لكل من يريد اضافة اعداد تقارير تعالو هنا

[بنت ناس وقلبي ألماس]

طيب لو تأخذي رقم الدكتور عبدالرحمن اليوبي وتكلميه أو أبوك يكلمه حيكون أفضل وحتمشي أموركم بسرعه لأن
الإيميل يمكن ما يقراه أو ما يفتح ايميلوا أساسا إلا بعد شهووور..
والله يكون معاكم..

[د/شهود]

عادي ماعندي مشاكل بس جيبولي رقمو

[بنت ناس وقلبي ألماس]

اطلبي رقموا من الأولاد هم اللي يقدروا يجيبوا رقمه أو في طريقة ثانية روحي في عمادة القبول والتسجيل عند الشبابيك اللي هناك واطلبي ورقة معاملة لمدير الجامعة وراح يعطوك الورقة عبيها وارفقي معها أسماء البنات وتوقيعاتهم وقبل ما تسلمي الورقة احتفظي برقم المعاملة عندك تلاقيه مكتوب على الورقة وروحي أعطيها وكيلة المدير وحده اسمها ابتسام وهي راح ترسلها وتعطيك موعد عشان تشوفي رد المدير على المعاملة وبهذي الطريقة ماراح يمر أسبوع إلا والشعبة الجديدة فتحت بإذن الله>> جربت هالطريقة بعد مرمطة الجامعة لي وكل وحده ترميني ع الثانية والحمد لله جابت نتيجة وحصلت على طلبي..

[د/شهود]

خلاص تم بكرا يسير دا الشي ان شاءالله الله يسعدك

[دجه ورجه وفله]

د/شهووووود

انا إن شالله من الصباإاح حكووون في الجامعه إش رايك نروح سووا ؟؟

[د/شهود]

ان شاءالله ياعسل ماعندي اي مشكله

[aiko]

بنات اذا سارت اي تطورات خبرونا الله يعطيكم العافية

[د/شهود]

عزيزتي اليوم رحت الشؤون التعليميه وقالتلي مافي بعدها رحت اشوف ايش سار على الخطاب اللي ارسلنا للعميده قالتلي رفضتو

وارسلت الخطاب لمديره الجامعه ع الايميل
ورحت قابلت العميده شخصياً قالتلي انو مافي استازات وارسلت لمعهد اللغه بس مافي رد وقلتلها ليش ماتوسعو الشعبه قالت عشان تفهمو قلتلها كنا نفهم واحنا قربة الستين قالت القاعه ماتستوعب ومافي قاعه تانيه قلتلها ماشاءالله الجامعه قد ايش كبرها قالتلي انتي كدا تشوفيها بس في الواقع هيا مليانه
وقالتلي شوفي دي المواد انا عندي مشاكل فيها من ضمنها اعداد تقارير وادارة عمليات واتوقع سلوك تنظيمي قالتلي انا مابيدي شي ايوا صح اول شي لما قلتلها جيتك بخصوص اعداد تقارير قالتلي انتي خريجه قلتلها لا قالتلي اجل مااقدر افيدك لو خذيجه اعملك دراسه خاصه واروح عمادة القبول والتسجيل بس دحين مااقدر اسوي حاجه قلتلها بس الماده ف الخطه وساعتين يوميا وانا مرتبة جدولي وماحطيت وقتها شي قالتلي بس مارح نقدر وقلتلها مدام انو ماده ف الخطه المفروض تفتحو شعب قد البنات اللي ماشيين ع الخطه بس قالتلي مارح يسير حاجه ووكلي امرك لله وحتاخديها بعدين ودي قصتي وحكايتي طبعا وانا اكلمها خلاص دموعي ف عيني من قهري حرقت اعصابي

واهم حاجه اني سويت اللي عليا واكتر عشان ماالوم نفسي بعدين اني قصرت وبس يمكن خيره من ربنا والله مو رايد

[aiko]

ياعمري عذبوك بس من جد عملتي مجهود جبار ربنا لايضيع لك تعب

[دجه ورجه وفله]

انا كمان رحت للشؤون ونفس الكلاام وارسلونا لوحده موموجوده في مكتبها


الحمدلله ع كل حال لعل في ذلك خير لنا ~