عنآقِيـد عسجدية , قطافها بين أيديكم دفعة 13

[noonz]

* تجربة العضوة : Respect me respect you بسم الله الرحمن الرحيم السلام عليكم ورحمة الله وبركاته , مساؤكم رضا وسعاادة اولا اشكر صاحبة الفكرة بصرااحة , راح اتربع لكم واقولكم مافي جعبتي من كلاام اول حاجة : الثقة ثم الثقة ثم الثقة بربنا اذا طبقتوا هذي الجملة حتمشوا في السنة التحضيرية بالطول والعرض بإذن الله , رضا الوالدين والمحاافظة على الصلاة مو علشان بس السنة التحضيرية علشان تتوفقوا في حياااتكم . * (بالنسبة للانقلش انا افضل تبدأو من المستوى الاول حبة حبة تطلعوا على السلم وجهة نظري) لكن اختبروا اختبار تحديد مستوى يمكن تتعدوا المستوى الاول والثاني وتوفروا عليكم ساعات دراسته لانه هوه يدرس 4 ساعات كل يوم بالنسبة للمذاكرة اول بأول وترجمة كلمات اول بأول ( لانه دراستنا كلها انقلش ) ومسك نماذج سنوات راحت ومالكم الا الفل مارك , وفيه حاجة ماله لزمة انه نجيب مدرس او مدرسة خصوصية شدوا الحيل واتبعوا النصائح ومالكم الا الدرجات اللي ترضيكم ( وفي النهاية هيه حرية شخصية تجيبوا او لا ) . *بالنسبة للحياة الاجتماعية راح تاخذ الدراسة من وقتكم كثييير راح تفتقدوا الجلسة مع اهلكم وناسكم إلا اذا قدرتوا توازنوا بين الدراسة والجلسة مع اهلكم واذا ماقدرتوا وضحوا لاهلكم الشغلة وبينوا لهم انها سنة مصيرية علشان تتخصصوا التخصص اللي تبغوه وان شاء الله هما حيتفهموا ( بس مو لدرجة ماتشفوهم ولا يشوفوكم مررررة صعبة ) . * في السنة التحضيرية تحس نفسك في حلبة مصااارعة من كثرة الطلاب والطالبات الدوافيير راح تصااارعوا كثييير علشاان توصلوا , لا تسمعوا كثيير للقيل والقال وكثرة الهرج والكلام خذوا الاخبار الأكيدة من الشؤون التعليمية اومنسق مادة او من استاذ او استاذة موثوق بهم . *اخدموا نفسكم بنفسكم وخلصوا اشغالكم بنفسكم . *وفيه حااجة كمان اللي يقولك حول على طول او روح او روحي عند استاذة او استاذ سمعته ممتازة ماتسمعلهم على طول فيه حااجة اسمها فرووق فردية عن تجربة فيه استاذة كانت سمعتها في مادة من المواد سيئة وكانوا كثيير من البنات قالوا حولي لأستاذة ثانية انا جربتها ومشيت معاها واتقبلت طريقة شرحها وجبة درجااات حلووة يعني الخلاصة جربوا بنفسكم بعدين حولوا علشان تكون الشغلة عن اقتناع وتجربة شخصية مو من كلام الناس يعني خذني جيتك . * ( في كلاام يقولك انه في السليمانية الاستاذات الافضل والبنات