الدورات ستكون حضوريا للكل تحضيري ومتخصصات

[ازدهار عدنان]

تسكيت هذا الكلام تسكيت ليه مو موجود على الموقع الخاص بالجامعة و حتى لو كانت في الحج في تأخير لنا و غير كذا مطالبنا مو بس السنترا لنا عدة مطالب و كلها مهمة خصوصا الشهادة والرسوم و الترم الصيفي ....
أنا متفائلة إننا حنوصل لنتيجة

[تغاريد]

سالته انه دورة الاداب والاقتصاد والتحضيري كلها بعد الحج في وقت واحد ..؟؟

لانه كدا مرة ضغط ,, طبعا مارد عليه

وسالته عن التقويم الجامعه حنى نتاكد من المواعيد

وهذا رده لية :

عليكم بمراجعة القبول والتسجيل وان كنت أعتقد انه سيكتمل خﻻل الاسبوعين القادمة

[فراشة جدة]

شكلهم بس ييسكتونا شوفوا حتى في الاخير وش كتب

لمزيد من التوضيح وتأكيداً لما تم الإعلان عنه تؤكد الجامعة أن جميع دورات سنترا التأهيلية الخاصة بالانتساب والسنة التحضيرية في مواعيدها وسيتم الإعلان عن جداول السنة التحضيرية بعد إجازة الحج على موقع الجامعة، وستكون الدورات مكثفة لمدة ثلاثة أسابيع كالمعتاد،علماً أن خدمة الاستفادة من المحاضرات المسجلة متاحة، والخياران متوفران للطلاب والطالبات
^^^^^
مدري احنا وين موقعنا من الاعراب ؟؟؟؟؟

[تغاريد]

^_^

بس عشان قلنا بنتجمع,, والقرار ماشاء الله طلع قبل يوم الاثنين

بس هذا الشيء مايمنعنا اننا ما نروح بكرة ان شاء الله ..

باذن الله موعدنا بكرة ..

[::الامل::]

وفين هذا الخبر مانزلوه على موقع الجامعة مثل الاخبار الاخرى ؟

[::الامل::]

6_ القرار موجود من السابق وكل حسب ظروفه الحضور غير الزامي وسنترا أيضا متوفر لمن هم خارج جدة


اي قرار يقصد ؟!

الان السنترا اصبح يومين الخميس والجمعة فقط>لطالبات التخصص

[تغاريد]

هذا الكلام موجود بتويتر

عن خالد نقلا عن مدير الجامعه

انه المحاضرات حتكون بالجامعه وسنترا

بس عشان نتاكد ننتظر اكتمال التقويم
حتى نتاكد من المواعيد ..

[روح النجاح]

المشاركة الأصلية كتبت بواسطة تغاريد الدورات ستكون حضوريا كما قال االاستاذ خالد بتويتر .. أي خالد وياليت حسابه بتويتر هذي بعض تغريداته :: 1_ الخبر الدورات ستكون حضوريا للكل تحضيري ومتخصصات يعني يقصد إنهم رجعوا المحاضرات تأهيلية مو عن بعد ! 2_ سيكون هناك دورة يتم فيها لقاء الدكاترة ويقومون بالشرح للحضور بالأضافة الى المحاضرات المسجلة بسنترا يعني نفس الأستاذة اللي بتشرح لي المادة الفلانية أقابلها في الجامعة حضوريًا للدورة التأهيلية وكمان حتشرحه لي سنترا ,, معقوووووول الجامعة لدي الدرجة غيرت نظرتها فينا وحنت علينا وصارت حتعب الأستاذات !!! 3_ الحضور ليس الزامي وسنترا متاح ما جبتوا جدييد 4_ طالبات الانتساب ‎جامعة الملك عبدالعزيز‬‏ للايضاح فقط دورة الحضور 3أسابيع لم تلغى فقط اجلت لبعد الحج بل واضيف اليها سنترا فلكم الخيار يا بابا والله عارفين هالشيء ولعلمك اللي ما ودك تقوله لجل ما تنحكر الحضور في الجامعة دا بس للمستوى السابع والثامن دي السنة من السنة الجاية كله سنترا ومسألة التأجيل بعد الحج دي ترقيع أخطائكم الفادحة . 5_الحضور غير الزامي وممكن يستخدموا سنترا الخيار لكم حسب ظروفكم ومين قالك إننا حنستشيرك , أكيد اللي يريحنا حنسويه 6_ القرار موجود من السابق وكل حسب ظروفه الحضور غير الزامي وسنترا أيضا متوفر لمن هم خارج جدة إذا كان يقصد قرار إن المستوى السابع والثامن هم اللي حضور والمستويات اللي قبل هم سنترا دا شيء اما إذا كان يقصد إننا ما نعرف فمعليش روح سلك لأحد تاني .

التسكييييييييييت دا ما يغنينا عن يوم الإثنين

[sss000]

يابنــــــــــــآت تسكيت جالسين يسكتونا باكاذيب

وين هالكــــــلآم في موقع الجامعــــــــــة ..؟!!!!!!

يعني نصدق تغريدته على التويتر ونكذب موقع الجامعه ؟؟!

بنات تكفون لاتصدقون الاذا اذا مكتوب على موقع الجامعة الجامعه


ورايحين رايحين يوم الاثنين

وحسبنا الله ونعم الوكيل في كل من ظلمنا وكل من يحاول يعيقنا للمطالبه بحقوقنا

[روح النجاح]

في حاجة كمان نحن ليه ساكتين عنها
إنه التقويم إلى الآن ما اكتمل وعلى كلامهم إنه حيكتمل ع الأسبوعين الجاية
يعني متى حنبدأ دراسة , احتمال ع نهاية شهر القعدة
وهذا الشيء معناته دراستنا إلى يوم الاختبار أقل من 3 شهور اللي مفروض تكون لنا زي ماهي للانتظام
حررراااااام ذا الظلم ما يخلونا نآخذ كفيتنا من المادة خصوصًا لما يكون كمان اختباراتنا قبل الانتظام بأسبوع
يعني وش ذا الضغط اللي يسووه علينا