((المواقف الطريفة في فترة الأختبارات - الدعوة عامة))

[حمد الودعاني]

فيه واحد من اخوياي مايذاكر نهائي معتمد على الله ثم علي

في اختبار الحكومه الالكترونيه الترم اللي راح كان جالس بجنبي بدا الامتحان الرجال ماعرف شي بعدين قالي اخذا اسالتي حلها وردها لي لان نموذجه غير عن نموذجي اول ماحصلت فرصه اخذت ورقته على اساس اني اعطيه ورقتي بس انا قلت خله يحس شوي ويهتم ماعطيته اسالتي جلست احل له وهو جالس بدون ورقة الاسئلة يصيح علي تكفى المراقب لا يشوفني عطني ورقتك
مر المراقب من عنده الرجال انسدح على الطاوله
حليت اسالته واعطيته الورقة وماشاء الله اخذ 80

[تعبت انتظر:)]

موقف صارلي انا ذاكرت من ملزمه وزميلتي ذاكرت من كتاب

المهم دقيت وانا في البيت عليها وقلت كرسي جنبك (احجزي لي كرسي)

بس الاتفاق مااكتمل ههههههههههههههه وحنا جنب بعض دخلت علينا المراقبه ووزعتنا الله يوزعها

حطتني قدام وزميلتي في الكرسي اللي ورى ..........

[مجنون العالمي10]

واحد(بدوي) صاده مراقب (جداوي طينه) وقاله ليش تناظر في اللي جنبك قال والله ماطلعت صوبه يابن الحلال قسم بالله ما اطالع صوبه قال له المراقب خلاص لا عاد تصوبها على خويك صوبها علي الورقه ههههههههههههههههههههاي

[Zanetti]

المواقف المضحكة في هـــــ الجامعة كثيرة مرت فيني ,,

راااح اسرد آآآخر موقف مضحك مر فيني هدا الترم ,,

آآآخرها في اختبار تخطيط استراتيجي ,, اختبر جنبي واحد ما أعرفه ,, وكأنه بـ يتميلح ويبيني أساعده ,, وشكله ما عرف كيف يبدأ حواره معي ,,

المهم في البداية ما عطيته وجه ,, ثم حاول يدخل معي ,, وقال " لا تقولي ساعدني" ,, خخخخ ,,

التفت عليه وأقول " ومن طلب منك المساعدة أصلاً " ,, المهم بدأ الاختبار وركزت في ورقتي ولا اهتميت به ,,

وأثناء الاختبار التفت عليه ولاحظت أنه حال كدا سؤال خطأ ,, حز بخطاري بصراحة ,, قلت يا ولد ساعده.

على العموم ,, ساعدته يمكن في ثلاث أو أربع أسئلة وعلمته الإجابات الصحيحة ,, بعدها لا حظت أن الولد

فلها واااجد (بجد واااجد) كل شوي يطلب مني أحل له سؤال ,, مع العلم أني ما أعرفه ,, وحليت له برضوا كدا سؤال مساعدة مني ,,

ثم سحبت عليه شوي ,, وحليت أسئلتي ,, وتفاجأ بأن الأخ ,, ما اكتفى يريد بعد بعض من المساعدة وأحل له كدا سؤال ,,

انقهرت منه وكتبت له في ورقة الاسئلة الخاصة بي " ترى يا الحبيب ما أعرفك ,, وما قصرت معك بالي عطيتك ,,

فك عني عاد " وبعدها قال " مشكور ,, ما قصرت " ولا سألني بعدها ,,

[control]

تحصل معدله فوق الثلاثه ونص ومستواه احسن من مستوى الي مايفك الكتاب هالاشكال يسبب لك شوشوره في القاعه ووتحصله مثل الرادار في القاعه بس يتلفت ويغش والسؤال الاشد قبحا لا جلس جنبك واحد ماتعرفه ولا يعرفك ثم يعطيك ابتسامه بعدين يتنحنح ويقرب منك ويسأل السؤال الغبي : ها عساك مذاكر كويس ؟ وش دخخخخخلك ياخي مذاكر ولا لا !!!!