هناك اشطر وانه الشرفية مبناها مبنى مدارس حكومية واستاذاتها سيئات وطالباتها مو شطار مافيه حاجة زي كذا كبرنا على هذا الكلام احنا اللحين طالبات جامعة يعني عندنا اهدااف واضحة وهيه الدراسة وليس شكل المباني وبالنسبة للاستاذات في كل فرع منهم السيء ومنهم الممتاز وبدلالة كثيير من الشرفية جايبين معدلاتهم خمسات لانه المعدل خمسة من خمسة يعني الخلاصة اللي تنقبل في الشرفية لا تزعل ولا تحزن لانه كل الفرووع زي بعضها ) . * اللي يعتب بوابة جامعة الملك عبدالعزيز لازم يكون محدد تخصص بعينة تخصص اللي يبغاه ( اتخصصوا التخصص اللي راح تبدعوا فيه تبدعوا فيه تبدعوا فيه لا تدخلوا تخصص علشان اهلكم والا علشان راح يصيروا اهلكم ابو المهندس او ابو الدكتور ام المهندسة او ام الدكتورة لااا كثييير دخلوا اقساام علشان اهاليهم وبعد سنة او سنتين حولوا ) لانه اذا ماكنتوا محددين ايش تبغوا تحسوا نفسكم تايهين ماانتو عاارفين ليش جايين ولايش تبغى توصلوا ؟ * السنة التحضيرية تعجيزية ولكن مو لدرجة انك ماتجيب درجااات تدخلك التخصص اللي تبغاه انا ما اخوفكم بس لازم تكونوا نااس فاهمة وعاارفة ايش تبغى ولايش تبغى توصل . * * * كلامي الحين عن الي جايين من خارج جدة ( انصحكم بالصبر لانه انتوا تاركين اهلكم وناسكم وراح تتغربوا علشان توصلوا لهدفكم لاتتهاونوا ابدا ابدا ابدا راح تتحطموا راح تحسوا بخوف راح تحسوا انكم خلااص ماتبغوا تكملوا تبغوا ترجعوا لاهليكم لا تسمعوا لهذا الصوت الداخلي اللي يحبطكم وقولوا راح نوصل واحنا ماجينا هنا وتركنا اهلنا واتحملنا مسؤولية نفسنا الا علشان نوصل ونحقق طموحاتنا وفيه اشياء كثييييييير راح تفتقدوها ( جلسة الاهل والماما اللي تغسل وتطبخ وترتب وتنظف ) بس صدقوني ماراح تخرجوا من هذي التجربة الا وانتوا نااسة قيادية وعاارفة ايش تبغى وقاادرة تتحمل مسؤولية نفسها ومسؤولية قراراتها , وعليكم بالصبر والعزم والعمل بجد لانه نياتكم طيبة واهدافكم وااضحة . نصيحة أخيرة : لا تنسوا انكم اختبرتم اختباراات دراسة + قدرات + تحصيلي تصفية وبتجي السنة التحضيرية وتصفي بقوووة فشدوا ولا تتكاااسلوا ابدا ولا تنسوا انكم عديتوا مشوار طويل وبس سنة وبعدين ترتاحوا بالتخصص اللي تبغوه ولا تندموا على سنين على تخصص معدلكم هوه اللي دخلكم اياه مو التخصص اللي تبغوه علشان سنة ضيعتوها بسبب توتروخوف وتسويف اتوكلوا على ربنا وافعلوا بالاسباااب ومالكم الا الرضا والنجااح .

