عاجل نداء بكرة التجمع عند قسم الادارة( اجهزة التطوير)

[أصـيـل]

مساكم الله بالخير ياشباب

اولا التجمعات ثقافه لا تستخدم في مثل هذه الحاله لانها ليست ظلما وجوراً علينا بشكل واضح . .

يستطيع الدكتور ان يقيم ع كل من تجمعو الحجه وفي الاخير يكون الخسران من قام بالتجمع والنجمهر وللمعلوميه انها تخالف تعليمات وقوانين البلد فما بالك تتجمع وانت لست صاحب حق . .

الدكتور يقدر يجيب الاسئله ويطلعها كلها او بنسبة 95% منها م الكتاب وبذلك تكون انت من عليه الحق وتدفع الثمن غالياً . .

فان كنتم صادقين فتراجعوا واستعيذوا من الشيطان لانكم ع خطاء . . فليست التجمعات ع اتفه الامور او ع امر انت الخاسر في النهايه التجميع ع امر انت الكاسب فيه مئه بالمئه . .

ثانياً هناك حجج قد تقام عليكم ومنها لماذا لم يطرق باب مسئول الادارة العامه او العماده او مدير الجامعه فماذا سيكون ردكم . . ؟ لن يفتح احد بابه . . ؟ بيرد بيقول ماطرقتم علشان ماافتح . . وغيرها من الحجج . .

انتم الان اكاديميون مقبلين ع تخرج وانتم العقلاء في مجتمعكم لا تتصرفون بامور تجهلوا عواقبلها افعلوا ماتعرفو عاقبته ان خير لك لا شرا لك . .

نصيحه لا اكثر ولا اقل . . مع العلم انني متضرر ايضا مثلكم من الاختبار ولكن لابد من تحكيم العقول في كل الامور لا ان ننجر خلف العواطف مباشرة . .

هذا والله من ورا القصد . . ,

[جالكسي والزمن عكسي]

المعرف لزوجتي
والله ياشباب اني اختبرتها قبل العام وجبت فيها f وكل ترم احذفها لانه من يوم جانا بالقاعة واحد معاه ملخص وقال له انت مذاكر منه قال نسبة نجاحك 50 بالمية قال اصلا الوجوه هاذي ماهي غريبة علية اختبرت عندي قبل كذا وهو صادق لان اللي ينجح فيها اول مره واحد من الف ويعطية60 والله المقالي معطينا علية 40 درجة يوم بعض الشباب يقول المقالي عليةمن 10 الى20 والله انه حاط 40 درجة كاتبها بنموذج الاسئلة

[ashmrane]

اكيد التجمع علشان نروح الى اعلى مسؤل ونتوصل الى حل مع هذا الدكتور بلعكس نتجمع ونذهب الى اعلى مسؤل وبكل احترام وتقدير

[مشوار طويل]

ياشباب خلونا نشوف كم واحد اختبر اجهزة تطوير وعنده اختبار تقييم برامج يوم الاحد وخلو التجمع يوم الاحد بعد الماده

ونبي يكون المتحدث بس ثلاثه من الطلاب ويملكون اسلوب الاقناع لمواجة حداد (( الاندونسي))

انا الحمدلله حليت بس انا اولكم اروح

بكره اتوقع مايمدي لازم يكون بعد فترة اختبار التقييم الاحد 9صباحا وبعدها نتواعد بمكان قريب من المبنى ونتفق ونشوف وش حنى عليه وانا اولكم عزمو وماعليكم لو وصل عددنا الى 300 طالب كويس بيكون لنا صنه ورنه والي واصل بسبق او عاجل يرسل لهم الصور واذا ماطلعنا بشي اقل شي نسوي شوشره عليه

نفس طلاب قسم اللغه العربيه بجامعة الملك فيصل سوو تجمع وطلاب ابها تجمع 4000 و7000 طالبه خشو اليوتوب وشوفو

حسنا الله ونعم الوكيل

انا اشوف الاحد الجاي ازين اقل شي قدامنا وقت ننسق ونجمع اكبر عدد ممكن

بالتووفيق لكم


سلميه سلميه مانبي يصير الي صار بعرقه تكفون

[وطن.!]

اذا فيكم رجوله نجتمع بكره ونزعزع عليه اموره ترون هذي تفتح عليه العيون خصوصا انه كل ترم يسوي كذا بطلاب اقل شي يشيلون منه الماده لانها اصبحت معرقله طلاب التخرج ومحد قادر يتخرج بسببها

[عبدالعزيز*ابو فهد*]

طق الحديد وهو حامي وانا اخوك

[مشوار طويل]

ياشباب الي وصلني واكيد انو من اغلب دكاترة الجامعه وهو دايم مع نفسه

يعني فرصتنا اقل شي نشوشر عليه

[مبطي]

معكم الله لايعيق بشر مع اني والله حال كويس بس معكم لا رحم من ياقف عنكم
بس لازم نختار متحدثين لبقين وقويين الحجة والبيان وتفق علىة مطالب معينه نتفاوض معه على اساسها

[وطن.!]

طيب نبي تاييد الاغلبيه وانا مع كلام مشوار طويل يوم الاحد مناسب
وشرايكم ياشباب

[النجم العالي]

شددددووووو الهمه ياشبااااب تكفوووون حدد لنا يوم خلو كلمتنا وحده

ترى السكووت ماراح يجيب الا ابو جلمبووو خلونا نسوووي اي شي علشان يساعدنا