مـعـا للـحـد مـن colon cancer (سرطان القولون)

[بيو كيميائية ^_^]

السلامـ عليكـمـ ورحمـة الله وبركاتة

أنا إنسانة ماأهتمـ بالتنسيق فهذا أقصى حد أنسق فيه

قبل مانتكـلمـ عن سرطان القولون

لازم في البداية نعرف ايش هـو السرطان وشلون يصير وايش أسبابه ومين أكثر عرضه للمرض

وبعدها نتكلم عن سرطان القولون

السرطان ( cancer ) هـو عـدمـ إنتظامـ في نمـو الخلية

الخلية الطبيعية تنقسمـ الأم إلى خليتين متشابهتين بعدهـا يصير لها نمـو وبعدهـا تتخصص بوظيفة وبعدها تمـوت

لكن الورمـ راح يكون في البداية نفس الطبيعية لكن الفرق إنها ماتتخصص وتستمر في النمـو وماتموت وتصير ورم

في الخلايا تصير حاجة اسمها cell cycle

فيها خطوات قبل كل خطوة فيه إنزيمات إختصارها CDK ولها أنواع هذهـِ تتأكد إن مافيه خلل

في حالة الورم ماراح يكون فيه هالشيء

أيضًا الورم راح يرسل إشارات لفرز هرمونات وإنزيمات معينة

وهذا فيديو يوضح شلون يصير المرض

ولا تقولون موسيقى لأنها مو موسيقى



وكنت بحط غيرهـ بس خفت تقولون جسد أنثى

لكـل إنسان عندهـ جينين يمـنـعونا من الإصابة من السرطان

اسمهمـ >>لا أحد يقول شنو يعني هذا اسم مثل اسمائكم

Oncogenes

هذا الجين يكون مطفي عشان كذا مانصاب بهالمرض لكن لما يكون مشتغل راح تتم الإصابة

Tumor suppressor genes

هذا العكس يكون شغال ويحمينا من الأورام لكن لما يكون مايشتغل راح يكون فيه كانسر

ايش اللي يخليهمـ يضرونا وما يفيدونا

الطفرات التعرض للإشعاعات التلوث الأكل السيء

عنـدنـا نـوعـين من الأورام

حميد (Benign)

وخبيث ( (Malignant

الحميد قد يتحول إلى خبيث بعض الأحيان

طبعًا فيه أنـواع للسرطانات كثير




بس أنا إخترت أتكلم عن سرطان القولون لأن فيه كثير ومافيه توعية عليه ولأن عندنا عادات غلط

لما أخذنا هذهـِ المحاضرة سألتنـا الدكتورة ليش في الهنـد نسبة سرطان القولون قليلة مرة ؟؟

وأنا كمـان أسأل ليش ماراح أجاوب بس راح أتركمـ تجاوبون وتعرفون من خلال المعرفة بالسرطان وأهل الإختصاص لا يحق لهم الإجابة

Colon cancer (سرطان القولون)

يصير في حاجة اسمها polyps

أسباب المـرض

*العوائل المصابة بهالمرض يعني الناس اللي في عيلتها أحد مصاب تنتبه لنفسها مو شرط تمرض لكن معرضة للمرض

*الأدوية بالتحديد المضادات الحيوية راح تقتل البكتيريا النفافعة وتقلل المناعة

*الأكل اللحوم الحمـراء كثرتها

* خلل في الجينات

أعراضه

أعراضه مو واضحه مثل سرطان الثدي راح تشوفوا ورم وتغير في الجلد

هذا راح يكون فيه ألم في البطن و إسهال وحرارة فقدان الوزن دمـ في الـstool <<أفهموا المعنى

لفترة من الزمن يعني مو يوم يقول معاه كانسر

ومو يشوف دم يقول كانسر فيه أسباب للنزول الدمـ مو سبب واحد

وكمان فقدان الوزن مو شرط كانسر ممكن مشاكل ثانية

بس الإنسان من يشوف شيء متغير يروح المستشفى ويتطمن

عشان لو كان شيء سيء يتم العلاج من البداية

الإختبارات والتحاليل اللي راح يطلبها الدكتور

Colonoscopy* اللي تسمونه منظار

CBC* فحص للدم شامل كل شيء



*فحوصات للكبد

*فحص stool

*وفي حالة معرفة الدكتور إن المريض معاهـ كانسر راح يعمل MRI , CT PET Scan عشان يشوفون إنتشر أو لا

العلاج

Chemotherapy* الكيماوي

Radiotherapy* الأشعة

Surgery* الجراحة إستئصال الورم أو القولون

في المراحل المبكرة يستأصلون مكان الورم مو القولون كامل ويعطونهم دواء يمنع نمو وتكاثر polyps ويمنع حدوث الأورام

إذا تقدمت الحالة بيستأصلون القولون

بعـد ماعرفنـا شنو الكانسر وأسبابه

من المهم نعرف شلون نحاول قدر الإمكان مانصاب بهالمرض

عن طريق الأكل وهي الطريقة الوحيدة للوقاية

* تقليل أكل اللحوم الحمراء

يعني مو أجلس أكل في الليل والنهار لحم ويوميًا يحتاج الجسم من 350-400 غرام فقط يوميًا

*تقليل الدهون

* آكل ألياف كثير (الحبوب الكاملة )

*وأكثر من الأكل المحتوي على مضادات حيوية مثل الطماطم البروكلي الكاكو الثوم البصل



ولا حد يقول يع ثوم وبصل ترا فيه إختراع اسمه معجون أسنان وفيه كمان شيء اسمه نعناع

*الكالسيوم يقلل بس مو يعني تاخذون كثير ويصير فيه زيادةوتأذون الكلية وتسببون حصوات

* كمان فيه دراسة تناول aspirin, ibuprofen, naproxen, celecoxib

تقلل بس ماينصحون كل الناس ياخذونها

*وكمان فيه معلومة عرفتها مؤخرًا فيه حمية هدفها التخلص من السموم

اللي في الكبد والأمعاء والكلية

هالحمية مدتها يومين فقط

تاكلون فيها الفواكة والخضروات والألياف فقط

وبعد هاليومين ترجع تاكل طبيعي

وتعمل هالحركة كل شهر



وهذا فيديو عن القولون كانسر

أخـيرًا الله يبعد عن الجمـيع هالأمراض والله يشفي من أصيب


كـل ماكتبته كتبته بأسلوبي وبدون ماأطلع على أي مصدر فقط تأكدت من إسبيلنق بعض المصطلحات


و إعتمدت على اللي درسته واللي إستفدته من DR. Oaz & the doctors


وموقعي المفضل اللي أنصح أي شخص يبي يبحث عن شيء طبي يدخله ncbi


موقع رائع جدًا


إن كان فيه شيء خطأ فأرجو التصحيح من ذوي الإختصاص


وإن كان فيه معلومات لم أذكرهـا فلتذكروهـا


وأي إستفسار حاضرين :)



وإن شاء الله تكـونوا إستفدتوا