[noonz]

* تجربة العضوة : Dr.ro0ody بسم الله خطة ب اول شي ماده الكيمياء بما اني احبها هادي المادة جدا سهله وحلوة وممتعة وكانت كمان الاسئله تجي بطريقة حلوة وفي نفس الوقت تبين الفاهم كويس من اللي حافظ بس عيبها طويلة شويتين ولازم اول باول يعني باختصار محاضرة اليوم علطول تفهموها *والمنهج تقريبا نفسوا حق الثانوي بيتكلم عن الاتزان والاشياء , اول المنهج بيتكلم عن التحويل والقياسات وايش يعني ذرة وكتلة وجزئ والصيغ الكيميائيه وكيف تحسبي نسبة مئويه لعنصر في مركب والمعادلات الكيميائيه والكاشف المحدد و المولالية والمولارية وبعدين تنتقلوا للضغط وقوانين الضغط هادا الباب مررة سهله قوانين وتعويض مباشر وبعدين تنتقلوا على الموجات وخصائص الموجات والطيف الموجي والتردد هادي كيمياء مع شوية فيزياء ولازم فهم مرررة تمام ان شاءالله اعطيتكم فكرة عن المنهج وتقريبا نفس التنوي بس اضافات بسيطة . نجي "لطريقة المزاكرة " الماده بيحتاج اهم حاجه دكتورة كويسه انا كنت عند د. هنادي جدا رائعة في الشرح بتشرح من سلايدات, وقت المحاضرة تكون معاكم السلايدات اللي تشرح منها وتنتبهوا معاها في الشرح كويس وتكتبوا كل حاجه مو واضحة في السلايدات كدا في الهامش المادة الحمدالله اخدت فيها +a ومصادر مزاكرتي كانت اول حاجه السلايدات مع الدكتورة وافهم معاها تمام ولما ارجع البيت ازاكر المحاضرة كويس بالاضافه لملخص السيد والله بالكتير ياخد منكم وقت 20 دقيقه اقل من نص ساعة وخصصوا 3 ساعات يوم خميس او جمعة زاكروا فيه كل الشابتر كويس ( الفصل اللي درستوه) بكل حاجه من سلايدات الدكتورة + ملخص السيد وازا قدرتوا تتزودوا في معلومات اكتر اطلعوا على ملخص يوسف زويل كمان جدا رائع ويلخص لكم جميع القوانين يسير يوم الاختبار خلاص انتوا فاهمين كل حاجة في المنهج بس لاااااااااااااااااااااااااااااااااااااااازم قبل الاختبار على الاقل تحلوا نموذجين من اسئله السنوات اللي فاتت نصيحة ( ماتنفع المزاكرة يوم الاختبار لماده الكيمياء ) لازم قبل الاختبار باسبوع تكونوا خلاص خلصتوا كل حاجة بس تحلوا نماذج وانا اضمن لكم ان شاءالله فوق 95 اتكلم على اختبارات الكيمياء كانت سهله وحلوة والفاينال راح يكون شوية طويل فلازم اول باول __ مادة الاحياء اللي للاسف كانت عقدة بنات كتير هادي المادة طبعا حفظ مافيها فهم وطويلة شويه ومصطلحاتها كتيرة شويتين بس الحلو فيها انك لما تختبري في جزء ماعاد ترجعي تختبري فيه مرة تانية, وجميع الدكتورات بيقرأوا الماده قراءه نصيحة مني لاتعتمدوا على الدكتورات في هادي المادة نصيحتي لكم انكم المنهج طويل وماينفع يتزاكر قبل الاختبار لانوا دش شوية لازم هادي الماده على الاقل خصصوا لها يومين في الاسبوع وساعتين تقريبا +المنهج فيلوا مصطلحات شوية كتيرة فحاولوا لما تزاكروا تكتبوا المصطلحات في ورقه مع ترجمتها ويوميا بس 10 دقايق اقرأوا هادي الورقه كمان حابه انبهكم على حاجه شي طبيعي لما تزاكروا تحسوا انوا المعلومات مرررررررة كتير وماتتخزن في عقولكم وتتلخبط في بعض وممكن تيأسوا انا كنت بحس نفس الاحساس بس بضغط على نفسي وبكمل لكن لما اجي يوم الجمعه اراجع من اول مرة احس خلاص المعلومة تثبتت في العقل يجي يوم الاختبار برجع اقرأ المنهج مرة تالته فخلاص تشوفوها سهله بالنسبة للأسئله لاتشيلوا همها مرررررة سهله ونفس السلايدات وطريقة مباشرة هادي المادة تعتبر لرفع المعدل وكتير اخدوا فيها +a وانا منهم __ وللاسف كمان كتير رسبوا فيها لانهم صعبوها على انفسهم من البداية هيا الماده مو سهله ومو صعبه ولكن محتاجه مجهود منك ومزاكرة اول باول واهتمام ماده الماث هادي الماده جدا رائعه وحلوة وممتعه ولازم دكتورة كويسه ونفس منهج التنوي بس اضافات بسيطة ولااااااااااااااااااااااااااااااازم تضمنوا فيها +a الماده تحتاج كمان اول باول لانوا المنهج شوية طويل انا كنت ف المحاضرة بفهم من الكتاب+ ارجع البيت بزاكر من ملخص جمال السعدي جدا جدا رائع ومرتب ومبسط + نماذج لازم لازم لازم تدربوا على نماذج كتير بالاضافه لاسئله الكتاب والحمدالله اخدت فيها +a

[noonz]

