لأنها نفس تخصصك ...

بالتوفيق ....

[TheLady]

السلام عليكم

انا اختبرت العام وفعلا اتفاجأت لما قالولي المفروض تكوني جيتي قبلها باسبوع عشان تتأكدي انه اسمك مدرج
بس الحمد لله كان موجود
لانه اللي كانت مستبعدة بس وحدة الظاهر عندها مشكلة في اوراقها ماهي كاملة او ما ادري بالضبط

المهم انا عندي سؤال الله لا يهينكم

المراجع اللي نقرأ منها ايش هي ؟؟ لاني متخرجة ن جامعة ام القرى وما عندي فكرة عن الموضوع ؟
سمعت ان الاختبار بقسم كلية العلوم حايكون عام وعربي هل الكلام هذا صحيح واللا لا ؟



تحياتي

[ابوفارس1122]

انا لما سلمت اوراقي .. قالوا لي تعال يوم الاختبار .. 9/5

وما في احدجاب سيرة .. زيارة الجامعة والتاكد من الاسم ..

[never hide]

المشاركة الأصلية كتبت بواسطة ابوفارس1122 انا لما سلمت اوراقي .. قالوا لي تعال يوم الاختبار .. 9/5 وما في احدجاب سيرة .. زيارة الجامعة والتاكد من الاسم ..

أنا قالو لي اسألي في قسمك عن الاختبار

و بعدين الكلام دا من الموقع حق الجامعة

اصلا كيف راح اعرف مكان الاختبار ووقته

[never hide]

المشاركة الأصلية كتبت بواسطة thelady السلام عليكم انا اختبرت العام وفعلا اتفاجأت لما قالولي المفروض تكوني جيتي قبلها باسبوع عشان تتأكدي انه اسمك مدرج بس الحمد لله كان موجود لانه اللي كانت مستبعدة بس وحدة الظاهر عندها مشكلة في اوراقها ماهي كاملة او ما ادري بالضبط المهم انا عندي سؤال الله لا يهينكم المراجع اللي نقرأ منها ايش هي ؟؟ لاني متخرجة ن جامعة ام القرى وما عندي فكرة عن الموضوع ؟ سمعت ان الاختبار بقسم كلية العلوم حايكون عام وعربي هل الكلام هذا صحيح واللا لا ؟ تحياتي

طيب انتي اختبرتي العام كيف كانت الأسئلة

شكلو لازم نروح نسأل لانو ما في احد يعرف ياليتها الجامعة قريبة

[TheLady]

الأسئلة كانت عامة بس انا العام قدمت على كيمياء حيوية
ماخلو شي اللا وحطوه في الاسءلة نبات على حيوان
اتذكر اسئلة عن الهرمونات وأسئلة عن الميكرو واتذكر سؤال فيه عن تصنيف النبات كمان
وكان الاختبار عربي !!
بس والله الاختبار كان سهل
والله كنت حاطة القبول في جيبي لكن للأسف ما انقبلت

انا ودي اعرف هل الاختبار على طول كذة واللا يختلف من عام لعام

موفقين !!

[never hide]

المشاركة الأصلية كتبت بواسطة thelady الأسئلة كانت عامة بس انا العام قدمت على كيمياء حيوية ماخلو شي اللا وحطوه في الاسءلة نبات على حيوان اتذكر اسئلة عن الهرمونات وأسئلة عن الميكرو واتذكر سؤال فيه عن تصنيف النبات كمان وكان الاختبار عربي !! بس والله الاختبار كان سهل والله كنت حاطة القبول في جيبي لكن للأسف ما انقبلت انا ودي اعرف هل الاختبار على طول كذة واللا يختلف من عام لعام موفقين !!

بالله كذا عام مررره ؟؟؟؟؟؟ ( معلومات عامة يعني ؟؟؟؟؟ )

... يعني يبغالو مذاكره و لا ضربة حظ على قولتهم .

و الله يا ختي ما اعرف ... بس سمعت انه مو سهل ...

بس انتي كذا طمنتيتي الله يطمنك و يرزقك القبول آميييين