ترفع ضغطي العينات هذي .... يبي ينجح ع الباااارد المبرد ،،،

لا ياحبيبي معليش أنا والله ما تعبت نفسي وذاكرت وراجعت وجلست احفر الدنيا وادور أسئلة
السنوات اللي راحت وأحلها وأتوتر وأتعب نفسياً عشان تسوي لي قلق وقت الإختبار ،،،

وبعدين الواحد يستحي على دمه ياخي هذا كبره ويغش أول شي حرررااااام ثانياً أنا عندي قاعدة ( كل طير ياكل بمخلابه ) ( والذيب ما ياكل إلا من صيده) والله مجهودي وهذا اللي كاتبه ربي لي وأستحقه ،،،،

أشكرك أخوي اليورو على طرح الموضوع موفقين جميعاً ،،،

[ميماالميما]

أما أنا قاعده علي بالخير بالمحاسبه الحكوميه دخلت واحده مسيكينه بالها مو معاها سلمت وقعدنا نتكلم تقولي جيت الساعه واحده الظهر افكر الاختبار وعرفت انه اربع ونص ورجعت بيتي وولدي يبكي وديته لاختي مستعجله وانا منسجمه معاها واقولها حصل خير الله يعينك وتتطلع ملزمتها عالطاولت وانا مع الانسجام ماطليت ودخلوا الاستاذات خلاص توزيع أسأله إلا اللي جنبها من الناحيه الثانيه تقولها بتعجب اقتصاد كلي لانحن محاسبه حكوميه وانخرطت البنت وبسرعه قامت
دخلت بعدها واحده وجايه تقعد ماصدقت تلاقي كرسي وتطلع موارد بشريه
اخرتها البنت قالتلي شكله النحس جاي منك.
وعدت على خير الحمدلله كل شوي اشوف الجدول أتأكد من أيام اختباراتي.

[غليــص]

هلا وغلا بالجميع

موقف صار لي بالقاعه اخر مادة اخلاقيات العمل المهم كان المشرف على القاعه مصري والمراقبين سعوديين

المهم في شباب يسولفون وقت الاختبار والسعودي يقوولهم ياااااااااااااشبااااب بدون صوووت ((( يعني غش بدون صوت )))))

وجيك المصري هههههههههه ياااشباب بصوت والله بدون صوت لا تغشوووووووون

وشوف القاعه اهتزت من الضحك هههههه فله المصرري

[fabry]

انا طحت في واحد خرجاوي يعني من الخرج باختبار قراءات ادارية باللغة الانجليزية الرجال بدا يعبي الطاولة وجايب له برشومه كبر راسه قلت يا ولد تراك بتجيب العيد وقال لي تراني ما ذاكرت وابيك تساعدني قلت له انا طريقة مساعدتي احل بورقة الاسئلة قال اوكي المهم الرجال نقش الاجوبة ويوم خلصت وبغيت اطلع اسلم ورقتي قال بصوت عالي بيض الله وجهك وتامرني على شي انا انلخمت قلت شكله وجه نكبه وشوي الا طالع وراي وموجهين نسلم الاسئلة الا احد المراقبين يقول حلوة روح التعاون قعدنا نوزع ابتسامات لين طلعنا من القاعة والله ستر علينا ولا وعطاني رقمه وخذا رقمي ولزم علي اسير عليه < يضبط وضعه عشان الترم الجاي

[doom_ss]

ههههه مواقف الطلاب لاتنتهي , لازم لكل أختبار يكون فيه شي غير ومميز ..

..

الموقف الي ما أنساه , جه جنبي واحد مطوع .
سلم وقعد عادي جدا" . عاد انا انبسطت قلت أكيد المطوع ذه مذااكرر وبنغش منه صح

بداء الاختبار , الاخ كتب أسمه وقعد ينتظرني حل !!!!!
ويتلفت يمين ويسار وقدام . حايس حووس . طلع ماهو عارف شي .

الدكتور كلمه اكثر من مرره ,
وف الاخر الدكتور عصب وقله : يا أخي أستحي على وجهك والله لو أقابلك في مسجد أخليك أنته الأامام . ههههههههه

[SkAyLaR]

المشاركة الأصلية كتبت بواسطة مجنون العالمي10 واحد(بدوي) صاده مراقب (جداوي طينه) وقاله ليش تناظر في اللي جنبك قال والله ماطلعت صوبه يابن الحلال قسم بالله ما اطالع صوبه قال له المراقب خلاص لا عاد تصوبها على خويك صوبها علي الورقه ههههههههههههههههههههاي

ههههههههههههههههههههههههههههههههههههههههههههههههه

اما عاد صوبها في ورقتك هههههههههههههههههههههههههههههههههههه