(3) نصآئح ! - قبل لآ تخطّي أرض الجامعه : أخلصي النية لله و حددي لك هدف ! الواحد لو ماعنده هدف يسعى له عمره ما رح ينجح .. - فـ الجامعة هنا : كل واحد مسؤول عن نفسه , لاتتوقعوا احد يجري وراكم زي أيام المدرسة , أنتِ هنا المسؤولة عن حضورك عن غيابك عن درجاتك عن كل شيئ .. - السنة التحضيرية سهلة , والله سهلة إذا أعطيتوها حقها , يعني لاتستهينوا فيها أبدًا . - لآتسمعوا لـ كلام المحبطين اللي حولكم , ويا كثرهم .. ثقوا أن ربي ما يضيع تعب أحد . - خلو هدفكم دايما درجات عالية , خلو هدفكم أنكم تجيبو الـ 100 فـكل المواد , وترى مو صعبة ! وإن شاء الله حتى لو ماجبتوها رح تجيبو شيء حولها . - الآشاعات ف السنة التحضيرية : زي النار فـ الهشيم لذلك نصيحتي , أذن من طين وأذن من عجين . - فـ الجامعه , راح تقابلو البنات أشكال وألوان خخ , لاجد يعني عشان ماتنفجعو أنا أقولكم من دحين راح تشوفو البويات نسأل الله الهداية لنا ولهم لا تغتروا بشكلهم لأنو دا الشيء أبدًا ترى مو ستايل ولا حركات كوول ! ترى والله دي مرة ظاهرة سيئة ومقززة لأبعد ححححد ! في شيء كمان يدي تحكني لازم أقوله خخ لاتتكلفوا فـ مظهركم , يعني يا بنات منجد إحنا جايين ندرس مو جايين نستعرض , خلوكم مرتبين بس بحدود يعني صراحة كنت أشوف أشكال فضيعه فالجامعه جاتني العقدة :( إيوة وكمان أبتعدوا عن الكعب العالي ف الجامعه :@ كذا مرة أشوف وحدة كانت ح تطيح قدامي طيحة أليممة بسببه لأن الجامعه شوارع فما بالكم تمشو بالكعب فالشارع ؟ غير أنه متتتتعب والجامعه كلها مشي × مششي آخر شيئ أبغى أقوله , أتوكلو على الله وفوّضو أمركم له , هو بيده كل شيء وأتأكدوا أن ربي مارح يضيع تعبكم هباء , ولآتنسوا الصلاة وقيام الليل ( سهام الليل لآتخطئ يآ أحبّة ) . noonz* -- * كلمة أخيرة / من العضوة : كياني . اول مادخلت الجامعه كنت متخوفه من السنة التحضيريةوبعد اول ميد تيرم ، حسيت انو الـ 5/5 شيء تعجيزيوحتحسوه بالفعل خصوصا لو كنتو من طلاب خطه ب ! لكن مع الدراسه ولمن تعودت ع نظام الجامعه وعرفت طريقة المذآكرة حسيت انو بإمكاني الحق الركب ، والحمد مافاتني َ المذآكرة اول بأول < بالمعنى الحرفي يا اصدقآئي :/ كثيرا تنقال هذه النصيحة لكن ، بالفعل هي شيء ضروري تسوونهلانك بدون مذآكرة اول بأول حتحسو مهما ذآكرتو مايبآن ف الاختبآر لاتجلسو عايمين َ ، اي سؤال استفسآر وجهوه لاسآتذتكم . بإمكان اي فرد منكم قآعد يقرآ اسطري يكون من المتفوقين بهالسنةلاتخلونها عقبـه زي ما اعتبرها الكثير َ . تحدي بينك وبين نفسك لازم تكون قده وتتاقلم مع متطلبآتهداعية للكل بالتوفيق َ يآ اخوآني واخوآتي الصغآر ^^ .. اختكم : مها

[noonz]

(4) صور للجامعة بـ فرعيها ( السليمانية + الشرفيه ) - السليمانية < Astronomer http://www.skaau.com/vb/showthread.php?t=582707 - الشرفية < رفيقي كتاب ربي http://www.skaau.com/vb/showthread.php?t=575521 + خريطة لـ شطر الطالبات < ضروري تكون معاكم أول الأيام عشان ماتضيعووا

[noonz]

(5) تجربة العضوة ( أموشتك ) http://www.skaau.com/vb/showthread.php?t=580722 تجربة العضو ( ططآل عمري ) http://www.skaau.com/vb/showthread.php?t=581950 . . . .

