رجعت ومعاي الاجوبة على اسئلتكم

[حبيبة الكل]

صبااااااااااح الخير
توني راجعة من الجامعة رحت الى عمادة القبول والتسجيل للاسف كانت الاستاذة طفشانة واخلاقها قافلة
جاوبتني على كم سؤال وبعضه ما رضت
المهم سالتها عن موعد نتائج التحويل للانتظام قالت بعد العيد السعوديين وغير السعوديين قلتللها حتى
غير السعوديين قالت ايوا كله < مدري ليه مو مصدقتها
والبنات غير السعوديين الي يحولهم قسم الرجال عند قسم الطالبات المفروض يراجعوا عند الاستاذة نوال علشان تسجل اسمها عندها وتنضم للقائمة الي بيرفعوها ربي يسعدها هذي الاستاذة مرة طيوبة وودها تخدم الكل بعكس الثانية الله يهديها
وسالتها عن اعادة اختيار التخصص للي لخبط وحابب يعدل قالت حاولوا من الاودوس واذا ما مشي تعالوا في 6\11
وسالتها عن التحويل للتعليم عن بعد قالت كمان في 6\11
كان في كمان اسئلة في بالي مارضت وقالتلي روحي شوفي شغلك < اللهم اني صائمممم
اما تحديد مستوى الانقلش كل يوم فيه دوام بمبنى 8
ودوام الجامعة من 9 الى 3 < كمان بهذي مو مصدقتهم
ربي يكتب الخير وييسر للجميع
بالتوفييق