[noonz]

أخيرًا , نسأل الله أن نكون قد وُفِقنا في إيصال الرسالة وإيضاح الصورة لكم . ونسأله أن يكتب لنا التوفيق جميعا . كُل الشُكر لمن أضاف بصمته إلى الموضوع . . . . انتهــــ ! ـــــى

[noonz]

-


كح كح

آه يا عيووني والله عيوني راحت فيها عاد هيا خلقة مو ناقصة الحمدلله
المهم , أنآ خلصصت بعد عناء
< باقي أسوي تجربة سيرين اللي طارت مع الهوا وانسقها من جديد , حرام والله هيا أول وحدة أرسلتلي تجربتها نتعب تاني عشان عيونك ست سيرين

أبغى أشوف الدعوات اللي تفرحني يآ حباييب

أنطلقووآ !

[كياني]

، اوو مآين قآريد <!!!
موضوع كامل متكآمل ، مآلهم دآعي كان ما ثبوهـ < تدور الكرت
وين زي هالموآضيييع عنا بدآية السنـه قسسم بالله مآغير " نتلمّد " < لحد يسأل عن المعنى
والله هالموضوع منآرة ً . كل من يريد التفوق ان شاء الله يطآلعهه
بس فور شور ، التعآون والفن اللي قآعد يصير بينا يآ دفعة 12 ، مايصير في دفعتين <شوتوها
والله بآين يآنونز متعووووب عليـه يسلم رآسسسش انتي وجميـع من شآررك ً
من اولهم الى اخررهم ً ، اكيد ح تقع الفآئدة المرجوةة ،
بس لازم يقرو بعنآية ويستفيدوآ من تجآرب الاخوآت ،
الي ابدو تعآون كبير " انفدآهم بس : انطعن فيهن وآحده وآحدهه
وان شاء الله تكتب في موآزين حسنآتكم ،
وعسى الله يفيد بمآ كتبتي وكتبنا .
-

لـ حقون 13 :
: ي حبي لكم يآ فطآفيط السنـة الجآية
انا متآكدة ان فيكم الطموح مالا يقل ّ عن اللي نرآه ً في بعضنا
احنا كنآ مرتآعين ، ان صح التعبير من هالسنـه ، بس بالفعل مبآلغين ف التقدير لـ هالسنـة
حتى الدروس ورب الكعبة نفس دروس الثآنوي < محد تحمس
مشوآرنا بالتحضيري خلص ، وخذوها منا لا تاخذوها من غيرنا ً / مقدوووور عليهآ
وبإذن الله الله ينولكم مرآدكم ً ،
ودعوآتكم لصآحبة الموضوع ولنا / ان الله ينسينا مرآرة الصعآب بحلاوة النجاح
والقبول بخصصاتنا اللي نحلم فيهـآ :$
وفآلكم ان شاء الله النجااح ، ووآحدة ابضآيـة فيكم تسوي زي موضوع نونز :$ عشآن الكل يستفيد
..

[M!SS Lara]

موضوع رآئع جدا وشآمل..
بصرآحة مرة ابدعتي افنان والأسلوب مبسط جميل ..
الله يجزآكي خير ويعطيكي اجر كل طالب يستفيد من الموضوع ويستعمله مرجع..

الله يوفقك ويوفقك دفعة التحضيري الجآيين :)

[Sweet Dreamz]

ايش هو اللي محجوز ؟ ههههههههههههه
اجلسوا احجزوا وانا بكتب

-

أفنان ابدعتي يا حلوتي! كفيتي ووفيتي يعطيكي العافيه
وفقك الله لما يحبه ويرضاه ..

-

يارب يادفعه 13 تستفيدون منّه اكيد ان شاء الله كل شي واضح بالنسبالكم ماقصرت أفنان =)
ولو فيه اي سؤال احنا حاضرين لا تستحون

فتح الله عليكم ووفقكم وسدد خطاكم .. آمين !